'சிறகு விரிக்கும் பறவை' நூல் வெளியீடு

பண்டாரவன்னியன் புத்தகசாலை வெளியீடாகக் கவிஞர் வெல்லவூர் சுபேதனின் 'சிறகு விரிக்கும் பறவை' நூல் வெளியீடு இன்று (28.01.2024) வவுனியா நகர சபை கேட்போர் கூடத்தில் தமிழ்மணி அகளங்கன் தலைமையில் நடைபெற்றது.

இந் நிகழ்வினைச் சிறப்பிக்க அதிதிகளாக எழுத்தாளர் மாயன், எம்.ஏ.எவ்.ஹதிஸ்தா, UNHR மனித உரிமைகள் குழந்தைகள் மற்றும் பெண்கள் அமைப்பின் தலைவர், வைத்தியர் வே.ச.கௌரிதரசர்மா, பத்மா சித்த ஆயர்வேத வைத்தியசாலை வேப்பங்குளம்,வவுனியா, முனைவர் மேழிக்குமரன், செ.மதுரகன்,மருத்துவர், நெலோமி அன்ரனிகுருஸ், உப பீடாதிபதி, வவுனியா தேசிய கல்வியற்கல்லூரி, சி.துஜான், கலாசார அபிவிருத்தி உத்தியோகஸ்த்தர், பிரதேச செயலகம், வவுனியா ஆகியோர் வருகை தந்திருந்தனர்.

அதிதிகளின் மங்கல விளங்கேற்றலுடன்; கி.ரிஜானியின் தமிழ்த்தாய் வாழ்த்துடன் ஆரம்பமானது. வரவேற்புரையினை வவுனியா திறந்த பல்கலைக்கழக விரிவுரையாளர் யோகேஸ்வரன் நிதூசியா நிகழ்த்தினார். தமிழ்மணி அகளங்கன் தலைமை உரையினையினையும் மாயன் முனைவர் இ.சிறீஞானேஸ்வரன் ஆசியுரையினையும் நிகழ்த்தினர்.