கனடாவில் ஆபத்தான நபர் என பொலிசார் வெளியிட்ட தகவல்

கனடா - மிசிசாகாவில் கத்திக் குத்து தாக்குதலில் ஒருவர் காயமடைந்த நிலையில் பீல் பொலிசார் ஆயுதமேந்திய மற்றும் ஆபத்தான சந்தேக நபரைத் தேடி வருகின்றனர்.

செவ்வாய் அன்று பிற்பகல் 4:40 மணியளவில் Hurontario Street மற்றும் Hillcrest Avenue பகுதியில் அடையாளம் தெரியாத சந்தேக நபர் ஒருவரால் பாதிக்கப்பட்ட நபரை அணுகியதாக புலனாய்வாளர்கள் கூறுகின்றனர். 

பாதிக்கப்பட்டவர் பலத்த காயங்களுடன் மருத்துவமனைக்கு கொண்டு செல்லப்பட்டார். அவரின் உடல்நிலை தற்போது சீராக உள்ளது.

சந்தேக நபர் பொலிசார் வருவதற்குள் அப்பகுதியில் இருந்து தப்பிச் சென்றுள்ளார். அவர் கடைசியாக ஹுரோன்டாரியோவில் தெற்கு நோக்கி சென்றதாக தெரிவிக்கப்படுகின்றது.

சந்தேக நபர் 5.8  முதல் 5.9 அடி உயரமும், நடுத்தரமான உடலும் கொண்டவர் என விவரிக்கப்பட்டுள்ளது. அவர் கடைசியாக பச்சை நிற பஃபி ஜாக்கெட், சாம்பல் நிற உடைகள் மற்றும் வெள்ளை காலணிகள் அணிந்திருந்தார்.

சந்தேக நபரின் பாதுகாப்பு கேமரா படங்களை பொலிசார் வெளியிட்டுள்ளனர். சந்தேக நபரை யாரேனும் கண்டறிந்தால் அவர்களை அணுக வேண்டாம் என்றும் உடனடியாக 9-1-1 என்ற எண்ணை அழைக்கவும் அறிவுறுத்துகின்றனர்.