இன்றைய நாள் இனிய நாளாக அமைந்திட வாழ்த்துகள்.
மேஷம்: பிள்ளைகளால் கையிருப்பு கரையும். பூர்வீக வீட்டை சீரமைத்து விரிவுபடுத்தி கட்ட முயற்சிப்பீர்கள். சந்திராஷ்டமம் தொடர்வதால் வெளிவட்டாரத்தில் கவனம் தேவை. வியாபாரம் சிறக்கும். அலுவலகத்தில் பணியை முடிக்க அதிகம் போராட வேண்டியிருக்கும்.
ரிஷபம்: எதிரிகளை வீழ்த்தும் வல்லமை உண்டாகும். கறாராக பேசி காரியம் சாதிப்பீர். சேமிக்கும் அளவுக்கு வருவாய் கூடும். பழுதான சாதனங்களை மாற்றிவிட்டு புதியது வாங்குவீர்கள். அலுவலகத்தில் விவாதங்களை தவிர்க்கவும். வியாபாரத்தில் ஓரளவு லாபம் உண்டு.
மிதுனம்: குடும்பத்தில் உங்கள் வார்த்தைக்கு மதிப்பு கூடும். பெரிய மனிதர்கள், வெற்றி பெற்றவர்களின் நட்பு கிடைக்கும். எதிர்பார்த்த விலைக்கே பழைய சொத்தை விற்பீர்கள். அலுவலகத்தில் மகிழ்ச்சியுண்டு. வியாபார போட்டிகளை சமாளித்து வெற்றி பெறுவீர்கள்.
கடகம்: அடுக்கடுக்காக இருந்து வந்த செலவுகள் இனி குறையும். சவாலான காரியங்களையும் திட்டமிட்டு முடிப்பீர்கள். முன்கோபம் நீங்கும். வியாபாரரீதியாக பிரபலங்களின் உதவியை நாடுவீர்கள். அலுவலகத்தில் தானுண்டு தன் வேலையுண்டு என்று இருப்பது நல்லது.
சிம்மம்: தன்னம்பிக்கை பிறக்கும். பணவரவு திருப்தியாக அமையும். குடும்பத்தில் மகிழ்ச்சி பொங்கும். பிள்ளைகள் பொறுப்பாக நடந்து கொள்வார்கள். வியாபாரத்தில் ஓரளவு லாபம் உண்டு. அலுவலகத்தில் அடுத்தவர் விஷயத்தில் தலையிடாமல் இருப்பது நன்மை தரும்.
கன்னி: உறவினர் மத்தியில் மதிப்பு, மரியாதை கூடும். தந்தைவழி சொத்துகள் கைக்கு வரக்கூடும். மூத்த சகோதர சகோதரிகள் பண உதவி செய்வார்கள். வாகனப் பழுது நீங்கும். அலுவலகத்தில் அமைதி காப்பது நல்லது. வியாபாரத்தில் ஓரளவு லாபம் பார்க்கலாம்.
துலாம்: வெளிவட்டாரத்தில் மதிப்பு கூடும். பழைய நினைவுகளில் மூழ்குவீர். சிலர் நன்றி மறந்து பேசுவர். பூர்வீக வீடு, மனை, விவசாய நிலங்களை விற்பதற்கு முயற்சிப்பீர். வியாபாரத்தில் பாக்கிகள் வசூலாகும். அலுவலகத்தில் மேலதிகாரி நேசக்கரம் நீட்டுவார்.
விருச்சிகம்: செலவுகள் இருக்கும். தாயார், பிள்ளைகளின் உடல்நிலை லேசாக பாதிக்கும். குலதெய்வ வழிபாடு செய்வீர்கள். வியாபார போட்டிகள் கூடும். புதிய பங்குதாரர்களின் கருத்துக்கு முக்கியத்துவம் அளிக்கவும். உத்தியோகம் சிறக்கும்.
தனுசு: புதியவர்கள் அறிமுகமாவர். வர வேண்டிய பணம் கைக்கு வரும். உடன் பிறந்தவர்கள் ஆதரவு தருவார்கள். பூர்வீக சொத்து வழக்கு சாதகமாக முடியும். பிள்ளைகளின் வருங்காலத்துக்காக சேமிப்பீர். அலுவலகரீதியாக பயணம் செல்வீர்.
மகரம்: பணவரவு திருப்திகரமாக இருக்கும். சோர்வு நீங்கி மகிழ்ச்சியுடன் செயல்படுவீர். அரசு காரியங்களில் வெற்றி உண்டு. வியாபாரத்தில் புதிய யுக்திகளைக் கையாண்டு பழைய வாடிக்கையாளர்களை கவருவீர். அலுவலகத்தில் மேலதிகாரியின் பாராட்டை பெறுவீர்.
கும்பம்: எதிர்பார்த்துக் கொண்டிருந்த பணம் வரும். வீட்டில் பழுதான பொருட்களை மாற்றிவிட்டு புதிய பொருட்களால் அலங்கரிப்பீர். வியாபார நெளிவு சுளிவுகளைக் கற்பீர். அலுவலகத்தில் மதிப்பு உயரும். புதிய பதவிக்கு பரிந்துரை செய்யப்படுவீர்கள்.
மீனம்: சிக்கனமாக செலவழித்து சேமிக்க தொடங்குவீர். தாய்வழி உறவினர்களால் ஆதாயம் உண்டு. வியாபாரத்தில் இழுபறியாக இருந்த பாக்கிகள் வசூலாகும். பணியாட்களின் ஆதரவு உண்டு. அலுவலகத்தில் அடுத்தவர் விஷயத்தில் தலையிடாதீர்.
ஸ்ரீ பராபவ வருடம் ஐப்பசி மாதம் 25 ஆம் தேதி புதன்கிழமை 11.11.2026.
இன்று மாலை 03.43 வரை துவிதியை. பின்னர் திரிதியை.
இன்று பிற்பகல் 12.10 வரை அனுஷம். பின்னர் கேட்டை.இன்று அதிகாலை 04.17 வரை சோபனம். பின்னர் அதிகண்டம்.
இன்று அதிகாலை 02.52 வரை பாலவம். பின்னர் மாலை 03.43 வரை கௌலவம். பின்பு தைத்தூலம்..
இன்று முழுவதும் சித்த யோகம்.
நல்ல நேரம்:
காலை : 09.15 முதல் 10.15 மணி வரை
காலை : 10.45 முதல் 11.45 மணி வரை
மாலை : 04.45 முதல் 05.45 மணி வரை
மாலை : 06.30 முதல் 07.30 மணி வரை
ஒரு உழவன் தன் மனைவியின் மீது உயிரையே வைத்திருந்தான்.
மனைவி அவனிடம், "எனக்கு மாம்பழம் சாப்பிட வேண்டும். ஆசையாக உள்ளது!'' என்றாள்.
மனைவியின் ஆசையை எப்படியாவது நிறைவேற்ற நினைத்தான் அவன்.
"இது மாம்பழம் பழுக்கும் பருவம் அல்ல. அரண்மனைத் தோட்டத்தில் உள்ள மாமரத்தில்தான் எப்போதும் மாம்பழம் கிடைக்கும். என்ன செய்வது?' என்று சிந்தித்தான் அவன்.
நள்ளிரவில் யாரும் அறியாமல் அரண்மனைத் தோட்டத்திற்குள் நுழைந்தான்.
நீண்ட நேரம் தேடி மாம்பழம் இருந்த மரத்தை கண்டுபிடித்தான்.
உயரமாக இருந்த மரத்தில் முயற்சி செய்து ஏறினான். மாம்பழத்தை பறித்தான்.
பொழுது புலரத் தொடங்கியது. மரத்தைவிட்டு இறங்கினால் காவலர்களிடம் சிக்கிக் கொள்வோம். இருட்டும் வரை மரத்திலேயே ஒளிந்து இருப்போம் என்று நினைத்தான்.
மரத்தின் கிளைகளுக்கு இடையே ஒளிந்து கொண்டான்.
அவனுடைய கெட்ட நேரம், அரசர் தம் ஆசிரியருடன் அங்கே வந்தார்.
அவன் ஒளிந்திருந்த மரத்தின் நிழலில் அவர்கள் இருவரும் நின்றனர். அங்கிருந்த காவலர்கள் அரசர் அமர்வதற்காக நாற்காலி ஒன்றைக் கொண்டு வந்தனர். அதில் அமர்ந்தார் அவர்.
ஆசிரியரைப் பார்த்து, "இப்போது நான் ஓய்வாகத்தான் இருக்கிறேன். நீங்கள் பாடம் நடத்தலாம்!'' என்றார்.
"அரசே! அப்படியே செய்கிறேன்!'' என்ற ஆசிரியர் தரையில் அமர்ந்தார். அவருக்குப் பாடம் சொல்லத் தொடங்கினார்.
மரத்தில் ஒளிந்து இருந்த அவன் இதைப் பார்த்தான். "இவர்கள் இருவரும் என்னைவிட முட்டாள்களாக இருக்கிறார்களே' என்று நினைத்தான்.
"இங்கே மூன்று முட்டாள்கள்!'' என்றபடி கீழே குதித்தான். இதைக் கேட்ட அரசன், "இங்கே மூன்று பேர்தாம் இருக்கிறோம். இவன் என்னையும் முட்டாள் என்கிறானே...' என்று கோபம் கொண்டார்.
அவனைப் பார்தது,"எங்கள் இருவரையும் உன்னுடன் சேர்த்து முட்டாள்கள் என்று சொல்கிறாயா? நாங்கள் முட்டாள்களா? எங்களை முட்டாள்கள் என்று நிரூபிக்காவிட்டால் உன் உடலில் உயிர் இருக்காது!'' என்று கத்தினார் மன்னர்.
நடுக்கத்துடன் அவன், "அரசே! நான் ஏன் சொன்னேன் என்பதற்கு விளக்கம் சொல்கிறேன்.
மாம்பழப் பருவம் அல்லாத காலத்தில் என் மனைவி மாம்பழத்திற்கு ஆசைப்பட்டாள்.
அரண்மனைத் தோட்டத்தில்தான் மாம்பழம் கிடைக்கும். அங்கே சென்றால் உயிருக்கு ஆபத்து என்பது எனக்கு நன்றாகத் தெரியும்.
இருந்தும் மனைவியின் மீது கொண்ட அன்பினால் இங்கே வந்து ஆபத்தில் சிக்கிக் கொண்டேன்.
என்னை நீங்கள் முட்டாள் என்று ஒப்புக் கொள்வீர்கள்.
"மதிப்பிற்கு உரியவர் ஆசிரியர். எப்போதும் அவர் உயர்ந்த இருக்கையில் அமர வேண்டும். மாணவர்கள் கீழே அமர்ந்து பணிவாகப் பாடம் கேட்க வேண்டும்.
ஆனால், நீங்களோ அரசர் என்பதால் ஆசிரியரை மதிக்கவில்லை. நாற்காலியில் அமர்ந்து உள்ளீர்.ஆசிரியரை மதிக்காத நீங்கள் இரண்டாவது முட்டாள்.
"எந்த நிலையிலும் ஆசிரியர் தன் பெருமையை விட்டுத் தரக்கூடாது. பொருளாசை காரணமாக இவர் தன் நிலையைவிட்டுக் கீழே அமர்ந்து உங்களுக்கு பாடம் சொல்லித் தந்தார். இவர் மூன்றாவது முட்டாள்!'' என்றான் அவன்.
இதைக் கேட்ட அரசர், "ஆசிரியருக்கு மதிப்பு அளிக்காதவன் முட்டாள், என்பதை உன்னால் அறிந்து கொண்டேன்.
இனி இப்படிப்பட்ட தவறு செய்ய மாட்டேன்!'' என்றார்.
அவனுக்கு ஒரு கூடை மாம்பழமும், பரிசும் தந்து அனுப்பி வைத்தார்.
ஏங்க…. இங்கே சாரங்கபாணி தெரு எங்கங்க இருக்கு. ..
அது இங்க இல்லீங்க. …சைதாபேட்டையிலே இருக்குதுங்க…..
அப்ப சிவலிங்கபுரம் எதுங்க. . ……
அது இது தான்………
இங்கதாங்கசாரங்கப்பாணி,தன்னுடைய வீடு இருக்கிறதாசொன்னான் சோம்பேறி. ..நாயி..
போகட்டும்….. அவர்போன் நம்பராவது தெரியுமா…..
ஓ.. தெரியுமே…9481… ….. …….
ஏங்க…..போன்லேநம்பர போட்டு பேசுங்க. …
என் கிட்ட ஏதுங்க போனு…., எங்க கிராமத்துல எந்த பொறுக்கி நாயி கிட்டேயும் பட்டன் போன் கூட இல்லை..உங்க கிட்ட இருந்தா போடுங்க சார்….
சரி போடுறேன்.. … ஆ…. ரிங்கு போவுது பேசுங்க…
(இவர் பேசுகிறார்)
ஏண்டா சண்முகம்… பொறுக்கி நாயே…போன் நம்பர் எழுதி கொடுத்தியே.. … வீட்டு அட்ரஸ் கொடுத்து இருக்கலாம் இல்ல… கண்டபொறுக்கி கிட்ட போனை போட சொல்லி கேட்டு அசிங்கம் ஆயுடிச்சி….அட்ரஸ் இருந்தா நேரா வீட்டுக்கே வந்திருப்பேன் இல்ல…பேமாணி. தோ வீட்டுக்குவரேன்.. . அட்ரஸ் சொல்லு….
(அட்ரஸ் தெரிவிக்க பட்டது)போனை கொடுத்தவர்*******👇
ஏண்டா….. கேப்மாரி…. உனக்குபோனை போட்டு பேச கொடுத்துவிட்டா.. நான் கண்டவனா… …. இது சென்னைடா நாயே… ஒரே மாதிரியா ஒருத்தனும்இருக்க மாட்டாணுங்க(டப் என்ற சப்தம் இடையில் கேட்டது)
ஏங்க….பேசிக்கினே இருந்தீங்க திடீர்னு முகத்திலே அடிச்சிட்டீங்களே…..
இனி யாரையுமே அசிங்கமா பேசாதே.. இது சென்னை… பொளந்துடுவாங்க……இங்கே அடக்கி வாசிக்கணும். போடா தூரம்… ….
சென்னையின் ஒரு பகுதியில் உள்ள ஒரு சிறிய பேக்கரி. அந்த கடையின் சுவரில் கடந்த 12 ஆண்டுகளாக ஒரு பாட்டியின் பெயர் கரும்பலகையில் எழுதப்பட்டிருக்கும். அங்கே தினமும் மாலை 4 மணிக்கு ஒரு முதியவர் வந்து, அந்தப் பலகையில் உள்ள கணக்கைப் பார்த்துவிட்டு, தன் பாக்கெட்டிலிருந்து காசு கொடுத்து அதைத் தீர்த்துவிட்டுப் போவார். யாருக்கும் புரியாது... அது என்ன கணக்கு என்று!
அந்த கடையின் உரிமையாளர் ராமசாமியிடம் ஒருமுறை ஒரு இளைஞன் கேட்டான், "ஐயா, தினமும் வந்து இந்த பாட்டி எதையோ வாங்கிட்டுப் போறாங்களே, யாரு அந்தப் பாட்டி?"
ராமசாமியின் கண்கள் கலங்கின. அவர் சொன்ன உண்மை அந்த இடத்தையே நிசப்தமாக்கியது.
பன்னிரண்டு ஆண்டுகளுக்கு முன்பு, அந்த முதியவர் சுந்தரம் ஒரு மத்திய அரசு அதிகாரியாக இருந்து ஓய்வு பெற்றவர். அவரது ஒரே மகன் வெளிநாட்டில் நல்ல வேலையில் இருந்தான். இவரும் மனைவியும் அந்த ஊரில் தனியாக வசித்து வந்தனர். திடீரென்று சுந்தரத்திற்கு ஒரு தீவிர இதய நோய் ஏற்பட்டது.
அவரிடம் மருத்துவச் செலவிற்காக லட்சக்கணக்கில் பணம் தேவைப்பட்டது. மகனிடம் கேட்டால், "எனக்கு இங்க வேலை பளு அதிகமாக இருக்கு, என்னால இப்போ வர முடியாது. நீங்களே பார்த்துக்கோங்க" என்று சொல்லிவிட்டான்.
பென்ஷன் பணமும் மருத்துவமனை செலவுக்கும் மருந்திற்கும் கூடப் பற்றவில்லை.
கையில் ஒரு காசு கூட இல்லாமல், சுந்தரம் உயிரை கையில் பிடித்துக்கொண்டு அந்தப் பேக்கரிக்கு வந்தார். அவரிடம் அப்போது 50 ரூபாய் கூட இல்லை. அவருக்கு அன்று மூச்சுத் திணறல் அதிகமாகி மயங்கி விழும் நிலை. அந்தப் பேக்கரியை நடத்தும் ஏழைப் பாட்டி லெட்சுமி, அதைப் பார்த்துவிட்டு உடனே அவருக்குத் தன் மகனுக்கு வாங்க வேண்டிய மருந்திற்காக சேர்த்து வைத்திருந்த 500 ரூபாயைக் கொடுத்து, "முதலில் மருத்துவமனைக்குப் போய் மருந்து வாங்கு தம்பி, பணம் பத்தி அப்புறம் யோசிக்கலாம்" என்று சொல்லி அனுப்பினாள்.
அன்று அந்தப் பாட்டி கொடுத்த அந்த 500 ரூபாயும், சரியான நேரத்தில் கிடைத்த உதவியும்தான் சுந்தரத்தின் உயிரைக் காப்பாற்றியது.
ஆனால், அன்று இரவே அந்தப் பாட்டியின் ஒரே மகனும் ஒரு விபத்தில் இறந்துவிட்டான். அந்த துயரத்தைத் தாங்க முடியாமல் பாட்டியும் மனநலம் பாதிக்கப்பட்டார். யாரிடமும் பேச மாட்டார். பேக்கரி உரிமையாளர் பாட்டி அவருக்கு கடன் கொடுத்ததை மறந்துவிட்டார்.
ஆனால், சுந்தரம் அதை மறக்கவில்லை. தன் உயிரைக் காப்பாற்றிய அந்த 500 ரூபாய் கடனைத் தீர்க்க அவர் மருத்துவமனையில் இருந்து வந்தபோது, பாட்டியின் நிலை மாறிவிட்டது. அன்று முதல், தினமும் அந்தப் பேக்கரிக்கு வந்து, பாட்டி சாப்பிடும் தின்பண்டங்கள் மற்றும் தேநீருக்கான தொகையைத் தன் கணக்காக எழுதி வைத்துவிட்டு, அதைத் தவறாமல் கட்டி வருகிறார்.
யாராவது கேட்டால் சுந்தரம் சொல்வார்: "என் சொந்த மகனே என்னை மரணத்தின் விளிம்பில் விட்டுவிட்டுப் போனான். ஆனால், எந்த உறவுமே இல்லாத இந்தப் பாட்டி எனக்கு மறுவாழ்வு கொடுத்தாள். இந்த கணக்கு வெறும் பணத்தாலானது அல்ல; என் உயிர் வாழுவதற்கான தர்மக் கணக்கு!"
ஒரு சிறிய கிராமத்தில் கண்ணனும் முருகனும் சிறுவயது முதல் உற்ற நண்பர்களாக இருந்தனர். இருவரும் ஒன்றாகவே படித்தனர், ஒன்றாகவே கனவு கண்டனர். அரசு வேலைக்கான தேர்வு வந்தபோது இருவரும் இரவு பகலாக உழைத்தனர். தேர்வு முடிவு வந்த நாளில் கண்ணன் வெற்றி பெற்றிருந்தான், முருகன் சில மதிப்பெண்களில் தவறவிட்டிருந்தான்.
அந்த நேரத்தில் முருகன் மனதில் சிறிது வருத்தம் இருந்தாலும், பொறாமை கொஞ்சமும் இல்லை. அவன் ஓடிச் சென்று கண்ணனை கட்டி அணைத்து, கண்கள் கலங்க மனதார வாழ்த்தினான். உன் வெற்றி என் வெற்றி போலவே மகிழ்ச்சியாக இருக்கிறது என்று சொன்னான். அவனது வார்த்தைகளில் உண்மையான அன்பு இருந்தது. அதைக் கண்ட கண்ணனும் கண் கலங்கினான். அன்று மாலை ஊர் முழுவதும் கண்ணனை வாழ்த்தியது, ஆனால் அனைவருக்கும் முன்பாக முருகனின் வாழ்த்து தான் கண்ணனின் மனதில் ஆழமாக பதிந்தது.
சில ஆண்டுகள் கழித்து முருகனும் வெற்றி பெற்றபோது, முதலில் ஓடி வந்து வாழ்த்தியவன் கண்ணன் தான். அவர்கள் நட்பு வாழ்த்தால் மேலும் வலுவானது.
கருத்து: வாயால் சொல்லும் வாழ்த்து காற்றில் கரைந்து விடும். மனதார சொல்லும் வாழ்த்து தான் ஒருவரின் வாழ்நாள் முழுவதும் நினைவில் நிற்கும். பிறர் வெற்றியை மனதார வாழ்த்துபவருக்கு தான் வெற்றி தேடி வரும்.
கியூபெக் மாநிலத்தில் செயற்கை நுண்ணறிவு தரவு மையங்கள் மின் கட்டமைப்பை குறிவைப்பதால், அதிக கண்காணிப்பு தேவை என்று கோரிக்கை எழுந்துள்ளது. இந்த மையங்கள் மிக அதிக மின்சாரத்தை பயன்படுத்துவதால், மின் கட்டணம் உயரும் என்ற அச்சம் ஏற்பட்டுள்ளது. இது குறித்து மாநில அரசு ஆலோசித்து வருகிறது.
கியூபெக் மின் நிறுவனம் பெரிய தரவு மையங்களுக்கு அதிக கட்டணம் வசூலிக்க முன்மொழிந்துள்ளது. தற்போதைய தொழில் கட்டணத்தை விட இது கிட்டத்தட்ட இரு மடங்கு அதிகம் என்று கூறப்படுகிறது. இந்த முன்மொழிவு குறித்து விசாரணை தொடர்ந்து நடைபெற்று வருகிறது.
கிரே கோப்பை இறுதிப் போட்டிக்காக எட்மண்டன் மற்றும் மாண்ட்ரியல் அணிகள் கல்கரிக்கு வந்து சேர்ந்தன. வரும் ஞாயிற்றுக்கிழமை நடைபெறவுள்ள 113 ஆவது கிரே கோப்பை இறுதிப் போட்டியில் இரு அணிகளும் மோதவுள்ளன. நகரம் முழுவதும் விழா களைகட்டியுள்ளது.
கிரே கோப்பை வந்ததை கொண்டாடும் வகையில் கல்கரியில் சிறப்பு ஊர்வலம் நடைபெற்றது. கனடிய படையினரின் மரியாதையுடன் கோப்பை நகருக்கு கொண்டு வரப்பட்டது. ரசிகர்கள் இரு அணிகளையும் உற்சாகமாக வரவேற்றனர்.
கனடா ரஷ்யா தொடர்பான தடைகளை மேலும் விரிவுபடுத்தியுள்ளது. ஏவுகணை தொழில்நுட்பம், இணையவழி நடவடிக்கைகள் மற்றும் பாதுகாப்பு தொழில் துறையில் ஈடுபட்ட 38 நிறுவனங்கள் மற்றும் 24 தனிநபர்கள் மீது இந்தத் தடைகள் விதிக்கப்பட்டுள்ளன. இது ரஷ்யாவின் போர் திறனை குறைக்கும் நோக்கம் கொண்டது என்று கனடா அரசு தெரிவித்துள்ளது.
இந்த அறிவிப்பும் பாரிஸ் நகரில் நடைபெற்ற ஏழு நாடுகள் கூட்டத்தில் வெளியிடப்பட்டது. உக்ரைன் மீதான தாக்குதலுக்கு பதிலடியாக இந்த நடவடிக்கை எடுக்கப்பட்டுள்ளதாக கனடா கூறியுள்ளது. தடை செய்யப்பட்டவர்களின் சொத்துக்கள் முடக்கப்படும் என்றும் தெரிவிக்கப்பட்டுள்ளது.
கனடா ஈரானைச் சேர்ந்த 11 நிறுவனங்கள் மீது தடைகளை மீண்டும் விதித்துள்ளது. ஈரானின் அணுசக்தி நடவடிக்கைகளுக்கும், ஏவுகணை திட்டத்துக்கும் இவை உதவியதாக கனடா கூறியுள்ளது. வெளியுறவு அமைச்சர் அனிதா ஆனந்த் இந்த அறிவிப்பை பாரிஸ் நகரில் வெளியிட்டார்.
இந்த நிறுவனங்களில் ஈரானின் அணு எரிபொருள் நிறுவனம், தேசிய எண்ணெய் நிறுவனம், தேசிய எண்ணெய் கப்பல் நிறுவனம் மற்றும் வங்கிகளும் அடங்கும். இவை 2016 ஆம் ஆண்டு தடை பட்டியலில் இருந்து நீக்கப்பட்டிருந்தன. தற்போது மீண்டும் தடை பட்டியலில் சேர்க்கப்பட்டுள்ளன.
நடிகர் அஜித் நடிக்கும் டேர்டெவில் படத்தின் படப்பிடிப்பு ஐதராபாத்தில் உள்ள ராமோஜி பிலிம் சிட்டியில் தொடங்கியுள்ளது. ஆதிக் ரவிச்சந்திரன் இயக்கும் இந்தப் படத்தை ஷாலினி அஜித் தயாரிக்கிறார். பிரம்மாண்டமான சூதாட்ட அரங்கம் போன்ற அரங்குகள் அமைக்கப்பட்டு படப்பிடிப்பு நடைபெற்று வருகிறது.
இந்தப் படத்தில் கதாநாயகியாக கயாடு லோகர் நடிப்பதாக தகவல்கள் வெளியாகியுள்ளன. ஸ்ரீலீலா விலகியதை அடுத்து அவர் இந்த வாய்ப்பை பெற்றுள்ளதாக கூறப்படுகிறது. அஜித்தின் கவர்ச்சியான தோற்றம் கொண்ட முதல் பார்வை வெளியாகி ரசிகர்களிடம் பெரும் எதிர்பார்ப்பை ஏற்படுத்தியுள்ளது.
நடிகர் சூர்யா அரசியலுக்கு வருவது குறித்த வதந்திகளுக்கு முற்றுப்புள்ளி வைத்துள்ளார். தனக்கு தற்போது அரசியலுக்கு வரும் எண்ணம் இல்லை என்று சென்னையில் நடைபெற்ற நிகழ்ச்சியில் தெளிவாக கூறியுள்ளார். தீபாவளிக்கு வெளியான சீன் படத்தின் நிகழ்ச்சியில் பேசும்போது அவர் இதை தெரிவித்தார்.
அரசியலை தான் வெறுக்கவில்லை என்றும், அமைதியாக அரசியல் நிகழ்வுகளை கவனித்து வருவதாகவும் அவர் கூறினார். தான் நம்பும் சமூகப் பணிகளில் கவனம் செலுத்தவே விரும்புவதாகவும் தெரிவித்தார். அவரது இந்த கம்பீரமான பேச்சு ரசிகர்களிடம் பெரும் வரவேற்பை பெற்றுள்ளது.
நடிகை புளோரன்ஸ் பியூ பிரபல பெண்கள் பத்திரிகையின் ஹாலிவுட் பெண்கள் சிறப்பு இதழின் அட்டைப்படத்தில் இடம்பெற்றுள்ளார். அவரது கவர்ச்சியான தோற்றமும், தன்னம்பிக்கையான பார்வையும் அட்டைப்படத்தை மேலும் சிறப்பாக்கியுள்ளது. இந்தச் செய்தி இன்று வெளியாகி ரசிகர்களிடம் பெரும் வரவேற்பை பெற்றுள்ளது.
அதே நேரத்தில் தன்னுடன் பணியாற்றிய இயக்குநர் செபாஸ்டியன் லீலியோவின் மறைவுக்கு அவர் உருக்கமான அஞ்சலி செலுத்தியுள்ளார். பெண்களை மிகவும் மதித்து, அவர்களுக்காக ஆழமாக சிந்தித்த மனிதர் அவர் என்று கூறியுள்ளார். அவரது இந்தப் பதிவு பலரது மனதையும் நெகிழ வைத்துள்ளது.
ஹாலிவுட் நடிகை ஏஞ்சலினா ஜோலி இன்று காலை மணிலா விமான நிலையத்தில் வந்து இறங்கினார். தென்கிழக்கு ஆசிய நாடுகளின் உள்ளடக்கிய வளர்ச்சி உச்சி மாநாட்டில் கலந்து கொள்வதற்காக அவர் பிலிப்பைன்ஸ் வந்துள்ளார். நாளை நடைபெறவுள்ள இந்த மாநாட்டில் அவர் சிறப்பு பேச்சாளராக கலந்து கொள்கிறார்.
கம்போடிய இயக்குநர் ரித்தி பானுடன் இணைந்து நினைவுகளில் இருந்து நம்பிக்கைக்கு என்ற தலைப்பில் அவர் உரையாற்றவுள்ளார். நடிகை என்பதையும் தாண்டி மனிதாபிமான செயல்பாடுகளுக்காக அறியப்பட்டவர் இவர். அவரது வருகை மணிலாவில் பெரும் வரவேற்பை பெற்றுள்ளது.
பிரபல நடிகை பூஜா ஹெக்டே இலங்கைக்கு வருகை தந்துள்ளார். கொழும்பில் நடைபெறவுள்ள நிகழ்ச்சி ஒன்றில் கலந்து கொள்வதற்காக அவர் கட்டுநாயக்க விமான நிலையத்தில் வந்து இறங்கியுள்ளார். இந்தச் செய்தி இன்றைய தினம் இலங்கை செய்திகளில் முக்கிய இடம் பிடித்துள்ளது.
கொழும்பு வெள்ளவத்தையில் அமையவுள்ள புதிய ஆடை நிறுவனத்தின் திறப்பு விழாவில் அவர் சிறப்பு விருந்தினராக கலந்து கொள்கிறார். புட்ட பொம்மா மற்றும் மோனிகா மோனிகா போன்ற பாடல்கள் மூலம் இலங்கை ரசிகர்களிடமும் பெரும் வரவேற்பை பெற்றவர் இவர். அவரது வருகைக்காக ரசிகர்கள் ஆவலுடன் காத்திருக்கின்றனர்.
நாளை அவரை நேரில் சந்தித்து புகைப்படம் எடுத்துக் கொள்வதற்காக ரசிகர்களுக்கு சந்திப்பு நிகழ்ச்சி ஒன்றும் ஏற்பாடு செய்யப்பட்டுள்ளது. முன்பதிவு செய்த ரசிகர்கள் மட்டுமே அந்த நிகழ்ச்சியில் கலந்து கொள்ள முடியும். புடவையில் கவர்ச்சியான தோற்றத்தில் வலம் வரும் இவரது வருகை கொழும்பில் பெரும் பரபரப்பை ஏற்படுத்தியுள்ளது.
பன்னிரண்டு ஆண்டுகள் இடைவெளிக்குப் பிறகு நஸ்ரியா நசிம் தமிழ் சினிமாவுக்கு மீண்டும் வந்துள்ளார். சூர்யாவுடன் இணைந்து சீன் படத்தில் மாயா என்ற கதாபாத்திரத்தில் நடித்துள்ளார். இந்தப் படம் கடந்த ஆறாம் தேதி வெளியாகி திரையரங்குகளில் வெற்றிகரமாக ஓடிக் கொண்டிருக்கிறது.
இதுவரை மென்மையான உணர்வுகளை வெளிப்படுத்தும் நாயகியாக பார்க்கப்பட்டவர், இந்தப் படத்தில் அதிரடி நாயகியாக மாறியுள்ளார் என்று படக்குழுவினர் கூறுகின்றனர். சண்டைக் காட்சிகளில் அவர் காட்டிய துணிச்சலும், உடல் மொழியும் அனைவரையும் வியக்க வைத்துள்ளது. படத்தின் சண்டை இயக்குநர் சேத்தன் டிசோசா, உணர்வுகளின் அரசியிடம் இருந்து அதிரடி அரசியாக மாறிவிட்டார் என்று பாராட்டியுள்ளார்.
பார்வையாளர்களின் எதிர்பார்ப்பை மீறும் வகையில் இயக்குநர் ஜித்து மாதவன் இந்தக் கதாபாத்திரத்தை வடிவமைத்துள்ளார். அழகான தோற்றத்தையும், அதிரடியான நடிப்பையும் ஒரே நேரத்தில் வெளிப்படுத்தி நஸ்ரியா மீண்டும் தமிழ் ரசிகர்களின் மனதில் இடம் பிடித்துள்ளார். இந்த மீள்வருகை அவருக்கு புதிய பட வாய்ப்புகளைத் திறந்து விட்டுள்ளது.
இராமாயணம் படத்தில் சீதையாக சாய் பல்லவி நடித்திருப்பது குறித்து சமூக வலைதளங்களில் பல விமர்சனங்கள் எழுந்தன. இந்த நிலையில் நடிகர் தனுஷ், சாய் பல்லவிக்கு வெளிப்படையாக ஆதரவு தெரிவித்துள்ளார். இந்தியா முழுவதும் தேடினாலும் இவரைப் போன்ற சிறந்த சீதையை காண முடியாது என்று அவர் கூறியுள்ளார்.
ஓம் படத்தின் இசை வெளியீட்டு விழாவில் பேசிய தனுஷ், சாய் பல்லவியின் தூய்மையான மனதையும், அர்ப்பணிப்பான நடிப்பையும் பாராட்டினார். அதே படத்தில் சாய் பல்லவி காவல்துறை அதிகாரியாக நடித்துள்ளார். செம்மரக் கடத்தலை விசாரிக்கும் துணிச்சலான பெண் அதிகாரியாக அவரது தோற்றம் ரசிகர்களிடம் பெரும் எதிர்பார்ப்பை ஏற்படுத்தியுள்ளது.
சாய் பல்லவியின் பாரம்பரிய அழகும், இயல்பான நடிப்பும் சீதை கதாபாத்திரத்துக்கு மிகவும் பொருத்தமாக இருப்பதாக திரைத்துறையினர் கருதுகின்றனர். விமர்சனங்களைத் தாண்டி, திரையில் அவரது கம்பீரமான தோற்றமும், கண்களில் தெரியும் உணர்வும் படத்துக்கு பெரும் பலம் சேர்த்துள்ளது. இந்த ஆதரவு அவரது ரசிகர்களுக்கு மகிழ்ச்சியை அளித்துள்ளது.
நடிகை பிரியா பவானி சங்கர் விரைவில் திருமணம் செய்து கொள்ளவுள்ளதாக தகவல்கள் வெளியாகியுள்ளன. நீண்ட நாட்களாக காதலித்து வரும் ராஜ்வேல் ராஜ் என்பவரை அவர் மணக்கவுள்ளார் என்று கூறப்படுகிறது. இந்தச் செய்தி அவரது ரசிகர்களிடம் மகிழ்ச்சியையும், ஆச்சரியத்தையும் ஏற்படுத்தியுள்ளது.
பிரியா பவானி சங்கர் தமிழ் சினிமாவில் தொடர்ந்து முக்கிய கதாபாத்திரங்களில் நடித்து வருகிறார். சமீபத்தில் வெளியான படங்களில் அவரது நடிப்பு பெரிதும் பேசப்பட்டது. புடவையில் கவர்ச்சியாகவும், அதே நேரத்தில் கம்பீரமாகவும் தோன்றும் அவரது புகைப்படங்கள் அடிக்கடி சமூக வலைதளங்களில் வைரலாகி வருகின்றன.
திருமணச் செய்தி வெளியானதும், திரைத்துறை நண்பர்களும், ரசிகர்களும் அவருக்கு வாழ்த்துகளைத் தெரிவித்து வருகின்றனர். திருமணத்துக்குப் பிறகும் தொடர்ந்து நடிப்பில் கவனம் செலுத்துவார் என்று எதிர்பார்க்கப்படுகிறது. அவரது அடுத்த படங்கள் குறித்த அறிவிப்புகளுக்காக ரசிகர்கள் ஆவலுடன் காத்திருக்கின்றனர்.
உலக செய்திகள்
1. ஈரான் போர் முடிவு குறித்த பேச்சு
அமெரிக்க அதிபர் டிரம்ப் கத்தார் பிரதமரை வெள்ளை மாளிகையில் சந்தித்தார். ஈரான் மீது மீண்டும் போர் தேவைப்படாது என்றும் பேச்சு சாதகமாக உள்ளது என்றும் கூறினார்.
2. அபுதாபியில் உக்ரைன் பேச்சு
அமெரிக்கா, ரஷ்யா, உக்ரைன் பிரதிநிதிகள் அபுதாபியில் அமைதிப் பேச்சு நடத்தினர். பேச்சு தொடங்கும் முன் ரஷ்யா உக்ரைன் மீது தாக்குதல் நடத்தியதாக தகவல் வெளியானது.
3. போப் லியோவின் திருப்பலி
போப் லியோ புவனஸ் ஐரிஸ் நகரில் திறந்தவெளியில் திருப்பலி நடத்தினார். அதில் பெரும் திரளான மக்கள் கலந்து கொண்டனர்.
கனடா செய்திகள்
4. ரஷ்யா மீது புதிய தடைகள்
கனடா ரஷ்யா தொடர்பான புதிய தடைகளை அறிவித்தது. நிழல் கப்பல் படை மற்றும் போர் தொழில் துறை மீது இந்த தடைகள் குறி வைக்கின்றன.
5. கால்கரியில் கிரே கோப்பை இறுதி
கிரே கோப்பை இறுதிப் போட்டிக்காக அணிகள் கால்கரிக்கு வந்து சேர்ந்தன. நகரில் இறுதிப் போட்டிக்கான ஏற்பாடுகள் தீவிரமாக நடந்து வருகின்றன.
இந்திய செய்திகள்
6. இந்தியா - ஐரோப்பிய ஒன்றியம் பேச்சு
இந்தியாவும் ஐரோப்பிய ஒன்றியமும் கூட்டு விரிவான உத்தி நிகழ்ச்சி நிரலை மறு ஆய்வு செய்தன. இரு தரப்பு உறவு மற்றும் வர்த்தக ஒத்துழைப்பு குறித்து விரிவாக பேசப்பட்டது.
7. தில்லியில் யமுனை படகு சேவை
தில்லியில் முதல் பொழுதுபோக்கு யமுனை படகு சேவை சோனியா விகாரில் தொடங்கப்பட்டது. தேசிய நீர்வழி 110 வழியாக இந்த படகு சேவை இயக்கப்படுகிறது.
8. மோடி - செலன்ஸ்கி தொலைபேசி பேச்சு
பிரதமர் மோடி உக்ரைன் அதிபர் செலன்ஸ்கியுடன் தொலைபேசியில் பேசினார். உக்ரைன் அமைதி மற்றும் உணவு வழித்தடங்களில் இந்தியா உதவ தயார் என தெரிவித்தார்.
இலங்கை செய்திகள்
9. ராவல்பிண்டி டெஸ்ட் போட்டி
பாகிஸ்தான் இலங்கைக்கு எதிரான முதல் டெஸ்டில் 434 ஓட்டங்களுக்கு 9 விக்கெட் இழப்பில் டிக்ளேர் செய்தது. ஐந்து வீரர்கள் அரைசதம் அடித்து அணியை வலுவான நிலைக்கு கொண்டு சென்றனர்.
10. கொழும்பு பங்குச்சந்தை உயர்வு
கொழும்பு பங்குச்சந்தையில் முக்கிய குறியீடுகள் கணிசமாக உயர்ந்தன. அதிக வர்த்தகத்துடன் சந்தை நேர்மறையான நாளாக அமைந்தது.
ஸ்ரீ பராபவ வருடம் ஐப்பசி மாதம் 24 ஆம் தேதி செவ்வாய்க்கிழமை 10.11.2026.
பிரதமை மதியம் 2.01 வரை. பிறகு துவிதியை.
விசாகம் காலை 9.19 வரை. பிறகு அனுஷம்.
சோபனம் நாளை அதிகாலை 3.09 வரை. பிறகு அதிகண்டம்.
பவம் மதியம் 2.01 வரை. பிறகு பாலவம்..
மந்தயோகம் காலை 9.19 வரை. பிறகு சித்தயோகம்.
நல்ல நேரம்:
காலை: 8.00 முதல் 9.00 மணிவரை
காலை : 12.00 முதல் 1.00 மணி வரை
இரவு: 7.00 முதல் 8.00 மணி வரை
இன்றைய நாள் இனிய நாளாக அமைந்திட வாழ்த்துகள்.
மேஷம்: சந்திராஷ்டமம் தொடர்வதால் தடைகள் வரும். குடும்பத்தில் விட்டுக் கொடுத்து போவீர். பூர்வீக வீடு, மனை, விவசாய நிலங்களை விற்க முயற்சி செய்வீர்கள். வியாபாரத்தில் லாபம் உண்டு. அலுவலகத்தில் அமைதி காப்பது நல்லது. சக ஊழியர்கள் மதிப்பார்கள்.
ரிஷபம்: நினைத்தது நிறைவேறும். ஈகோ பிரச்சினை தீர்ந்து தம்பதிக்குள் அன்யோன்யம் அதிகரிக்கும். பிள்ளைகள் குடும்ப சூழ்நிலை அறிந்து செயல்படுவர். வியாபார போட்டிகளை சமாளித்து வெற்றி காண்பீர். அலுவலகத்தில் விவாதங்களைத் தவிர்த்துவிடவும்.
மிதுனம்: தேவைகள் பூர்த்தியாகும். வெளிவட்டாரத் தொடர்புகள் கூடும். பழைய கடனைத் தீர்க்க முயற்சி செய்வீர். யாருக்கும் எந்த வகையிலும் உறுதிமொழி தர வேண்டாம்.வியாபாரத்தில் டென்ஷன் விலகும். அலுவலகத்தில் மேலதிகாரி பாராட்டுவார்.
கடகம்: நீங்கள் முன்பு செய்த உதவிகளுக்கு இப்போது பாராட்டப்படுவீர். உறவினர் மத்தியில் மதிக்கப்படுவீர். குலதெய்வம் கோயிலுக்குச் செல்வீர். வியாபாரத்தில் வெற்றி காண்பீர். அலுவலகத்தில் யாரையும் பகைத்துக் கொள்ளாதீர்கள்.
சிம்மம்: நீங்கள் ஒன்று பேச, அதை மற்றவர்கள் வேறு விதமாக புரிந்து கொள்வார்கள். அனைவரிடமும் மிக எச்சரிக்கையாக பேசுவது நல்லது. வியாபாரத்தில் பங்குதாரரின் கருத்துக்கு முக்கியத்துவம் கொடுக்கவும். அலுவலகத்தில் தேடிய முக்கிய ஆவணம் தென்படும்.
கன்னி: புது வீடு, மனை, வாகனம் வாங்குவது குறித்து யோசிப்பீர். வெளியூர் பயணங்களால் ஆதாயம் உண்டு. அக்கம் பக்கத்தினரை அனுசரித்து நடந்து கொள்ளவும். அலுவலகத்தில் பணிச்சுமை குறையும். மேலதிகாரிகள் ஆதரவு தருவர்.
துலாம்: திட்டமிட்ட பணிகளை பல தடைகளை தாண்டி முடிக்க வேண்டி வரும். குடும்பத்தில் கலகலப்பான சூழல் ஏற்படும். தாயாரின் உடல் ஆரோக்கியத்தில் அக்கறை காட்டவும். அலுவலகத்தில் அடுத்தவர் விஷயத்தில் தலையிடாதீர்.
விருச்சிகம்: தட்டு தடுமாறி சில வேலைகளை முடிப்பீர். குடும்பத்தில் விட்டுக் கொடுத்துப் போகவும். பூர்வீக சொத்து தொடர்பான வழக்கில் உங்களுக்கு சாதகமான தீர்ப்பு கிட்டும். வியாபாரத்தில் பாக்கிகளை வசூலிப்பீர். அலுவலகத்தில் விவாதங்களை தவிர்க்கவும்.
தனுசு: இங்கிதமானப் பேச்சால் எல்லோரையும் கவருவீர்கள். தோற்றப் பொலிவு கூடும். பிள்ளைகள் நம்பிக்கை தருவார்கள். பயணங்கள் சிறப்பாக அமையும். வியாபாரத்தில் போட்டி குறையும். அலுவலகத்தில் தான் உண்டு தன் வேலை உண்டு என்று இருப்பது நல்லது.
மகரம்: குடும்ப உறுப்பினர்களின் உணர்வுகளைப் புரிந்து கொள்வீர்கள். பிள்ளைகளால் பெருமையடைவீர்கள். வழக்கில் இருந்து வந்த தேக்க நிலை மாறும். அலுவலக ரீதியாக பயணம் மேற்கொள்வீர். வியாபாரத்தில் லாபம் உண்டு.
கும்பம்: தள்ளிப் போய்கொண்டிருந்த சுபகாரியங்கள் கை கூடி வரும். பணவரவால் வீடு, வாகனத்தை மாற்றுவீர்கள். கூட்டுத்தொழிலில் பங்குதாரர்கள் அனுசரணையாக நடந்து கொள்வார்கள். அலுவலகத்தில் புதிய பதவிக்கு பரிந்துரை செய்யப்படுவீர்.
மீனம்: வாழ்க்கையின் நெளிவு, சுளிவுகளைக் கற்றுக் கொள்வீர்கள். மனைவிவழி உறவினர்களை அனுசரித்து நடந்து கொள்ளவும். நண்பர்களின் உதவியுடன் புது வேலை கிடைக்கும். வியாபாரம் லாபம் தரும். அலுவலகத்தில் அடுத்தவர் விஷயத்தில் தலையிடாதீர்.
Home
