காட்டு யானைகள் அட்டகாசத்தால் வாழை, காபி பயிர்கள் நாசம்

குடகு மாவட்டம் பொன்னம்பேட்டை தாலுகாவில் கிருகூர் மற்றும் மேட்டூர் கிராமங்கள் வனப்பகுதியையொட்டி அமைந்துள்ளன. இதனால் காட்டு யானைகள் அடிக்கடி வனப்பகுதிக்குள் இருந்து கிருகூர், மேட்டூர் கிராமங்களுக்குள் புகுந்து பொதுமக்களை அச்சுறுத்துவதுடன், காபி, வாழை, வெற்றிலை, தென்னை உள்ளிட்ட பயிர்களை நாசப்படுத்திவிடுகின்றன. இதனால் விவசாயிகள் பெரிதும் பாதிக்கப்பட்டுள்ளனர். எனவே காட்டு யானைகள் அட்டகாசத்தை தடுக்கும்படி வனத்துறையினருக்கு மக்கள் கோரிக்ைக வைத்து வருகின்றனர். ஆனால் வனத்துறையினர் நடவடிக்கை எடுக்கவில்லை என கூறப்படுகிறது.