நடிகை அர்ச்சனா!
கருப்பாயி என்று என்னை புறக்கணித்தார்கள் இயக்குனர்கள்!
சென்னை, அடையாறு திரைப்பட கல்வி நிறுவனத்தில் படித்தபடியே, படங்களில் நடிக்கவும் முயற்சி செய்தேன். அப்போது,
பல இயக்குனர்கள் என்னை புறக்கணித்தனர். நடிப்பு பயிற்சி பட்டறையில், என்னுடன் நடித்த, ஹாலிவுட் இயக்குனர் வில்லியம் க்ரீவ்ஸ் என்பவர், என் நடிப்பை பாராட்டியதுடன், இயக்குனர் மற்றும் கேமராமேன் பாலு மகேந்திராவிடம் அறிமுகம் செய்து வைத்தார். என்னை, நிறைய புகைப்படங்கள் எடுத்த பாலு மகேந்திரா, ஒரு வாரம் கழித்து அழைத்தார்.
'என் படத்தில் நீ நடிக்கிறாய்' என்றார். 'என்ன பாத்திரம் சார்...' என்றேன். 'கதாநாயகியே நீ தான்' என்றார். நீங்கள் கேட்டவை படத்தில் என்னை ஹீரோயின் ஆக்கினார்.அந்தப் படத்தின், 'ஷூட்டிங்' நடந்து கொண்டிருந்த போது, பத்திரிகையாளர் ஒருவர், இயக்குனரான அவரிடம், 'பல இயக்குனர்கள், இந்த நடிகையை புறக்கணித்த நிலையில், எதன் அடிப்படையில், இவரை நடிக்க வைக்கிறீர்கள்?' எனக் கேட்டார். நானும் அருகில் இருந்தேன்.
அவருக்கு நேரடியாக பதில் சொல்லாத அவர், ஒரு தாளை எடுத்து, அதில் சில வரிகளை, ஆங்கிலத்தில் எழுதி, அந்த பத்திரிகையாளரிடம் காண்பித்து, தன் சட்டைப் பையில் வைத்துக் கொண்டார்; என்னிடம் காட்டவில்லை. அவரது அம்மா, சொந்த ஊரில், சொந்தமாக வீடு கட்ட, பட்ட அவஸ்தைகளை மையமாக வைத்து, வீடு என்ற படத்தை அவர் எடுத்தார். அதிலும், நாயகி நான் தான். அந்தப் படம், எனக்கு, முதல் தேசிய விருதை பெற்றுத் தந்தது.
அதை என்னிடம் சொல்ல வந்த அவர், தன் சட்டைப் பையில் வைத்திருந்த தாளை எடுத்து, 'இது தான், அந்த பத்திரிகையாளரிடம் நான் அப்போது எழுதி காண்பித்தது; இப்போது பார்...' எனக் கூறி கொடுத்தார். அதை வாங்கி படித்தேன்.'இந்தப் பெண், எதிர்காலத்தில், இந்திய சினிமாவின், முக்கிய நடிகையாக மாறுவார்; தேசிய விருது பெறுவார்' என, எழுதியிருந்தது.அதைப் படித்ததும், கண்ணீர் வந்தது. 'என்னவொரு தீர்க்க தரிசனம் கொண்டவர் அவர்' என்ற பெருமிதம் ஏற்பட்டது.
என் குரு, நண்பர், நலன் விரும்பி அவர்.அவருடன் என்னை இணைத்து, ஊடகங்களில், 'கிசுகிசு'க்கள் வந்ததால், இருவரும் பேசி, இணைந்து பணியாற்றுவதில்லை என, முடிவு செய்து, பிறரின் பல படங்களில் நடித்தேன். அதன் பின், 14 ஆண்டுகள், 'பிரேக்!' பிறகு, மீண்டும் நடிக்க வந்துள்ளேன். இப்போதும் சில படங்களில், அம்மா, 'ரோல்'களில் நடிக்கிறேன். அதற்கு காரணம், பாலு மகேந்திரா தான்
என் பக்கத்து வீட்டுப் பெண்மணிக்கு 74 வயது; பல மாதங்களாகவே அவர் என்னிடம் சிறிய உதவிகளைக் கேட்டு வந்தார். குப்பைப்பையை கீழே கொண்டு போய்க் கொடுப்பது, டிபன் வாங்கித் தருவது, புரியாத கடிதத்தைப் படித்துக் காட்டுவது அல்லது மருந்தகத்திற்கு அவருடன் செல்வது போன்ற உதவிகள் அவை. ஆரம்பத்தில் எனக்கு அதில் எந்தச் சிரமமும் தெரியவில்லை, ஆனால் ஒரு கட்டத்தில் அவர் என் உதவியைச் சாதகமாகப் பயன்படுத்திக்கொள்கிறாரோ என்று எனக்குத் தோன்றியது.
ஒரு நாள், எல்லாவற்றிற்கும் அண்டை வீட்டாரையே சார்ந்திருக்கக் கூடாது என்று அவரிடம் சொல்லிவிட்டேன். அவர் அமைதியாகி, எனக்கு நன்றி தெரிவித்துவிட்டு, அதன்பிறகு என்னிடம் உதவிகள் எதையும் கேட்பதை நிறுத்திக்கொண்டார். இரண்டு வாரங்களுக்குப் பிறகு, கட்டிடத்தின் பொதுப் பகுதியில் அவரைச் சந்தித்தேன்; அப்போது அவர் சொன்ன ஒரு விஷயம் என்னை மிகவும் குற்ற உணர்வில் ஆழ்த்தியது...
இரண்டு வாரங்களுக்குப் பிறகு, கீழே நடைபாதையில் அவரைச் சந்தித்தேன்.
அவர் ஒரு கையில் குப்பைப்பையையும், மறு கையில் மருத்து சீட்டையும் வைத்திருந்தார்.
நான் அவரிடம் சற்றே கேலியாகச் சொன்னேன்:
—உங்களால் தனியாகவே இதையெல்லாம் செய்ய முடிகிறது போலிருக்கிறதே.
அவர் என்னைப் பார்த்துப் பதிலளித்தார்:
—என்னால் எப்போதும் தனியாகச் செய்ய முடியும்.
நான் ஒருவித விசித்திரமான பார்வையுடன் நின்றிருந்தேன்; அதனால் அவர் உடனே தொடர்ந்து பேசினார்:
—என் கணவர் இறந்ததிலிருந்து, சில நாட்களிலெல்லாம் நான் யாருடனும் பேசுவதே இல்லை. குப்பை, டிபன் அல்லது தபால் போன்றவை வெறும் சாக்குப்போக்குகள் மட்டுமே; அவற்றைக் காரணம் காட்டி யாராவது ஒருவரின் கதவைத் தட்டி, ஒரு ஐந்து நிமிடம் பேசிக்கொண்டிருக்கலாம் என்பதுதான் என் நோக்கம்.
நான் பேச்சற்று நின்றேன்.
பிறகு அவர் புன்னகைத்தார்:
—ஆனால் கவலைப்படாதீர்கள். நீங்கள் சொன்னதை நான் புரிந்துகொண்டேன். இனி நான் யாரையும் தொந்தரவு செய்யமாட்டேன்.
அவர் தன் வீட்டிற்குள் சென்று கதவை மூடிக்கொண்டார்.
நான் அந்த வீட்டை பார்த்தபடி அங்கேயே நின்றுகொண்டிருந்தேன்.
பல மாதங்களாக, அந்தப் பெண்மணி தனியாகச் செய்ய முடியாததால்தான் என்னிடம் உதவிகளைக் கேட்கிறார் என்று நான் நினைத்திருந்தேன்.
ஆனால் உண்மையில், அவரால் அவை அனைத்தையும் தனியாகவே செய்ய முடிந்தது.
அவருக்குத் தெரியாததெல்லாம், அந்த தனிமையுடன் பல நாட்களை எப்படிக் கடப்பது என்பதுதான்.
வசனங்களை மனப்பாடம் செய்து நடிக்கவில்லை… காது வழியாக சொல்லப்பட்டதை உடனுக்குடன் நடித்த ராதிகா!
1986-ல் கே. விஸ்வநாத் இயக்கத்தில் வெளியான ‘சிப்பிக்குள் முத்து’, கமல்ஹாசன் மற்றும் ராதிகா நடித்த வித்தியாசமான திரைப்படம். இது தெலுங்கில் வெளியான ‘ஸ்வாதி முத்யம்’ படத்தின் தமிழ் வடிவம். சமூகத்தின் வழக்கமான நடைமுறைகளை முழுமையாக புரிந்துகொள்ளாத சிவய்யா என்ற அப்பாவி மனிதனுக்கும், இளம் வயதிலேயே கணவனை இழந்து குழந்தையுடன் வாழும் லலிதா என்ற பெண்ணுக்கும் இடையே உருவாகும் உறவுதான் கதையின் மையம். வழக்கமான காதல் கதையாக இல்லாமல், சமூகத்தின் கட்டுப்பாடுகளை இரண்டு அப்பாவி மனிதர்களின் வாழ்க்கை வழியாக படம் பேசுகிறது.
இந்தப் படத்தின் உருவாக்கத்தில் ராதிகா எதிர்கொண்ட சிக்கல் சுவாரஸ்யமானது. கே. விஸ்வநாத் தெலுங்கில் படத்தை இயக்கியதால், ராதிகா தனது வசனங்களின் அர்த்தத்தையும் அந்தக் காட்சியின் உணர்வையும் சரியாகப் புரிந்துகொண்டு நடிக்க வேண்டியிருந்தது. பின்னாளில் இந்தப் படத்தை நினைவுகூர்ந்த ராதிகா, சில காட்சிகளில் வசனங்களை முன்கூட்டியே முழுமையாக மனப்பாடம் செய்வதைவிட படப்பிடிப்புத் தளத்தில் சொல்லிக் கொடுக்கப்பட்ட வசனங்களை கேட்டபடியே நடிக்க வேண்டிய சூழல் இருந்ததாக பகிர்ந்துள்ளார்.
இதற்காக ஒரு வித்தியாசமான முறை பயன்படுத்தப்பட்டது. ராதிகாவின் காதில் சிறிய ஒலிக்கருவி வைக்கப்பட்டு, வெளியிலிருந்து வசனம் சொல்லப்பட்டதாக அவர் ஒரு பேட்டியில் நினைவுகூர்ந்துள்ளார். காதில் கேட்கும் வசனத்தை உடனடியாகச் சொல்லிக்கொண்டே, அதே நேரத்தில் முகபாவனை, உடல் மொழி மற்றும் எதிரில் இருக்கும் நடிகரின் நடிப்புக்கும் பதிலளிக்க வேண்டியிருந்தது. இன்று படப்பிடிப்பில் இத்தகைய உதவி முறைகள் எளிதாக கிடைத்தாலும், எண்பதுகளில் இதைப் பயன்படுத்தி ஒரு முக்கிய கதாபாத்திரத்தின் காட்சிகளை எடுத்தது சுவாரஸ்யமான தயாரிப்பு அனுபவமாக இருந்தது.
லலிதா கதாபாத்திரம் சாதாரணமான வேடமும் அல்ல. கணவனை இழந்த பிறகு சமூகத்தின் கட்டுப்பாடுகளுக்குள் வாழும் பெண், எதிர்பாராத விதமாக சிவய்யாவால் திருமணம் செய்யப்படுகிறாள். அந்தத் திருமணத்தை ஏற்றுக்கொள்ளும் மனநிலை, சுற்றியுள்ளவர்களின் எதிர்ப்பு, குழந்தையின் எதிர்காலம் என பல உணர்ச்சிகளை ராதிகா வெளிப்படுத்த வேண்டியிருந்தது. வசனத்தை கேட்டவுடன் பேச வேண்டிய தொழில்நுட்பச் சிரமம் இருந்தபோதும், அந்த முறை அவரது நடிப்பில் தெரியாமல் காட்சிகளை இயல்பாக வைத்திருப்பதே பெரிய சவாலாக இருந்தது.
கமல்ஹாசனின் சிவய்யா கதாபாத்திரமும் படத்தின் இன்னொரு முக்கிய அம்சம். உலகத்தை குழந்தைத்தனமான நேர்மையுடன் பார்க்கும் மனிதராக அவர் நடித்தார். ஒரு விதவையை திருமணம் செய்யக் கூடாது என்று சமூகம் உருவாக்கிய விதி அவருக்குப் புரியாததால், மற்றவர்கள் தவறாக நினைக்கும் செயலை அவர் மிகவும் இயல்பாகச் செய்கிறார். இதனால் சமூக சீர்திருத்தத்தைப் பற்றி நீண்ட வசனங்கள் பேசாமல், சிவய்யாவின் செயலையே கேள்வியாக மாற்றினார் கே. விஸ்வநாத்.
‘ஸ்வாதி முத்யம்’ இந்தியாவின் சார்பில் ஆஸ்கர் விருதுக்கான வெளிநாட்டு மொழித் திரைப்படப் பிரிவுக்கு அனுப்பப்பட்ட படமாகவும் பின்னர் தேசிய அளவில் அங்கீகாரம் பெற்ற படைப்பாகவும் அமைந்தது. ஆனால் அதன் திரைக்குப் பின்னால், ஒரு நடிகை காதில் சொல்லப்படும் வசனத்தை உடனுக்குடன் பேசி உணர்ச்சியை வெளிப்படுத்திய அனுபவமும் இருந்தது. திரையில் மிகவும் இயல்பாகத் தெரியும் ஒரு காட்சிக்குப் பின்னால் சில நேரங்களில் இப்படிப்பட்ட அசாதாரணமான படப்பிடிப்பு முறைகள் இருக்கும் என்பதற்கு ‘சிப்பிக்குள் முத்து’ ஒரு சுவாரஸ்யமான உதாரணம்.
இன்றைய நாள் இனிய நாளாக அமைந்திட வாழ்த்துகள்.
மேஷம் : தடைபட்ட வேலையை உங்கள் வித்தியாசமான அணுகு முறையால் முடித்துக் காட்டுவீர்கள். சில பிரச்சினைக்கு உங்கள் அவசர முடிவுதான் காரணம் என்பதை உணருவீர்கள். வெளி உணவுகள் வேண்டாம். உடல்நலத்தில் கவனம் தேவை.
ரிஷபம் : எதிர்பாராத இடத்தில் இருந்து தக்க சமயத்தில் உதவிகள் கிடைக்கும். குடும்பத்தில் உங்கள் பேச்சுக்கு மதிப்பு கூடும். வெளிவட்டாரத்தில் மதிப்பு உயரும். பழைய சொந்த பந்தங்கள் தேடி வருவார்கள். உத்தியோகத்தில் பணிச் சுமை குறையும்.
மிதுனம் : புதிய முயற்சிகளில் ஈடுபடுவீர்கள். பழுதான மின்னணு, மின்சார சாதனங்கள், வீட்டு உபயோகப் பொருட்களை மாற்றிவிட்டு புதிதாக வாங்குவீர்கள். பிள்ளைகளால் நிம்மதி உண்டு. தொழில், வியாபாரத்தில் வராக்கடன் வந்துசேரும்.
கடகம் : திடீர் பயணம், உறவினர்கள் வருகையால் விரையச் செலவு கள் வரக்கூடும். வியாபாரத்தில் நிதானம் தேவை. அலுவலகத்தில் பணிச் சுமை அதிகரிக்கும். ஆன்மிகம், தியானம், யோகாவில் ஈடுபாடு உண்டாகும். எதிலும் பொறுமை தேவை.
சிம்மம் : வீட்டில் தடைபட்டு வந்த சுபகாரியங்கள் ஏற்பாடாகும். ஆன்மிகப் பெரியோரின் ஆசி கிடைக்கும். பழைய சொந்த பந்தங்கள் தேடி வருவார்கள். பொதுக் காரியங்களில் ஈடுபட்டு பாராட்டு பெறுவீர்கள். யாரையும் எடுத்தெறிந்து பேசக் கூடாது.
கன்னி : குடும்பத்தினருடன் மனம்விட்டுப் பேசுவீர்கள். உறவினர்கள் மத்தியில் அந்தஸ்து உயரும். சிலருக்கு வெளிநாடு செல்லும் வாய்ப்பு வரும். உத்தியோகத்தில் உங்கள் பேச்சுக்கு மதிப்பு கூடும். வாகனப் பழுது நீங்கும். நாடி வந்தவர்களுக்கு உதவுவீர்கள்.
துலாம் : பண வரவு, பொருள் வரவு திருப்திகரமாக இருக்கும். குடும்பத்தில் மகிழ்ச்சி கூடும். சகோதரர்கள் தக்க சமயத்தில் உதவுவார்கள். பெற்றோர் உடல்நலம் சீராகும். வியாபாரத்தில் லாபம் உண்டாகும். அலுவலகத்தில் நிம்மதி உண்டு. பேச்சில் கவனம் தேவை.
விருச்சிகம் : சொந்த பந்தங்கள் வருகையால் வீட்டில் சந்தோஷம் நிலைக்கும். பிள்ளைகள் உடல்நிலை சீராகும். அரசு அதிகாரிகள் உதவிகரமாக இருப்பார்கள். அலுவலகத்தில் வீண் விவாதங்கள் விலகும். வராது என நினைத்த பழைய கடன்கள் வசூலாகும்.
தனுசு : குடும்பத்தில் விட்டுக்கொடுத்துச் செல்லுங்கள். விலை உயர்ந்த பொருட்கள், நகைகள், முக்கிய கோப்புகளை கவனமாக கையாளுங்கள். பல வகையிலும் வேலைச் சுமை அதிகரிக்கும். வியாபாரத்தில் கவனம் தேவை. ஆன்மிக நாட்டம் கூடும்.
மகரம் : எல்லா வேலைகளையும் இழுத்துப் போட்டு பார்ப்பீர்கள். குடும்பத்தில் மனஸ்தாபம் நீங்கி அன்யோன்யம் அதிகரிக்கும். வியாபாரத்தில் பழைய பாக்கிகள் வசூலாகும். எதிர்பார்த்த உதவிகள் சற்று தாமதமாக கிடைக்கும். பொருட்கள் சேரும்.
கும்பம் : வெளி வட்டாரத்தில் மதிப்பு, மரியாதை உயரும். சகோதர வகையில் பயனடைவீர்கள். திருமணப் பேச்சுவார்த்தை வெற்றி யடையும். வெளியூர் பயணங்களால் மகிழ்ச்சி தங்கும். அலுவலகத்தில் பணிச்சுமை குறையும். அதிகாரிகள் பாராட்டுவார்கள்.
மீனம் : உங்களது நட்பு வட்டம் விரிவடையும். பழைய வாகனத்தை மாற்றிவிட்டு புதிதாக வாங்குவீர்கள். வீடு, வாகனம் வாங்க கடன் உதவி கள் கிடைக்கும். அரசு, வங்கி சம்பந்தமான காரியங்கள் விறுவிறுப்பாக நடந்து முடியும்.
ஸ்ரீ பராபவ வருடம் புரட்டாசி மாதம் 18 ஆம் தேதி திங்கட்கிழமை 5.10.2026.
இன்று அதிகாலை 03.40 வரை நவமி. பின்னர் தசமி.
இன்று அதிகாலை 02.31 வரை புனர்பூசம். பின்னர் பூசம்.
இன்று பிற்பகல் 12.33 வரை சிவம். பின்னர் சித்தம்.
இன்று அதிகாலை 03.40 வரை கரசை. பின்னர் மாலை 03.31 வரை வணிசை. பின்பு பத்திரை.
இன்று முழுவதும் சித்தயோகம்.
நல்ல நேரம்:
காலை : 06.00 முதல் 07.00 மணி வரை
காலை: 09.00 முதல் 10.00 மணிவரை
மாலை : 04.45 முதல் 05.45 மணி வரை
இரவு : 07.30 முதல் 08.30 மணி வரை
தனுஷ் மற்றும் மம்மூட்டி இணைந்து நடிக்கும் 'OM - Chapter 1: Udhiram The Blood Wood' படத்தின் ரிலீஸ் தேதி மாற்றப்பட்டுள்ளது. முதலில் அக்டோபர் 16-க்கு திட்டமிடப்பட்டிருந்த படம், இப்போது நவம்பர் 20, 2026-க்கு தள்ளிவைக்கப்பட்டுள்ளது.
காரணம், ரஜினியின் 'ஜெயிலர் 2' அக்டோபர் 15 அன்று வெளியாவதால் மோதலை தவிர்க்க தனுஷ் முடிவு செய்துள்ளார். "சூப்பர் ஸ்டாருக்கு மரியாதை கொடுத்து நாங்கள் தள்ளி வைக்கிறோம்" என்று தனுஷ் X-ல் பதிவிட்டுள்ளார். இந்த படத்தை அமரன் புகழ் ராஜ்குமார் பெரியசாமி இயக்குகிறார்.
இந்திய சினிமாவின் ஜாம்பவான் இயக்குனர் சிங்கீதம் சீனிவாச ராவ் நேற்று அக்டோபர் 3 அன்று சென்னையில் வயது மூப்பு காரணமாக தனது 94-வது வயதில் காலமானார். புஷ்பக விமானம், அபூர்வ சகோதரர்கள், ஆதித்யா 369 போன்ற காலத்தை வென்ற படங்களை கொடுத்தவர் இவர். கமல், ஜூனியர் என்.டி.ஆர், ராஜமவுலி என பலரும் இரங்கல் தெரிவித்துள்ளனர்.
கனடா பிரதமர் மார்க் கார்னி இந்த மாதம் துருக்கிக்கு பயணம் செய்ய திட்டமிட்டுள்ளார். அமெரிக்காவுக்கு அப்பால் வர்த்தக மற்றும் ராஜதந்திர உறவுகளை பன்முகப்படுத்த அவரது அரசாங்கம் முயற்சிகளை துரிதப்படுத்துகிறது. இது ஒரு கனடா பிரதமரின் முதல் பிரத்யேக இருதரப்பு துருக்கி பயணமாக இருக்கும் என்று ராய்ட்டர்ஸ் தெரிவித்துள்ளது.
கார்னி துருக்கி ஜனாதிபதி தையிப் எர்டோகனை சந்திக்க உள்ளார். கனடாவும் துருக்கியும் ஜூலை மாதம் தடையற்ற வர்த்தக பேச்சுவார்த்தையை தொடங்கின, இந்த சந்திப்பு அந்த பேச்சுவார்த்தைகளுக்கு உத்வேகம் அளிக்கும் என எதிர்பார்க்கப்படுகிறது.
அமெரிக்காவுடனான வர்த்தக உறவு நிச்சயமற்றதாக மாறியுள்ள நிலையில், ஒட்டாவா ஐரோப்பா மற்றும் பிற சந்தைகளில் ஆழமான வணிக உறவுகளை தேடி வருகிறது. துருக்கி ஒரு பெரிய சந்தையையும், ஐரோப்பா-ஆசியாவுக்கு இடையே ஒரு மூலோபாய இணைப்பையும் வழங்குகிறது.
இந்தியாவும் கனடாவும் தங்களது முன்மொழியப்பட்ட விரிவான பொருளாதார கூட்டு ஒப்பந்தம் (CEPA) குறித்த பேச்சுவார்த்தையை நாளை அக்டோபர் 5, 2026 அன்று மீண்டும் தொடங்க உள்ளன. இரு நாடுகளும் 2026 ஆம் ஆண்டு இறுதிக்குள் ஒப்பந்தத்தை முடிக்க வேலை செய்கின்றன. இது மும்பையில் நடந்த நான்காவது சுற்று பேச்சுவார்த்தைக்கு பிறகு நடக்கிறது.
கனடாவின் சர்வதேச வர்த்தக அமைச்சர் மணிந்தர் சிது, அமெரிக்காவில் நடந்த G20 வர்த்தக அமைச்சர்கள் கூட்டத்தில் இந்திய வர்த்தக அமைச்சர் பியூஷ் கோயலை சந்தித்த பிறகு இந்த அறிவிப்பை வெளியிட்டார். இந்த பேச்சுவார்த்தையுடன், கனடா கிட்டத்தட்ட 300 வணிக பிரதிநிதிகளை கொண்ட ' Team Canada' குழுவை இந்தியாவுக்கு அழைத்து வர திட்டமிட்டுள்ளது.
தற்போது இரு நாடுகளுக்கும் இடையிலான இருவழி வர்த்தகம் 30 பில்லியன் டாலருக்கும் அதிகமாக உள்ளது, இதை 2030-க்குள் 70 பில்லியன் டாலராக உயர்த்த இலக்கு நிர்ணயிக்கப்பட்டுள்ளது. முக்கிய கனிமங்கள், எரிசக்தி, விவசாயம் மற்றும் தொழில்நுட்ப துறைகளில் கவனம் செலுத்தப்படும்.
கனடா பிரதமர் மார்க் கார்னி, முன்மொழியப்பட்ட பசிபிக் லிங்க் எண்ணெய் குழாய் திட்டத்தை விரைவுபடுத்தியுள்ளார். இந்த திட்டம் ஆல்பர்ட்டாவிலிருந்து கனடாவின் பசிபிக் கடற்கரைக்கு தினமும் 10 லட்சம் பேரல்கள் எண்ணெயை கொண்டு செல்ல வடிவமைக்கப்பட்டுள்ளது. இந்த 1,250 கிலோமீட்டர் குழாய் திட்டம் C$25 பில்லியன் முதல் C$31 பில்லியன் வரை செலவாகும் என மதிப்பிடப்பட்டுள்ளது.
இந்த திட்டத்தை தேசிய நலன் கொண்ட திட்டமாக கார்னி அறிவித்ததால், இது விரைவான கூட்டாட்சி செயல்முறை மூலம் நகரும். இது கனடா உற்பத்தியாளர்களுக்கு ஆசிய சந்தைகளுக்கு அதிக அணுகலை வழங்குவதோடு, அமெரிக்காவை பெரிதும் சார்ந்திருப்பதை குறைக்கும் என்று கூறப்படுகிறது.
இந்த முடிவு அக்டோபர் 19 அன்று நடக்கவுள்ள ஆல்பர்ட்டா பிரிவினை வாக்கெடுப்புக்கு முன்னதாக வந்துள்ளது. கனடாவில் இருந்து பிரிவது குறித்து வாக்கெடுப்பு நடத்துவதா என்பது குறித்து ஆல்பர்ட்டா வாக்களிக்க உள்ளது. ஆல்பர்ட்டா பிரதமர் டேனியல் ஸ்மித் இந்த குழாய் திட்டத்தை ஆதரிக்கிறார்.
Home
