சுல்தான் பட வசூலை மிஞ்சியது கர்ணன் பட வசூல்

உண்மை சம்பவத்தை அடிப்படையாக கொண்டு கதையை மட்டுமே பிரதானமாக வைத்து தனுஷ் நடிப்பில் உருவான கர்ணன் திரைப்படம் நல்ல வரவேற்பையும் வசூலையும் பெற்று வருகிறது. அதேபோல் கார்த்தி நடிப்பில் வெளியான சுல்தான் திரைப்படம் பக்கா கமர்சியல் திரைப்படமாக ஹிட்டாகி உள்ளது.

தற்போது வரை கார்த்தியின் சுல்தான் திரைப்படம் தமிழகம் முழுவதும் சுமார் 25 கோடி வசூல் செய்துள்ளதாம். ஆனால் தனுஷ் நடிப்பில் வெளியான கர்ணன் திரைப்படம் முதல் நாள் 11 கோடியும், இரண்டாவது நாள் 9 கோடியும், மூன்றாவது நாள் 13 கோடியும் வசூலித்து மிரட்டியுள்ளது.

ஆக மொத்தத்தில் முதல் மூன்று நாட்களிலேயே 30 கோடிக்கும் மேல் வசூல் செய்து அனைவரையும் பிரமிக்க வைத்துள்ளது. இத்தனைக்கும் சுல்தான் திரைப்படத்திற்கு 100 சதவீத பார்வையாளர்கள் அனுமதி கிடைத்தது குறிப்பிடத்தக்கது. ஆனால் கர்ணன் முதல் நாள் மட்டுமே 100 சதவீத பார்வையாளர்களுடன் வெளியானது.