என்ன ஒரு அழகான நடை

சமூக வலைதளங்களில் ஆக்டிவாக இருக்கும் நடிகைகளில் ஒருவரான நடிகை பூனம் பாஜ்வா, தற்போது பகிர்ந்துள்ள புதிய புகைப்படங்கள் ரசிகர்களின் கவனத்தை ஈர்த்துள்ளது. குட்டி டவுசர் மற்றும் முண்டா பனியனுடன் ஓவர் கவர்ச்சியான உடையில் எடுத்துள்ள போட்டோ இணையத்தில் வேகமாக பரவி வருகிறது.

தமிழ் சினிமாவில் அறிமுகமான நடிகை பூனம் பாஜ்வா, தமிழ் மட்டுமின்றி தெலுங்கு, மலையாளம், கன்னடம் மற்றும் இந்தி உள்ளிட்ட பல மொழித் திரைப்படங்களிலும் நடித்துள்ளார். தமிழில் அவர் நடித்த முக்கியமான படங்களில் Seval, Thenavattu, Romeo Juliet மற்றும் Jayikkira Kudhira ஆகியவை குறிப்பிடத்தக்க படங்களாகும். இந்த படங்கள் தமிழ் ரசிகர்களிடையே நல்ல வரவேற்பைப் பெற்றன.

பின்னர் பட வாய்ப்புகள் குறைந்ததை தொடர்ந்து, கவர்ச்சியான கதாபாத்திரங்களில் அதிகம் தோன்றத் தொடங்கிய அவர், முத்தினகத்திரிக்காய், அரண்மனை 2 மற்றும் குப்பத்து ராஜா போன்ற படங்களில் கவர்ச்சியான வேடங்களில் நடித்தார். நடிப்பைத் தவிர சமூக வலைதளங்களிலும் மிகவும் ஆக்டிவாக இருக்கும் பூனம் பாஜ்வா, தொடர்ந்து கவர்ச்சியில் தூக்கலாக இருக்கும் போட்டோக்களை பகிர்ந்து வருகிறார்.

இன்ஸ்டாகிராமில் சுமார் 40 லட்சம் ரசிகர்களை வைத்து இருக்கும் இவர், தற்போது கடற்கரை மணலில் குட்டி டவுசர், முண்டா பனியனுடன் ஓவர் கவர்ச்சியாக போஸ் கொடுத்துள்ளார். அந்த போட்டோவை பார்த்த ரசிகர்கள் "கிளாமர் குயின்" என வர்ணித்து வருகின்றனர். இந்த போட்டோவை அவர் பதிவிட்ட சில மணி நேரங்களிலேயே லைக்குகள் மற்றும் கமெண்ட்கள் குவிந்து வருகிறது.

தற்போது பூனம் பாஜ்வாக்கு பட வாய்ப்பு எதுவும் இல்லாததால், தொடர்ந்து இதுபோன்ற போட்டோக்களை பகிர்ந்து படவாய்ப்பை பெற முயற்சி செய்து வருகிறார். அழகான திறமையான நடிகையான இவர், சரியான கதைகளை தேர்வு செய்ய தவறியதால், இவருக்கு படவாய்ப்பு குறைந்துவிட்டது.

‘கருப்பு’ படம் எப்போது வெளியாகும் எனத் தெரியவில்லை என ஆர்.ஜே.பாலாஜி வேதனையுடன் தெரிவித்துள்ளார்.

சூர்யா நடித்துள்ள ‘கருப்பு’ படத்தினை இயக்கியுள்ளார் ஆர்.ஜே.பாலாஜி. இதன் இறுதிகட்டப் பணிகள் மும்முரமாக நடைபெற்று வருகின்றன. ஆனால், இப்படம் எப்போது வெளியீடு என்பதே தெரியாமல் உள்ளது. ‘கருப்பு’ படத்தின் ஓடிடி உரிமை விற்கப்படாமல் இருப்பது தான் இதற்கு காரணம் எனக் கூறப்படுகிறது.

டி20 உலகப் கோப்பை போட்டிகளில் தமிழ் வர்ணனையாளராக பணிபுரிந்து வந்தார் ஆர்.ஜே.பாலாஜி. நேற்று நடைபெற்ற இந்தியா – நியூசிலாந்து அணிகளுக்கு இடையேயான இறுதிப் போட்டி வர்ணனையின் போது ஆர்.ஜே.பாலாஜி, “ரச்சின் ரவீந்திராவையே ஐபிஎல் போட்டிகளில் சென்னை அணி ரிலீஸ் செய்துவிட்டது. ஆனால், நான் எடுத்த படம் எப்போது வெளியாகும் என்று தெரியவில்லை” என்று குறிப்பிட்டார்.

இந்தப் பதிவு இணையத்தில் வைரலாகி வருகிறது. பலரும் அனைத்தும் விரைவில் சரியாகும் என ஆர்.ஜே.பாலாஜிக்கு ஆறுதல் தெரிவித்து வருகின்றனர். ஆர்.ஜே.பாலாஜி இயக்கத்தில் இந்திரன்ஸ், ஸ்வாசிகா, த்ரிஷா, அனகா மாயா ரவி, ஆர்.ஜே.பாலாஜி உள்ளிட்ட பலர் சூர்யாவுடன் நடித்துள்ள படம் ‘கருப்பு’. ட்ரீம் வாரியர் நிறுவனம் தயாரித்துள்ள இப்படத்தின் ஒளிப்பதிவாளராக ஜி.ஜே.விஷ்ணு, இசையமைப்பாளராக சாய் அபயங்கர் ஆகியோர் பணிபுரிந்து வருகிறார்கள்.

வைகை புயல் வடிவேலு தற்போது தமிழ் திரைத்துறையில் தனது இரண்டாவது இன்னிங்ஸை சிறப்பாக தொடங்கியுள்ளார். முன்பு போல காமெடி கதாபாத்திரங்களில் மட்டுமல்லாமல், தற்போது குணசித்திர மற்றும் முக்கியமான கதாபாத்திரங்களையும் தேர்வு செய்து நடித்து வருகிறார். இந்த மாற்றம் ரசிகர்களிடமும் நல்ல வரவேற்பை பெற்றுள்ளது.

சமீப காலத்தில் வடிவேலு நடித்த படங்கள் அவரது நடிப்பு திறனை மீண்டும் வெளிப்படுத்தியுள்ளன. குறிப்பாக கடைசியாக வெளியான மாரீசன் திரைப்படத்தில் அவர் நடித்த விதம் ரசிகர்களை ஆச்சரியப்படுத்தியது. அந்த படத்தில் அவர் நடித்த நடிப்பு தனித்துவமான பாராட்டுகளை பெற்றது.

ஒருகாலத்தில் கோலிவுட்டில் வடிவேலு மிகவும் பிஸியான நகைச்சுவை நடிகராக இருந்தார். அந்த நேரத்தில் நடிகர் விஜயகாந்துடன் ஏற்பட்ட மனஸ்தாபம் பெரிய விவாதமாக மாறியது. அதன் பின்னர் 2011ஆம் ஆண்டு நடைபெற்ற சட்டப்பேரவைத் தேர்தலின் போது திமுக கூட்டங்களில் கலந்து கொண்டு அரசியல் மேடைகளிலும் பேசினார்.

அந்த தேர்தல் பிரச்சாரத்தில் அவர் விஜயகாந்தை கடுமையாக விமர்சித்தது பெரும் சர்ச்சையை ஏற்படுத்தியது. ஆனால் விஜயகாந்த் அதற்கு நேரடியாக எந்த பதிலும் அளிக்கவில்லை. பின்னர் அந்த சம்பவங்களை நினைத்து வடிவேலு வருத்தம் தெரிவித்ததாக கூறப்படுகிறது. அந்த காலக்கட்டத்திற்கு பிறகு வடிவேலுவின் திரைப்பட வாய்ப்புகள் குறையத் தொடங்கின. சில ஆண்டுகள் அவர் திரையுலகில் இருந்து விலகியிருந்தார். பின்னர் மீண்டும் திரும்பி நாய் சேகர் ரிட்டர்ன்ஸ் மற்றும் சந்திரமுகி 2 போன்ற படங்களில் நடித்தார், ஆனால் அவை எதிர்பார்த்த வெற்றியை பெறவில்லை.

அதன்பின் அவர் குணசித்திர கதாபாத்திரங்களை தேர்வு செய்து நடித்தார். அந்த வகையில் மாமன்னன் திரைப்படம் பெரிய வெற்றியை பெற்றது. தொடர்ந்து மாரீசன் படத்திலும் மறதி நோயால் பாதிக்கப்பட்ட மனிதராக அவர் நடித்தது பெரும் பாராட்டைப் பெற்றது. இந்த இரண்டு படங்களும் அவரது புதிய பயணத்தில் முக்கியமான மைல்கற்களாக அமைந்துள்ளன.

தமிழில் கவின் ஜோடி​யாக ‘ஸ்​டார்’ படத்​தில் நடித்​தவர் ப்ரீத்தி முகுந்​தன். மலை​யாளத்​தில் ‘மைனே பியார் கியா’, ‘சர்​வம் மாயா’ படங்​களில் நடித்​துள்ள அவர், ‘இத​யம் முரளி’, ஹரீஷ் கல்​யாணின் ‘தாஷமக்​கான்’ உள்பட சில படங்​களில் நடித்து வரு​கிறார்.

தெலுங்கு திரைப்​படங்​களி​லும் நடித்து வரும் அவர், இப்​போது இந்திக்​குச் செல்​கிறார். இவர் கார்த்​திக் ஆர்​யன் நடிப்​பில் உருவாகும் ‘நாகஸில்லா’ என்ற படத்​தில் அவருக்கு ஜோடி​யாக நடிக்க இருக்​கிறார். முதலில் இதில் நடிகை லீலா நடிக்க இருப்​ப​தாகக் கூறப்​பட்​டது. இப்​போது ப்ரீத்தி முகுந்​தன் தேர்வு செய்யப்பட்​டுள்​ளார்.

இப்​படத்தை கரண் ஜோஹரின் தர்மா புரொடக் ஷன்ஸ் தயாரிக்கிறது. நகைச்​சுவை​யுடன் கூடிய ஃபேன்​டஸி படமாக உருவாகும் இதில் கார்த்​திக் ஆர்​யன் இச்​சா​தாரி நாகமாக நடிக்கிறார்.

பிறந்ததிலிருந்தே ஒரு கண் தெரியாது பாகுபலி படத்தால் இரண்டு முக்கிய organ Failure,

Raana Daggubati - நடிகர் ராணா சமீபத்தில் ஒரு இன்டர்வியூவில் மனம் திறந்து பேசி இருந்தார்.. அதில் அவருக்கு சிறுவயதிலிருந்தே ஒரு கண் பார்வை கிடையாதாம் இதற்காக மாற்று அறுவை சிகிச்சை செய்தும் பலன் அளிக்கவில்லையாம்.

மேலும் அவருக்கு சிறுவயதில் இருந்து ரத்த அழுத்தம் இருந்ததாம்... அதனால் ஏற்கனவே அவர் சிறுநீரகம் பாதிப்படைந்து இருந்ததாம்.

பாகுபலி படத்திற்கு அதிக உடல் எடை.. ஏற்ற வேண்டியிருந்ததால் மற்றும் நீண்ட காலம் இதே எடையைப் பராமரிப்பதும், கடுமையான உழைப்பும் அவரது உடல்நிலையை இன்னும் மோசமாக்கியது.

​சிறுநீரக செயலிழப்பு: அவரது தீராத ரத்த அழுத்தம் காரணமாகச் சிறுநீரகங்கள் செயலிழந்தன. இதயத்தைச் சுற்றித் தாதுக்கள் படிதல் (Calcification around the heart) போன்ற சிக்கல்கள் ஏற்பட்டன.

நீங்கள் நன்றாக கவனித்தீர்கள் என்றால் சில வருடத்துக்கு முன் அவர் மிகவும் ஒல்லியாகி காணப்பட்டார் காரணம் அவர் அமெரிக்காவுக்கு சென்று.. சிறுநீரக மாற்று அறுவை சிகிச்சை செய்திருந்தார்.

பாகுபலி படத்திற்குப் பிறகு அவருக்கு அதிகமான பட வாய்ப்புகள் கிடைத்து இருந்தன.ஆனால் அவர் உடல் மிகவும் மோசமான நிலைக்கு சென்றதால் அனைத்து அட்வான்ஸயும் திருப்பிக் கொடுத்தார்.

அதன் பிறகு தான் அமெரிக்காவுக்கு சென்று.. அறுவை சிகிச்சை செய்தார் அதன் பிறகு பல மாதங்கள் ரெஸ்ட் எடுக்க வேண்டிய நிலைமைக்கு ஆளானார்.

பல மாதங்கள் உப்பே இல்லாத சாப்பாட்டை தான் சாப்பிட வேண்டும். ஒரு மனிதன் சினிமாவுக்காக பாடுபட்டு பாகுபலி என்ற பெரிய வெற்றிக்கு பிறகு வாழ்க்கையில் ஏற்றம் காண வேண்டிய நேரத்தில் சரிவை சந்தித்து ஹாஸ்பிடல் பெட்டில் படுக்கும் சந்தர்ப்பம் எல்லாம் யாருக்கும் வரக்கூடாது.

ஆனால் Raana never giveup என்றே சொல்லலாம் அவரின் தன்னம்பிக்கை மற்றும் விடாமுயற்சி காரணமாக அந்த நோயிலிருந்து முழுவதுமாக குணமானார். இப்பொழுது ஒரு புது மனிதனாக மீண்டும் படங்களில் நடித்து வருகிறார்,

கிட்டத்தட்ட மறுபிறவி தான்.....

“ஜனகராஜ்” தமிழ் சினிமா வரலாற்றில் ஒரு தவிர்க்க முடியாத நடிகன். 70களின் பிற்பகுதியில் தமிழ் சினிமாவிற்குள் நுழைந்து, ஆரம்பத்தில் இளையராஜா, கங்கை அமரன் நட்பு கிடைக்க இளையராஜாவின் இசைக்குழுவில் சேர வயலின் வாசிக்கக் கற்றுக் கொண்டவர் ஜனகராஜ்.

இயக்குநர் பாரதிராஜாவின் அறிமுகமும் அங்கே கிடைத்தது. உண்மையில் அவரிடம் உதவி இயக்குநராக ஆகவேண்டும் என்னும் ஆசையில் தான் அவரிடம் சேர்ந்தார். ஆனால் நீ நடிகனாகிடு அதுதான் உனக்கு சரியா வரும் என்று சொல்லி ஜனகராஜை நடிக்க வைத்தவர் பாரதிராஜா தான்.

இவரை அரவணைத்த பாரதிராஜா அதே கால கட்டத்தில் கவுண்டமணியையும் அரவணைத்தார். முதல் சில படங்களில் பெரிய அளவிற்கு இவருக்கு காரக்டர்கள் தராவிட்டாலும் பிற்பாடு முக்கிய காரக்டர் தந்திருப்பார். காதல் ஓவியம் படத்தில் கதாநாயகி ராதாவின் கணவர் வேடம் தந்தார்.

ஒரு கைதியின் டைரியில் கமலின் நண்பர் & வளர்ப்பு அப்பா காரெக்டர், முதல்மரியாதை போன்ற க்ளாசிக் படத்திலும் கதையை கெடுக்காத காமெடியாக "நானும் கருப்பு என் பொஞ்சாதியும் கருப்பு புள்ள மட்டும் எப்படி சிவப்பா பொறந்திச்சு" எனக் கதறும் ஜனகராஜை மறக்க முடியுமா.

கடலோரக் கவிதைகளில் ரேகாவின் அப்பா, இப்படி பாரதிராஜா படங்களில் மட்டுமல்ல 80களில் தமிழ் சினிமாவின் தவிர்க்க முடியாத நடிகர் ஆனார் ஜனகராஜ். ரஜினி, கமல், விஜயகாந்த், சத்யராஜ், கார்த்திக், பிரபு, மோகன் இந்த ஏழு பேரையும் அந்த காலகட்டத்தில் செவன் ஸ்டார்ஸ் என்பார்கள்.

இவர்களின் எல்லா படங்களிலும் ஜனகராஜ் தவிர்க்க முடியாத நடிகர் ஆனார். பாரதிராஜா, கே.பாலச்சந்தர், பாக்யராஜ், மணிவண்ணன், ஏன் மணிரத்னம் படங்கள் வரை ஜனகராஜிற்கென்றே சிறப்பானதொரு வேடம் அவர்கள் கதையில் இருக்கும்படியே ஸ்கிரிப்ட் அமைந்திருக்கும்.

ரஜினியுடன் படிக்காதவன் முதல் பாட்ஷா வரை ஜனகராஜின் பயணம் இருந்தது “தங்காச்சிய நாய் கச்சிட்ச்சுப்பா என படிக்காதவனிலும் ரிக்‌ஷா காரனாக இருந்து பணக்கார வேடத்தில் சைனா டீயும் மசால்வடையும் வோணும்பா என ராஜாதி ராஜாவிலும், நாசமா நீ போனியா தெரு என..

அண்ணாமலையிலும், மும்பை பாட்ஷாவிற்கு சிறப்பான நண்பனாகவும், மாணிக்கத்திற்கு சிரிப்பான நண்பனாகவும் வந்து நக்மா அவர் ஆட்டோவில் ஏற ரஜினியிடம் நமட்டுச் சிரிப்பில் bye சொல்வது என பாட்ஷாவிலும் இப்படி எத்தனை எத்தனை மறக்க முடியாத கதாபாத்திரங்கள்.

அதேபோல் கமலுடன் விக்ரம் படத்தில் அந்த மொழி பெயர்ப்பாளன், அபூர்வ சகோதரர்களில் அந்த ‘தெய்வமே’ இன்ஸ்பெக்டர் காரெக்டர், நாயகனில் கமலின் உயிர் நண்பரான செல்வம், கேரக்டர் மிக மிக முக்கியமாக குணா படத்தில் வரும் குரூர சித்தப்பா கேரக்டர் என ஜனகராஜ்..

திரையுலக கிரவுண்டில் அடித்ததெல்லாம் தோனி அடித்ததை விட பிரும்மாண்ட சிக்ஸர்கள் சத்ய ராஜுடன் கவுண்டமணிக்கு முன்பே சூப்பர் ஹிட் இணை ஜனகராஜ் தான். பிக்பாக்கெட், பாலைவன ரோஜாக்கள், அதிலும் அண்ணாநகர் முதல் தெருவில் ‘அது என்னமோ போடா மாதவா’ என

அவரையே பாராட்டிக் கொள்வது, கனம் கோர்ட்டார் அவர்களே படத்தில் ‘மை டியர் பிரில்லியண்ட் ஸ்டூடண்ட் ஜெயபாஸ்கர்’ என அலும்பும் அலம்பல். இதெல்லாம் அவரது திறமையின் ஒரு துளி தான். மோகன் படங்களில் நுறாவதுநாள் படத்தில் அவரது செக்ரட்டரி இளமை காலங்கள் படத்தில்..

ஊட்டிக்கு போகாதிங்க என கத்தும் பைத்தியமாக, இயக்குநர் மணிவண்ணன் தந்த மறக்க முடியாத பாத்திரங்களில் நடித்தவர். கார்த்திக் உடன் வருஷம் 16 படத்தில் இவர் ராஜாமணியாக அடித்த லூட்டி, பிரபுவுடன் பாட்டு வாத்தியாராக கன்னிராசி இப்படி பின்னி பெடல் எடுத்து இருப்பார்.

இத்தனைக்கும் அப்போது தமிழ் சினிமாவில் செந்தில் கவுண்டமணியின் கொடி உச்சத்தில் பறந்து கொண்டிருந்தது, அதற்குள் எல்லாம் சிக்காமல் சுனாமியிலும் ஸ்விம்மிங் போட்டவர் ஜனகராஜ் மட்டுமே. இவர் காமெடி நடிகர் மட்டும் இல்லை அற்புதமான குணசித்திர நடிகர்.

ஆரம்ப காலத்தில் பாலைவனச் சோலை படத்தில் வேலை இல்லாத பட்டதாரியாக இவர் வரும் காட்சிகளை பார்த்தாலே தெரியும். ஆனால் இவர் பிரமாதமான குணசித்திரம் கலந்த நகைச்சுவை நடிகர் என்பார் இயக்குநர்/நடிகர் பாண்டியராஜன். அவரது படங்களில் பார்த்தால்..

செந்தில் கவுண்டமணி இருக்க மாட்டார்கள் ஆனால் ஜனகராஜ் இருப்பார். அதிலும் அவரது காரக்டர் மிக அற்புதமாக திரைக் கதையில் எழுதப் பட்டு ஜனகராஜ் நடிப்பில் அது இன்னும் மெருகேறி இருக்கும். கன்னி ராசியில் பாட்டு வாத்தியார், ஆண் பாவத்தில் ஓட்டல் கடை நடத்தும் சித்தப்பா..

நெத்தியடியில் ஸ்டண்ட் மாஸ்டர் ஜூடோ ரத்னம் வாய்ஸ் இன்ஸ்பிரேஷனில் “வேண்ணு எட்த்த்தத கொட்த்துடு ராஜா”என வித்யாசமான குரல் மாடுலேஷனில் சமையல் கார அப்பா என தூள் கிளப்பியிருப்பார். மணிரத்னம் படங்களில் குறிப்பாக நாயகன், அக்னிநட்சத்திரம், அஞ்சலி..

இதில் நாயகன் படத்தில் கிட்டத்தட்ட 2வது நாயகன் ஜனகராஜ் தான். அந்தப் படம் முழுவதும் ஜனகராஜை கவனியுங்கள் ஒரு காட்பாதரின் நண்பன் பிறகு அவன் செகரட்டரி, வயதான பின்பு அக்குடும்பத்தில் ஒருவன் என ஜனகராஜின் நடிப்பு ஆழ்கடலின் அமைதி போல அற்புதமாக இருக்கும்.

கே.பாலச்சந்தர் படங்களிலும் தன் முத்திரையை பதிக்காமல் இல்லை.சிந்துபைரவி, புதுப்புது அர்த்தங்கள் என சில படங்களை சொல்லலாம் அதிலும் புதுப்புது அர்த்தங்களில் அந்த திக்குவாய் காரக்டர், அதுவும் அவரது கனவான இளையராஜா குழுவில் வயலின் வாசிப்பவராக நடித்திருப்பார்.

இன்னொரு விஷயம் கவனித்தால் தெரியும் ஜனகராஜிற்கு இளையராஜா பாடும் எல்லா பாடல்களும் அவ்வளவு பொருத்தமாக இருக்கும். இருவரும் நெருங்கிய நண்பர்கள் என்பதாலும் இருக்கலாம். காமெடி நடிகர்களில் அன்று அதிக தனிப் பாடல்கள் வந்தது ஜனகராஜிற்கு தான்.

ஒரு தொட்டில் சபதம் என்ற படத்தில் வரும் ‘பூஞ்சிட்டு குருவிகளா’ன்னு ஒரு பாட்டு அதைப் பாடியது இசையமைப்பாளர் சந்திரபோஸ். அந்தப் படம் வந்த காலங்களில் இந்தப் பாடலை பாடியது ஜனகராஜே தான் என்பார்கள். அப்படி சிறப்பாக பாடியிருப்பார் சந்திரபோஸ். அதன் பின்பு..

ஜனகராஜிற்கு இளையராஜா அளவிற்கு எவரும் பாடவில்லை. இன்றைய கார்ப்பரேட் சாமியார்களைப் பற்றிய காரெக்டரில் வெற்றிவிழா படத்தில் நடித்ததை தனிப்பதிவாகவே போடலாம். இன்றைக்கும் அது பொருந்தும் அந்த அளவிற்கு கார்ப்பரேட் சாமியார்களை பகடி செய்திருப்பார்.

இதயத்தாமரையில் வரும் அந்த ஞாபமறதி கேரக்டர் ஒரு பிளாக் ஹ்யூமர் வகை நகைச்சுவை என்றால், கிழக்குவாசல் படத்தில் வரும் தேவர் கேரக்டரும், நான் புடிச்ச மாப்பிள்ளை படத்தில் வரும் மாமனார் கேரக்டரும் அவரது குணச்சித்திர நடிப்பிற்கு ஒரு சோறு பதமாகும்.

கவுண்டமணி & செந்தில் ஜோடி கோலோச்சிய அதே காலத்தில் எல்லா முன்னணி ஹீரோக்கள் உடனும் நடித்து தமிழ் சினிமாவின் தவிர்க்க முடியாத நடிகனாக இருந்தது, ஜனகராஜின் அசாத்திய நடிப்புத் திறமையால் தான். சில காலம் நடிப்பிற்கு ஒரு இடைவெளி தந்துவிட்டார்.

தன் மகனுடன் அமெரிக்காவில் வசித்தார், நீண்ட இடைவெளிக்குப்பின் விஜய்சேதுபதி நடித்த 96 படத்தில் ஸ்கூல் வாட்ச்மேனாக் நடித்திருந்தார். சிங்கம் சிங்கிளாத் தான் வரும் என்பது ஜனக ராஜிற்கு மட்டுமே பொருந்தும். தமிழ் சினிமாவின் தனியொருவன் என்பது ஜனகராஜே தான்!

இவரை இன்றைய பல டிஜிட்டல் ஊடகங்கள் பெரிதாக அங்கீகரிக்கவில்லை என்பது மிகப் பெரிய வருத்தம். இன்று சோஷியல் மீடியாக்களில் வடிவேலு கவுண்டமணி மீம்சுகள் கலக்கி எடுத்துக் கொண்டிருந்தாலும் "என் பொண்டாட்டி ஊருக்கு போயிடுச்சே" என்னும் ஒற்றை மீம்ஸே போதும்.

அதை அடித்துக் கொள்ள எவரும் இல்லை! ஆம் இந்த டிஜிட்டல் யுகத்திலும் தனியொருவன் நமது ஜனகராஜ் ஒருவர் மட்டுமே

அஜித், பிரபுதேவாவிற்கு குரல் கொடுத்த விக்ரம் - திரைக்குப் பின்னால் இருந்த 10 ஆண்டு போராட்டம்!

நடிகர் விக்ரம் திரையுலகில் ஒரு முன்னணி இடத்தைப் பிடிக்க 1990 முதல் 1999 வரை சுமார் 10 ஆண்டுகள் கடும் போராட்டங்களைச் சந்தித்தார். சிறிய வேடங்கள், தோல்விப் படங்கள் மற்றும் கடுமையான பண நெருக்கடிக்கு இடையே, திரைப்பட வாழ்க்கையிலும் வெற்றி இல்லாமல் ஏதோ சோகமாகவே அவரது வாழ்க்கை சென்று கொண்டிருந்தது.தமிழ் திரை உலகில் மிக நீண்ட போராட்டத்திற்கு பின் சினிமாவில் கால் பதித்தார் நடிகர் விக்ரம் அவரது போராட்டம் மற்றவருக்கு விக்ரம் ஒரு முன்னுதாரணமாக இருந்து வருகிறார்.காலத்துக்கேற்ற ட்ரெண்டை பிடித்து விக்ரம் கதாபாத்திரங்களை தேர்வு செய்யவேண்டும் என உறுதியாக இருந்தார்.

சீயான் விக்ரம் வெற்றிப் பயணம்

ஆரம்ப காலம: 1990-ல் என் காதல் கண்மணி திரைப்படத்தில் அறிமுகமானார், ஆனால் துரதிஷ்டமாக அந்த படம் தோல்வியில் அடைந்தது அதற்கு அடுத்து பல படங்கள் தோல்வியடைந்தன. தமிழ்த் திரையுலகில் வாய்ப்புகள் குறைந்ததால், தெலுங்கு மற்றும் மலையாளப் படங்களில் சிறிய வேடங்களில் நடித்தார்.

விபத்து மீண்டு வருதல்:

1994-ல் ஒரு விபத்தில் விக்ரம் ஒரு விபத்தில் சிக்கிக்கொண்டார் அதனால் அவர் காலில் அடிபட்டது.காலில் அறுவை சிகிச்சை செய்யப்பட்டு சுமார் 3 ஆண்டுகள் படுக்கையிலேயே இருந்தார். மருத்துவர்கள் காலை எடுக்க வேண்டும் என்று கூறிய நிலையிலும், மன உறுதியுடன் மீண்டு வந்தார். அவரது வலது காலில் பிளேட் வைத்து அறுவை சிகிச்சை செய்யப்பட்டதாக சொல்லப்படுகிறது அவரால் காலைய மடக்க முடியாது ஆனால் சினிமாவில் அனைத்து ஆக்சன் சீன்களிலும் அவர் மிகவும் அருமையாக நடித்து இருப்பார். டான்ஸ்,வாக் ,ரன்னிங் என்று அனைத்திலும் அவர் மிகவும் அருமையாக நடித்திருப்பார்.

விக்ரமிற்கு தேடி வந்த வாய்ப்பு:

வாய்பிற்காக தேடிக் கொண்டிருக்கும் பொழுது இதற்கிடையில் முன்னாடி நடிகர்களான பிரபுதேவா, அஜித் போன்றவர்களுக்கு டப்பிங் கலைஞராகவும் பணியாற்றி வந்தார் விக்ரம். அந்த சமயத்தில் தான் பாலா விக்ரமை தேடி வந்தார். அதன் பிறகு தான் விக்ரமின் வாழ்க்கையில் மிகப்பெரிய திருப்புமுனை ஏற்பட்டது. இன்று முன்னணி நட்சத்திரமாக ரசிகர்களால் கொண்டாடப்பட்டார் நடிகர் விக்ரம்‌.

இந்த படத்தில் கதாபாத்திரத்தின் பெயர் சீயான் அந்த பெயர் மிகவும் தமிழ் சினிமாவில் பிரபலமானது. அந்தப் படத்தில் சீயானுக்கு என்ன அர்த்தம் என்று கேட்டிருப்பார். அதனால் இந்த பெயர் மிகவும் பிரபலமானதால் முதல் படத்தில் முதல் பெயர் என்பதாலும் இவருக்கு அடைமொழியாக சியான் விக்ரம் என்று பெயர் வந்தது அதன் பிறகு தமிழ்நாட்டில் சியான் விக்ரம் என்று மிகுந்த வரவேற்பு பெற்றார்.