கர்ணன் படத்தை குடும்பத்துடன் கண்டு மகிழ்ந்த தனுஷ்

அமெரிக்காவில் இருக்கும் தனுஷ் தனது குடும்பத்தோடு சேர்ந்து கர்ணன் படத்தை பார்த்து மகிழ்ந்துள்ளார். தமிழ் சினிமாவில் முன்னணி நடிகர்களில் ஒருவராக திகழ்பவர் நடிகர் தனுஷ். இவரது நடிப்பில் கடைசியாக வெளியான படம் பட்டாஸ். இந்தப் படம் போதுமான வரவேற்பு பெறவில்லை. இந்தப் படத்தைத் தொடர்ந்து இயக்குநர் மாரி செல்வராஜ் இயக்கத்தில் தனுஷ் நடிப்பில் உருவாகியுள்ள புதிய படம் கர்ணன். முழுக்க முழுக்க உண்மைக் கதையை மையப்படுத்தி கர்ணன் படம் உருவாக்கப்பட்டுள்ளது. திருநெல்வேலி பகுதியில் நடந்த உண்மைக் கதையை மையப்படுத்தி கர்ணன் படம் உருவாக்கப்பட்டுள்ளது.

அதாவது, கீழ் சமூகத்தினரைச் சேர்ந்த மக்கள் மேல் சமூகத்தினராலும், அரசாங்க அதிகாரிகளாலும் தொடர்ந்து துன்புறுத்தப்பட்டு வருகின்றனர். அவர்களால் பாதிக்கப்படும் நம்ம ஹீரோ, தன் மக்களையும், தன் இனத்தின் உரிமைக்காகவும் போராடும் கதையை மையப்படுத்தி கர்ணன் படம் உருவாக்கப்பட்டுள்ளது. கர்ணன் கதையில் தனுஷ் குதிரை, வாள், சட்டை, லுங்கி ஆகியவற்றிலேயே வலம் வருகிறார். கர்ணன் படத்தில் தனுஷிற்கு ஜோடியாக மலையாள நடிகை ராஜிஷா விஜயன் நடித்துள்ளார். இது இவரது முதல் படம் என்பதால், ரசிகர்களிடையே அதிக எதிர்பார்ப்பு ஏற்பட்டுள்ளது.

மேலும், லால், யோகி பாபு, நடராஜன் சுப்பிரமணியம், கௌரி கிஷான், லட்சுமி ப்ரியா சந்திரமௌலி மற்றும் பலர் நடித்துள்ளனர். கலைப்புலி எஸ் தாணு தயாரித்துள்ள இந்தப் பட த்திற்கு சந்தோஷ் நாராயணன் இசையமைத்துள்ளார். வரும் 14 ஆம் தேதி தமிழ் புத்தாண்டு தினம் என்பதால், அதனை முன்னிட்டு 9 ஆம் தேதி கர்ணன் படம் உலகம் முழுவதும் வெளியானது.

அமெரிக்காவில் இருக்கும் நடிகர் தனுஷ் தனது மனைவி மற்றும் இரு மகன்களுடன் இணைந்து கர்ணன் படம் பார்த்து மகிழ்ந்துள்ளார். ஆம், தி கிரேட் மேன் பட த்திற்காக அமெரிக்காவில் இருக்கும் தனுஷ் லாஸ் ஏஞ்செல்ஸில் உள்ள திரையரங்கிற்கு சென்று கண்டு மகிந்துள்ளார்.