கிளிநொச்சி பூநகரி பிரதேச செயலாளர் பிரிவுக்கு உட்பட்ட முட்கொம்பன் கிராமத்தில் அதிகரித்து காணப்படும் சட்டவிரோதக் கசிப்பு உற்பத்தி விற்பனைகளால் பல்வேறு பிரச்சினைகளை எதிர்கொள்வதுடன் அதிகளவான இளவயது திருமணங்களும் இடம்பெறுவதாக கிராம வாசிகள் பலரும் சுட்டிக்காட்ட

கிளிநொச்சி பூநகரி பிரதேச செயலாளர் பிரிவுக்கு உட்பட்ட முட்கொம்பன் கிராமத்தில் அதிகரித்து காணப்படும் சட்டவிரோதக் கசிப்பு உற்பத்தி விற்பனைகளால் பல்வேறு பிரச்சினைகளை எதிர்கொள்வதுடன் அதிகளவான இளவயது திருமணங்களும் இடம்பெறுவதாக கிராம வாசிகள் பலரும் சுட்டிக்காட்டி உள்ளனர்.

கிளிநொச்சி பூநகரி பிரதேச செயலாளர் பிரிவுக்குட்பட்ட மிகவும் பின்தங்கிய பிரதேசங்களில் ஒன்றாக காணப்படுகின்ற முட்கொம்பன் கிராமத்தில் என்றுமில்லாதவாறு சட்டவிரோத கசிப்பு உற்பத்தி விற்பனைகள் மற்றும் போதை பொருள் பாவனை என்பன அதிகரித்து காணப்படுகின்றன.இவற்றின் தாக்கத்தால் குறித்த பிரதேசத்தில் இளவயது திருமணங்கள் மற்றும் குடும்ப வன்முறைகள் தற்கொலைகள் திருட்டு சம்பவங்கள என பல்வேறுபட்ட பாதிப்புகளை குறித்த கிராமத்தில் உள்ளவர்கள் எதிர்கொள்வதாக பிரதேசவாசிகள் சுட்டிக்காட்டி உள்ளனர்.  குறித்த கிராமத்தில் இடம்பெற்று வருகின்ற சட்டவிரோத கசிப்பு உற்பத்தி விற்பனை மற்றும் போதைப்பொருள் பாவனைகளை கட்டுப்படுத்துமாறு கோரி பல்வேறு தரப்பினர்களுக்கும் மகஜர்களை கையளித்திருக்கின்ற போதும் இதுவரை ஆக்கபூர்வமான நடவடிக்கைகள் எதுவும் எடுக்கப்படவில்லை என்பதையும் பிரதேச மக்கள் சுட்டிக் காட்டி உள்ளனர்.முட்கொம்பன் கிராமத்தின் குறிப்பிட்ட சில பகுதி அக்கராயன் போலீஸ் நிலையத்தின் கீழும் ஒருபகுதி பூநகரி போலீஸ் பிரிவுக்கு உட்பட்டும் காணப்படுவதனால குற்ற செயல்கள் தொடர்பில் அறிவிக்கின்ற போதும் எந்த விதமான நடவடிக்கைகளும் எடுக்கப்படுவதில்லை என்பதையும் பிரதேச மக்கள் சுட்டிக்காட்டி உள்ளனர்.எனவே குறித்த கிராமத்தில் வாழுகின்ற சிறார்களின் கல்வி பெண்களின் பாதுகாப்பு என்பவற்றை கருத்தில் கொண்டு சட்டவிரோதமாக மேற்கொள்ளப்படுகின்ற கசிப்பு உற்பத்தி விற்பனைகள் மற்றும் போதைப் பொருள் பாவனை என்பவற்றை முற்றாக கட்டுப்படுத்துவதற்கு உரிய தரப்புகள் நடவடிக்கை எடுக்க வேண்டும் என்ற கோரிக்கையை முன் வைத்துள்ளனர்.