Albums

Ads

Updated Albums

கம்பர்மலை முன்பள்ளியில் நடைபெற்ற சிறுவர்தின இவ்நிகழ்வுக்குஅனுசரணை வழங்கியவர்கள்

கம்பர்மலை முன்பள்ளியில் நடைபெற்ற சிறுவர்தின இவ்நிகழ்வுக்குஅனுசரணை வழங்கியவர்கள்1.சுப்பிரமணியம் ரகுநாதன்2.சுந்தரம்பிள்ளைபுனிதா3.பசுபதி குழந்தைவேல்4.சிறப்புரை வழங்கியவர்கள் வல்வெட்டித்துறைப் பொலிஸ்ஓய்வுநிலை அதிபர் !சுவிஸ்நாட்டில் வசிக்கும் சயந்தனுக்குஅனுசரணை வழங்கி உள்ளார்.

கம்பர்மலை முன்பள்ளியில் நடைபெற்ற சிறுவர்தின நிகழ்வு

அல்வாய் மனோகரா முன்பள்ளியின் விளையாட்டு விழா

அல்வாய் மனோகரா முன்பள்ளியின் விளையாட்டு விழா பதிவுகள்

'தளபதி 66' பூஜையில் விஜய், ராஷ்மிகா

தளபதி 66

பொன்னியின் செல்வன்

மணிரத்தினத்தின் பொன்னியன் செல்வன்

13-16

Ads

Popular Cameras

Canon EOS 5D Mark III

TamilPoonga

GomathiSiva

Added a news

சென்னையில் இருந்து தாய்லாந்து, சவுதி அரேபியாவுக்கு கூடுதல் விமான சேவை தொடக்கம்

சென்னையில் இருந்து தாய்லாந்து, சவுதி அரேபியாவுக்கு கூடுதல் விமான சேவைகள் தொடங்கப்பட்டுள்ளன. சென்னை விமான நிலையம் சர்வதேச முனையத்தில் இருந்து தாய்லாந்து, சவுதி அரேபியாவின் தமாம் ஆகிய இடங்களுக்கு செல்லும் பயணிகள் எண்ணிக்கை அதிகரித்து வருகிறது.அதனால், பயணிகளின் வசதிக்காக, இண்டிகோ ஏர்லைன்ஸ் விமான நிறுவனம் சென்னையில் இருந்து தாய்லாந்து தலைநகர் பாங்காக் நகருக்கும், பாங்காக்கில் இருந்து சென்னைக்கும் இரண்டு விமான சேவைகளை கடந்த 15-ம் தேதி முதல் தொடங்கியுள்ளது.இந்த விமான சேவைகள் வாரத்தில் நான்கு நாட்கள் வழங்கப்படுகின்றன.அதேபோல் ஏர் இந்தியா எக்ஸ்பிரஸ் விமான நிறுவனம், சென்னையில் இருந்து சவுதி அரேபியாவின் தமாமிற்கும், தாமாமில் இருந்து சென்னைக்கும் இடையே இரண்டு விமான சேவைகளை, வரும் ஜூன் மாதம் 1-ம் தேதி முதல் தொடங்குகிறது.இந்த விமான சேவைகள் வாரத்தில் இரண்டு நாட்கள் வழங்கப்படவுள்ளன. இதேபோல் சென்னையில் இருந்து மேற்குவங்க மாநிலம் துர்காப்பூருக்கும், துர்காப்பூரிலிருந்து சென்னைக்கும் புதிதாக நேரடி விமான சேவை கடந்த 16-ம் தேதி முதல் தொடங்கப்பட்டுள்ளது. இண்டிகோ ஏர்லைன்ஸ் விமான நிறுவனத்தின் இந்த சேவையானது வாரத்தில் 3 நாட்கள் மட்டும் வழங்கப்படுகிறது.

GomathiSiva

Added article

சுந்தர் சி யை கெட்ட வார்த்தையில் திட்டிய மணிவண்ணன் - எதற்காக தெரியுமா?

ஈரோட்டில் பிறந்த விநாயக சுந்தரவேல் என்பவர் தனது தந்தையின் பெயரான சிதம்பரம் என்பதன் முதலெழுத்தைச் சேர்த்து சுந்தர் சி ஆக தமிழ் சினிமாவில் பிரபல இயக்குநராக வலம் வருகிறார். சினிமாவில் உதவி இயக்குநராக வேலை பார்ப்பது என்பது எவ்வளவு கஷ்டம் என்று அதை உணர்ந்தவர்களுக்கே தெரியும்.முதலில் ஒரு இயக்குநரிடம் உதவியாளராக வேலை பார்த்து பின்னர் கதை விவாதங்களில் பங்கெடுத்து அதன்பின் நடிகர் நடிகைகளுக்கு வசனங்கள் சொல்லிக் கொடுத்து என முழுப் படத்தையும் தங்கள் தோளின் மேல் சுமப்பார்கள். ஆனால் இவர்களுக்கு கிடைக்கும் சம்பளம் என்பது மிக சொற்பமே. ஷுட்டிங் நாட்களில் தினமும் கிடைக்கும் பேட்டா காசில் தான் வாழ்கையையே ஓட்டுவார்கள்.அந்த வகையில் இயக்குநர் சுந்தர் சி வசதியான குடும்பத்தில் பிறந்திருந்தாலும் சினிமா வாய்ப்புத் தேடி சென்னை வந்து பல இடங்களில் ஏறி இறங்கி இறுதியாக இயக்குநரும், நடிகருமான மணிவண்ணனிடம் உதவி இயக்குநராக வேலைக்குச் சேர்ந்திருக்கிறார். அவரிடமிருந்து தொழில் கற்றுக் கொண்டு பின்னர் உள்ளத்தை அள்ளித்தா படத்தனை இயக்கி பிளாக் பஸ்டர் வெற்றியைக் கொடுத்து ரஜினி, கமல், அஜீத் என அனைத்து முன்னணி நடிகர்களையும் இயக்கினார்.இவர் உதவி இயக்குநராக வேலை பார்த்த போது, ஒருமுறை பொள்ளாச்சி ஆனைமலைப் பகுதியில் சத்யராஜ் படம் ஒன்றின் ஷுட்டிங் நடைபெற்றுக் கொண்டிருந்தது. காட்சிப்படி சத்யராஜ் வண்டி ஓட்டி வருவதை லோஆங்கிளில் படம் பிடிக்க வேண்டும். அதற்காக கேமராவை ரோட்டில் கீழே வைத்திருக்கின்றனர்.அந்தப் படத்தின் இயக்குநர் சுந்தர் சியை அழைத்து ரோட்டில் சாணம் இருக்கிறது அகற்று என்று கூறியிருக்கிறார். சுந்தர்சியோ நான் போய் சாணியை அள்ளுவதா என்று யோசித்திருக்கிறார். உடனே கோபமடைந்த மணிவண்ணன் அவரைக் கெட்ட வார்த்தையில் திட்டி எடுடா என்று கூறியிருக்கிறார். மேலும் அவர் யோசிக்க மறுபடியும் கெட்ட வார்த்தையில் திட்டியிருக்கிறார்.அப்போது அவர் திட்டியது அவருக்கு சினிமாவில் இயக்குநராக வந்துவிட்டால் எந்த வேலையையும் செய்ய தயாராக இருக்க வேண்டும் என்று உணர்த்தியதாம். உதவி இயக்குநராக இருந்து சினிமாவில் இயக்குநர் வாய்ப்பு கிடைக்கும் போது தான் அவர்கள் பட்ட கஷ்டங்கள் அனைத்திற்கும் பலன் கிடைத்தது போன்று இருக்கும் என்பது சினிமாவின் விதி.

GomathiSiva

Added a news

தம்பி விஜய்யுடன் கைகோக்க தயார்: சீமான் அறிவிப்பு

வரும் 2026 சட்டப்பேரவை தேர்தலில் தவெக தலைவர் விஜய்யுடன் வாய்ப்பு அமைந்தால் ஒன்று சேர தான் காத்திருப்பதாகவும், தவெக சார்பில் நடைபெறும் மாநாட்டுக்கு அழைப்பு வந்தால் செல்வேன் என்றும் நாம் தமிழர் கட்சி தலைமை ஒருங்கிணைப்பாளர் சீமான் தெரிவித்துள்ளார்.இதுகுறித்து இன்று சென்னையில் செய்தியாளர்களிடம் பேசிய சீமான், “கோயில், சாமி, சாதி, மதம் ஆகியவற்றை மட்டுமே பேசிக்கொண்டு இன்னும் எத்தனை காலத்துக்கு ஜெயிக்க முடியும். பாஜகவால் கடந்த 10 ஆண்டுகால ஆட்சியில் செய்த ஒரு சாதனையைக் கூட சொல்லி மக்களிடம் ஓட்டு கேட்க முடியவில்லை. அதற்கு பதிலாக காங்கிரஸ் ஆட்சிக்கு வந்தால் கோயிலை இடித்துவிடுவார்கள், முஸ்லிம்களுக்கு அனைத்தையும் வாரி வழங்கிவிடுவார்கள் என பிரதமர் தனது பிரச்சாரத்தில் பேசிக் கொண்டிருக்கிறார். இது ஒரு தலைவருக்கு அழகல்ல.இதைப்பற்றி மட்டுமே சிந்திப்பவர்கள் மக்களைப் பற்றி சிந்திக்க மாட்டார்கள். பிரதமர் மோடி ஆட்சிக்கு வந்தால் கேஜ்ரிவால் கூறியதை போல முதல்வர்கள் ஸ்டாலின், மம்தா, பினராயி விஜயன் போன்றோரின் கைது உறுதியாக நடக்கும். சமூகத்தில் எதைப் பற்றியும் யோசிக்காமல் எதை வேண்டுமானாலும் பேசிவிட்டு சென்றுவிடுகின்றனர்.தமிழக காவல்துறை ஏடிஜிபி அருணுக்கு 2 பெண் பிள்ளைகள் உள்ளனர். தன் தந்தையைப் பற்றி தவறாக பேசுவதை அவர்கள் எப்படி எதிர்கொள்வார்கள்? எனவே யூடியூபர் சவுக்கு சங்கர் பேசியது தவறு.தமிழக வெற்றிக் கழகம் சார்பில் நடக்கும் மாநாட்டுக்கு அழைப்பு வந்தால் நிச்சயம் செல்வேன். 2026-ல் விஜய்யுடன் ஒன்று சேர வாய்ப்பு அமையுமானால் அதற்காக காத்திருக்கிறேன். அண்ணனும், தம்பியும் சந்திப்பது வழக்கம். அப்படித்தான் நானும் விஜய்யும் சந்தித்துக் கொள்கிறோம்.மறைந்த தேமுதிக தலைவர் விஜயகாந்த் பதம்பூஷண் விருதுபெற தகுதியான நபர். ஒரு கட்சியின் தலைவர் அல்லது நடிகராக மட்டுமின்றி அவர் ஒரு நல்ல மனிதர். எனவே விஜயகாந்த் உயிருடன் இருக்கும்போதே பதம்பூஷண் விருது வழங்கப்பட்டிருக்க வேண்டும். இப்போது கொடுத்தில் பயனில்லை” என்றார் சீமான்.

அறிவோம் ஆன்மீகம்

Added a post

புண்ணிய கணக்கு (குட்டிக்கதை)

ஒருவர் தெருவில் குனிந்து எதையோ தேடிக் கொண்டு இருந்தார். நெடுநேரம் தேடிக் கொண்டு இருந்ததை பார்த்த ஒருவர் அந்தணரிடம், ஐயா...என்ன தேடுகிறீர்கள்? என்று கேட்டார்.சிவ பூஜைக்கு வாழைப்பழம் வாங்கஒரு அணா வைத்திருந்தேன். அதை கீழே எங்கேயோ தவறி போட்டு விட்டேன் அதைத்தான் தேடுகிறேன்.பரவாயில்லை. பூஜைக்கு நேரம் ஆகிவிட்டது நான் ஒரு அணா தருகிறேன். வாழைப்பழம் வாங்கி பூஜையை முடியுங்கள். என்று சொல்லி ஒருஅணாவை கொடுத்து சென்று விட்டார். அந்த காலகட்டத்தில் ஒரு அணாவிற்கு நாலு வாழைப்பழம். அந்தணர் நான்கு பழங்கள் வாங்கி பூஜையை முடித்தார். சிலகாலம் கழிந்தது. வான் உலகத்தில் தேவேந்திரன், ஒரு நாள், எமதர்மராஜன் சபைக்கு வந்தான். எமதர்மன், தேவேந்திரனை உபசரித்து வரவேற்றான்.சபையில், ஒரு ரத்ன சிம்மாசனமும், ஒரு தங்கத்தாலான சிம்மாசனமும், போடப்பட்டிருந்தது.அந்த சமயம், இரண்டு தேவ விமானங்கள் வந்தன.எமதர்மன், ஓடிப் போய் விமானத்திலிருந்த வரை வரவேற்று உபசரித்தான்.ஒவ்வொரு விமானத்திலிருந்தும், ஒவ்வொரு புண்ணிய புருஷர் இறங்கினர்.எமதர்மன், ஒருவரை, ரத்ன சிம்மாசனத்திலும், மற்றொருவரை, தங்க சிம்மாசனத்திலும், உட்கார வைத்தார்.புண்ணிய புருஷர்களான நீங்கள் இங்கு வந்தது என் பாக்யம்... என்று சொல்லி,அவர்களை, எமதர்மன் உபசரித்ததை பார்த்த தேவேந்திரன்,எமதர்மனைப் பார்த்து,இவர்கள் அப்படி என்ன புண்ணியம் செய்தனர்! அதிலும், ஒருவரை ரத்ன சிம்மாசனத்திலும், ஒருவரை தங்க சிம்மாசனத்திலும் உட்கார வைத்திருக்கிறீர்களே... என்று கேட்டார்.அதற்கு எமதர்மன், இதோ தங்க சிம்மாசனத்தில் இருப்பவர், தினமும், சிரத்தையுடன் சிவ பூஜை செய்தவர்.அந்த புண்ணியத்தினால், இவரை தங்க சிம்மாசனத்தில் உட்கார வைத்திருக்கிறேன்.மற்றொருவரோ சிவ பூஜைக்கு உதவி செய்தவர்.ஒரு நாள் அட்சய திருதியை அன்று, சிவ பூஜைக்கு வாழைப்பழம் வாங்க, உதவி செய்தவர். அதனால், இவருக்கு ரத்ன சிம்மாசனம்... என்றான் எமதர்மன்.தேவேந்திரன் ஆச்சரியப்பட்டு, சிவபூஜை செய்தவரை விட, சிவ பூஜைக்கு உதவி செய்தவருக்குத்தான் அதிக புண்ணியம் என்பதை தெரிந்து கொண்டேன்... என்று சொல்லி,எமதர்மனிடம் விடை பெற்று, தேவலோகம் சென்றார்.இங்கு கவனிக்க வேண்டியது என்னவென்றால்,ஒரு சிவ பூஜை அல்லது கும்பாபிஷேகம் ஆகியவற்றை முன் நின்று நடத்துபவரை விட,அதற்கு உதவி செய்பவர்களுக்கு புண்ணியம் அதிகம்.அதனால் தான், எங்கேயாவது கும்பாபிஷேகம், திருப்பணி என்றால், என் பணமும் அதில் சேரட்டும்... என்று, பணம் கொடுத்து. புண்ணியத்தை சேர்த்துக் கொள்கின்றனர்.தெய்வத் திருப்பணிகளுக்கும் சேவை செய்தாலும், கைங்கர்யம் கொடுத்தாலும் புண்ணியம். கொடுத்து பாருங்கள்,அந்த புண்ணியம் எப்படி வேலை செய்கிறது என்று தெரிந்து கொள்வீர்கள்!.கொடுக்க கொடுக்க மேன்மை அடைய வைப்பது தர்மம் மட்டுமே...செய்ய செய்ய அருள் கிடைப்பது பூஜையில் மட்டுமே......

GomathiSiva

Added article

விசுவின் பார்வையில் கண்ணதாசன்

ஒரு பாடலை வாங்கி வருவதற்காக கண்ணதாசனிடம் அனுப்புகிறார் இயக்குநர். விசுவிற்கு மிகுந்த தயக்கம். இருந்தாலும் ‘நாடக உலகப்’புகழ் தந்த துணிச்சலில் சென்று விடுகிறார். கண்ணதாசன் வந்ததும், விசு உணர்ச்சிபூர்வமாக கதை சொல்லத் துவங்குகிறார். ஆனால் அதை சரியாக கவனிக்காமல், தன் வழக்கமான பாணியின்படி, பக்கத்தில் இருந்த பஞ்சு அருணாச்சலத்தை சீண்டி விளையாடிக் கொண்டு இருந்தார் கண்ணதாசன்.விசுவிற்கு சங்கடமும் சற்று எரிச்சலும் கூட. ‘என்னய்யா.. இந்த ஆள் கதையை ஒழுங்கா கேட்க மாட்டேங்கறாரே.. என்னத்த எழுதப் போறார்?” ஆனால் விசு சொல்வதை நிறுத்தும் போது ‘தொடர்ந்து சொல்’ என்பது போல் கைகாட்டிக் கொண்டே இருக்கிறார் கண்ணதாசன். விசு சொல்லி முடித்ததும் கண்ணதாசன் தன் உதவியாளரை அழைத்து “எழுதிக்கப்பா’ என்று தன் வழக்கமான பாணியில் வசனம் போல சொல்லத் துவங்கி விடுகிறார். "குடும்பம் ஒரு கதம்பம் பல வண்ணம் பல வண்ணம் தினமும் மதி மயங்கும் பல எண்ணம் பல எண்ணம் தேவன் ஒரு பாதை தேவி ஒரு பாதைகுழந்தை ஒரு பாதை காலம் செய்யும் பெரும் லீலை..."விசுவிற்கு ஒரே ஆச்சரியம். படத்தின் மையத்தை ஒரு சில வரிகளில் இத்தனை கச்சிதமாக கொண்டு வந்து விட்டாரே என்று. ஆனால் தான் சொல்லும் போது கவனிக்காதது போல் இருந்தாரே என்றும்..!விஷயம் இங்கு முடியவில்லை. இந்த பாடலின் ஒரு வரியில் விசுவிற்கு ஒரு மறுப்பு தோன்றுகிறது. தைரியமாக கேட்டு விடுகிறார். கண்ணதாசன் அதற்கும் விளக்கம் சொல்கிறார். விசு சொல்லி வந்த கதையின் பகுதிகளை ஒவ்வொன்றாக பிய்த்து பொருத்தமாக மேற்கோள் காட்டி அந்த வரி எப்படி பொருந்துகிறது என்று விளக்கியவுடன் விசு அப்படியே பிரமித்து நின்றுவிட்டார்!அவர் எழுதிய அந்த பாடல் "குடும்பம் ஒரு கதம்பம்" படத்திற்கே முதுகெலும்பு போல் அமைந்து, படத்தை வெற்றி பெற செய்தது. பாடலை விரைவாக கொடுத்த அவரின் வேகம் என்ன வியக்க வைத்தது என்றார் விசு.இறந்து போனவர்களில் இருவரை காணும் வரம் கிடைத்தால் யாரை கேட்பீர்கள்? என்று விசுவிடம் கேட்கிறார்கள். ஒருவர் என் அப்பா. இன்னொருவர் ‘கண்ணதாசன்'......என்று சொல்லியிருக்கறார்.

GomathiSiva

Added a post

தமிழ் அறிவோம்

எட்டுத் தொகை நூல்களையும் பத்துப் பாட்டுகளையும் கொண்டது சங்க இலக்கியம். பழைய உரையாசிரியர்கள் இந்த இலக்கியத்தைச் ‘சான்றோர் செய்யுள்’ என்று குறிப்பிட்டார்கள். இது சுமார் இரண்டாயிரம் ஆண்டுகளுக்கு முன் எழுதப்பட்டது. இதில் உள்ள பாடல்கள் அகம் (உள்) புறம் (வெளி) என்ற இரண்டு பகுதிகளைக் கொண்டது. சங்க இலக்கியம் இயற்கை இலக்கியமும் ஆகும். பல வகை விலங்குகள், பறவைகள், பூச்சிகள், மரங்கள், செடிகள், கொடிகள், மலர்கள் யாவும் அதில் உள்ளன.எட்டுத்தொகை“நற்றிணை நல்ல குறுந்தொகை ஐங்குறுநூறு ஒத்த பதிற்றுப்பத்து ஓங்கு பரிபாடல் கற்றறிந்தார் ஏத்தும் கலியோடு அகம் புறம் என்று இத்திறத்த எட்டுத் தொகை”.நற்றிணை: இது ஒரு அக நூல். பல புலவர்களால் எழுதப்பட்டது. இதில் மொத்தம் 400 பாடல்கள் உள்ளன. இவற்றில் 1 பாடல் முழுமையாக நமக்குக் கிடைக்கவில்லை (234). ஒரு பாடலின் சில பகுதிகள் கிடைக்கவில்லை (285). பாடல்கள் 8 – 13 வரிகள் கொண்டவை.குறுந்தொகை: இது ஒரு அக நூல். பல புலவர்களால் எழுதப்பட்டது. இதில் மொத்தம் 400 பாடல்கள் உள்ளன. பாடல்கள் 4 – 8 வரிகள் கொண்டவை.ஐங்குறுநூறு: இது ஒரு அக நூல். ஐந்து புலவர்களால் எழுதப்பட்டது. இதில் மொத்தம் 500 பாடல்கள் உள்ளன. குறிஞ்சி, மருதம், முல்லை, நெய்தல், பாலை ஆகிய ஒவ்வொரு திணையிலும் நூறு பாடல்கள் கொண்டது. ஓரம்போகியார் மருதத் திணைப் பாடல்களையும், அம்மூவனார் நெய்தற் திணைப் பாடல்களையும், கபிலர் குறிஞ்சித் திணைப் பாடல்களையும், ஓதலாந்தையார் பாலைத் திணைப் பாடல்களையும், பேயனார் முல்லைத் திணைப் பாடல்களையும் பாடியுள்ளனர். இந்த நூலில் 2 பாடல்கள் நமக்குக் கிடைக்கவில்லை (129,130) . பாடல்கள் 3 – 6 வரிகள் கொண்டவை .பதிற்றுப்பத்து: இது ஒரு புற நூல். சேர மன்னர்களுக்காக எழுதப்பட்ட நூல். பத்து மன்னர்களுக்காக, ஆளுக்கு 10 பாடல்கள் எழுதப்பட்டன. ஆனால் 80 பாடல்கள் தான் நமக்குக் கிடைத்துள்ளன. பாடல்கள் 8-56 வரிகள் கொண்டவை.பரிபாடல்: இது அகமும் புறமும் கொண்ட நூல். பல புலவர்களால் எழுதப்பட்டது. பாடல்கள் முருகனுக்கும், திருமாலுக்கும், வைகை நதிக்கும் எழுதப்பட்டன. மொத்தம் 70 பாடல்கள் எழுதப்பட்டன. நமக்குக் கிடைத்தது 22 பாடல்கள். பாடல்கள் 32 – 140 வரிகள் கொண்டவை.கலித்தொகை: இது ஒரு அக நூல். ஐந்து புலவர்களால் எழுதப்பட்டது. இதில் மொத்தம் 150 பாடல்கள் உள்ளன. பாடல்கள் 11 – 80 வரிகள் கொண்டவை. ஆயர் குடியினரின் ஏறு தழுவுதல் பற்றிய விவரங்கள் இந்த நூலில் மட்டுமே உள்ளன.அகநானூறு: இது ஒரு அக நூல். பல புலவர்களால் எழுதப்பட்டது. இதில் மொத்தம் 400 பாடல்கள் உள்ளன. பாடல்கள் 13 – 31 வரிகள் கொண்டவை. மொத்தம் 200 பாடல்கள் பாலைத் திணையிலும், 80 பாடல்கள் குறிஞ்சித் திணையிலும், 40 பாடல்கள் முல்லைத் திணையிலும், 40 பாடல்கள் நெய்தற் திணையிலும், 40 பாடல்கள் மருதத் திணையிலும் உள்ளன.புறநானூறு: இது ஒரு புற நூல். பல புலவர்களால் எழுதப்பட்டது. இதில் மொத்தம் 400 பாடல்கள் உள்ளன. பாடல்கள் 4 – 40 வரிகள் கொண்டவை. மூவேந்தர், குறு நிலமன்னர், பாணர், புலவர், விறலியர், கொடை, மறம், வீரர்கள், நாடு, மலை, போர், வீரத்தாய்மார்கள், இறந்த மன்னர்களின் புகழைப் பாடுதல், வாழ்க்கையின் நிலையாமை, மன்னர்க்குப் பெண் தர மறுத்தல் என்று பல செய்திகள் இதில் உள்ளன. மேலும், பரணர், ஔவையார், கோவூர் கிழார், மாங்குடி கிழார் போன்ற பெரும் புலவர்கள் தங்களை பாணர்களாக பாவித்து பாடும் 32 பாடல்கள் உள்ளன.

GomathiSiva

Added a post

இட்லி

இட்லி வெந்திருக்குன்னு சொன்னா நம்பிக்கை...இட்லி வேகலைன்னு சொன்னா அவநம்பிக்கை.. இட்லியெல்லாம் சுட முடியாது போடான்னு பொண்டாட்டி சொன்னா பெண்ணுரிமை...இட்லிய 'சுட்டது' யாருன்னு பரபரப்பு கிளப்பின்னா பத்திரிகை செய்தி...இட்லியை எல்லோரும் சாப்பிட்ட பிறகு தான் நமக்குக் கிடைக்கும் னு சொன்னாஅடிமைத்தனம்...இட்லிய வச்சு இட்லி உப்புமா செய்தால் நவீனத்துவம்...இட்லி மேல made in Indiaன்னு சீல வச்சா தேசபக்தி...இட்லி ஒரு ரூபான்னு மெஸ்ல எல்லோருக்கும் கொடுத்தால் சமத்துவம்... இட்லி காசு கொடுத்தாத்தான் கிடைக்கும்னு தெரிஞ்சிக்கிறதுஎதார்த்தம்...இதுக்கு மேல இட்லி கிடையாதுன்னு சொன்னா முதலாளித்துவம்...இட்லி Fork and Spoon வெச்சி சாப்பிட்டா பணக்காரத்தனம்..இட்லி நல்லா இல்லைன்னு சொன்னா கண்டுபிடிப்பாளர்...இட்லி பிடிக்காதவனை எனக்கு பிடிக்காதுன்னு சொன்னா இனவாதி.. இட்லியே வேணான்னு எந்திரிச்சு போயிட்டாஅறிவாளி ..ஒரு இட்லிக்கு இவ்வளவு விளக்கம் தேவையா....ன்னு என்மேல் கடுப்பாகி... என்னை அடிக்க நீங்க நினைத்தால் அது பயங்கரவாதம்...அவ்வளவுதாங்க வாழ்க்கை

Srikanth

Added a news

அமெரிக்கா மிரட்டல் – அதிரடி காட்டும் இந்தியா!

ஈரானுடன் பொருளாதார உறவில் ஈடுபடும் நாடுகள் மீது பொருளாதார தடை விதிக்கப்படும் என்ற அமெரிக்காவின் எச்சரிக்கைக்கு இந்தியா பதிலடி கொடுத்துள்ளது.இந்தியாவுக்கும் ஈரானுக்கும் இடையே நல்லுறவு உள்ளது, ஈரானின் சர் துறைமுகத்தை பராமரிப்பது தொடர்பாக ஈரானுடன் 10 ஆண்டு கால ஒப்பந்தத்தில் இந்திய அரசு சமீபத்தில் கையெழுத்திட்டதுஇது அமெரிக்காவின் அதிருப்திக்கு காரணமாக இருந்ததால், ஈரானுடன் உறவில் ஈடுபடும் நாடுகள் மீது பொருளாதார தடை விதிக்கப்படும் என்று அமெரிக்கா எச்சரிக்கை விடுத்திருந்தது.அமெரிக்காவின் அச்சுறுத்தல் குறித்து கருத்து தெரிவித்துள்ள இந்திய வெளியுறவுத்துறை அமைச்சர் எஸ்.ஜெய்சங்கர், ஈரானுடன் கைச்சாத்திடப்பட்டுள்ள திட்டமானது முழு பிராந்தியத்திற்கும் நன்மைகளை ஏற்படுத்தும் என தெரிவித்துள்ளார்.எனவே, அந்த திட்டம் தொடர்பில் குறுகிய கருத்துகளை கொண்டிருக்க வேண்டாம் என இந்திய வெளிவிவகார அமைச்சர் அமெரிக்காவிடம் சுட்டிக்காட்டியுள்ளார்.000

Srikanth

Added a news

அடுத்த சில மாதங்களில் இ-பாஸ்போர்ட் முறை அறிமுகப்படுத்தப்படும் - அமைச்சர் திரான் அலஸ் அறிவிப்பு

இலங்கையில் இ-பாஸ்போர்ட் முறையை அடுத்த சில மாதங்களில் அறிமுகப்படுத்த நடவடிக்கை எடுக்கப்படும் என பொது பாதுகாப்பு அமைச்சர் திரான் அலஸ் தெரிவித்துள்ளார்.கொழும்பில் இடம்பெற்ற நிகழ்வொன்றில் வைத்து கருத்து தெரிவிக்கும் போதே அவர் இந்த விடயத்தை கூறியுள்ளார்.அத்துடன் பாதாள உலக மற்றும் குற்றச்செயல்களை தடுப்பதற்கு சாத்தியமான அனைத்து நடவடிக்கைகளும் எடுக்கப்படும் எனவும் அவர் குறிப்பிட்டுள்ளார்000

Srikanth

Added a news

30 வருட யுத்தம் நிறைவுக்கு வந்து இன்றுடன் 15 வருடங்கள் பூர்த்தி

இலங்கையில் 30 வருடங்களுக்கும் மேலாக இடம்பெற்ற பயங்கரவாத யுத்தம் நிறைவுக்கு வந்து இன்றுடன் (18) 15 வருடங்கள் நிறைவடைந்துள்ளன.இதேவேளை, யுத்தத்தில் மரணித்த வீரர்கள் பொதுமக்கள் உள்ளிட்டோரை நினைவுகூரும் வகையில் மரணித்தவர்களுக்காக நாடளாவிய ரீதியில் பல்வேறு நினைவு நிகழ்வுகள் ஏற்பாடு செய்யப்பட்டுள்ளன.இதனிடையே 2009 ஆம் ஆண்டு மே மாதம் இடம்பெற்ற இறுதிக்கட்ட யுத்தத்தில் உயிரிழந்த தமிழ் மக்களின் நினைவாக வருடாந்தம் மே மாதம் 18 ஆம் திகதி முள்ளிவாய்க்காலிலும் நினைவேந்தல் அனுஷ்டிக்கப்பட்டதுஅத்துடன் 15 ஆவது தேசிய படைவீரர் தினத்தை முன்னிட்டு கடற்படையின் சிரேஷ்ட மற்றும் கனிஷ்ட கடற்படை வீரர்கள் 3,146 பேர் அடுத்த தரத்திற்கு பதவி உயர்வு பெற்றுள்ளதுடன், 1,300 இற்கும் மேற்பட்ட இலங்கை இராணுவ வீரர்களுக்கும் பதவி உயர்வு வழங்கப்பட உள்ளது.தேசிய படைவீரர் ஞாபகார்த்த நிகழ்வு நாளை (19) பிற்பகல் பத்தரமுல்லை நாடாளுமன்ற விளையாட்டரங்கில் உள்ள இராணுவ நினைவுத்தூபிக்கு முன்பாக நடைபெற உள்ளது.முன்பதாக 2009 ஆம் ஆண்டு மே 18 ஆம் திகதி நந்திக்கடல் பகுதியில் புலிகளின் தலைவர் பிரபாகரன் கொல்லப்பட்டதாக அறிவிக்கப்பட்டதை அடுத்து நாட்டில் நிலவிய 30 வருட யுத்தம் நிறைவுக்கு கொண்டுவரப்பட்டதாக அப்போதைய அரசாங்கம் பிரகடனப்படுத்தியிருந்தமை குறிப்பிடத்தக்கது.000

GomathiSiva

Added a post

யாராவது இறந்தது போல் கனவு வந்தால் பலிக்குமா?

உங்கள் கனவில் உங்களுக்கு பிடித்தவர்கள் யாராவது இறப்பது போல் வந்தால் அந்த கனவு பலிக்குமா? என்பது குறித்து விவரமாக தெரிந்து கொள்வோம்.கனவு என்பது மிகவும் முக்கியமானது. பலருக்கு இது நிஜ வாழ்க்கையுடன் தொடர்புடையதாக இருக்கும். கனவுகளில் நிறைய விஷயங்கள் வரும். சிலருக்கு கனவுகள் லாஜிக்கே இல்லாமல் வரும்.பகலில் கனவு வரும், இரவிலும் கனவு வரும். அதாவது நாம் தூங்கினாலே கனவு வரும். சும்மா உட்கார்ந்து கண்ணை மூடினாலும் கனவு உலகத்திற்கு சென்றுவிடுவோம். அங்கு பார்ப்பதை மறுநாள் ஞாபகப்படுத்தி சிலர் சொல்வர். சிலருக்கு ஞாபகமே வராது. கனவில் பார்த்த பொருட்களையோ சம்பவங்களையோ ஆட்களையோ நேரில் சந்தித்தால் மட்டும் அவர்களுக்கு நினைவுக்கு வரும். பகல் கனவு பலிக்காது என சொல்வதால், இரவில் வரும் கனவுகளுக்குத்தான் சிலர் ஏடாகூடமாக வந்தால் அச்சப்படுவர்.சிலருக்கு அசரிரி போல் கனவில் வந்து நடப்பதை சொல்வதுண்டு. சிவன்மலை ஆண்டவர் கோயில் உத்தரவுப்பெட்டியில் வைக்கும் ஒவ்வொரு பொருளுக்கும் ஒரு பலன் உள்ளது. பக்தர்கள் கனவில் சிவன்மலை ஆண்டவர் வந்து சொல்வார். அவர் சொன்னதை மறுநாள் கோயிலில் வந்து பக்தர்கள் சொல்வார்கள். அதை சிவன்மலை ஆண்டவர் உத்தரவு பெட்டியில் வைப்பர்.இப்படி கனவுகள் பல விதம் உள்ளது. கனவில் நல்லதும் வரும் கெட்டதும் வரும். கனவில் சொர்க்கத்தில் வசிப்பது போல் இருக்கும். நாம் நீண்ட நாட்களாக ஏங்கிக் கொண்டிருந்த விஷயம் நமக்கு கனவில் கிடைப்பது போல் இருக்கும். அதே வேலை நமக்கு நெருக்கமானவர்களோ இல்லை பிடித்தமானவர்களோ இறப்பது போல் கனவில் வந்துவிட்டால், மறுநாள் துடித்துவிடுவார்கள்.அந்த விஷயத்தை சொல்லவும் முடியாது, சொல்லாமல் மெல்லாவும் முடியாது. பொதுவாக யாராவது இறப்பது போல் கனவில் வந்தால் அது நிச்சயம் நடக்குமா? என்பதை பார்க்கலாம். உயிரோடு இருப்பவர்கள் இறந்து போவது போல் கனவு கண்டால் பயப்படவே தேவையில்லை. நமக்கு பிடித்தவர்கள் இறந்து போவது போல் கனவில் கண்டால் அந்த நபருடைய வாழ்வில் மகிழ்ச்சி உண்டாகும் என்பது அர்த்தம்.அவர்களுக்கு அனைத்து துன்பங்களும் நீங்கி மகிழ்ச்சிகரமான வாழ்க்கையை வாழ்வார்கள். கனவு காண்பவரே இறப்பது போல் கனவு கண்டால் அவர்கள் வாழ்வில் ஏதோ மாற்றம் ஏற்பட போகிறது என்று அர்த்தம். உங்கள் நண்பர்கள் இறப்பது போல் கனவில் வந்தால் நீங்கள் அவர்களை நேசிக்கிறீர்கள் என்று அர்த்தம். கணவன் அல்லது மனைவி இறப்பது போல் கனவு கண்டால் எதிர்பார்த்த குணங்களில் ஏதோ குறை உள்ளது என்று அர்த்தம்.

ஜோதிடம் (Astrology)

Added a post

இன்றைய ராசி பலன் – மே மாதம் 18, 2024

தமிழ் வருடம் ஸ்ரீ குரோதி, வைகாசி மாதம் 5 ஆம் தேதி மேஷம் -ராசி: எதிலும் உற்சாகமாக செயல்படுவீர்கள். குடும்ப நபர்களின் வழியில் ஒத்துழைப்பு கிடைக்கும். அரசு காரியங்கள் சாதகமாக முடியும். சுப நிகழ்ச்சிகளில் கலந்து கொள்வீர்கள். நீண்ட நாள் பிரச்சனைகள் குறையும். வியாபாரத்தில் மேன்மை ஏற்படும். உழைப்புக்கு உண்டான மதிப்பு கிடைக்கும். நன்மை நிறைந்த நாள்.அதிர்ஷ்ட எண் : 9அதிர்ஷ்ட நிறம் : இளஞ்சிவப்புரிஷபம் ராசி: பயணம் சார்ந்த எண்ணங்கள் ஈடேறும். பழைய நினைவுகளால் மகிழ்ச்சி ஏற்படும். பூர்வீக சொத்துக்கள் சார்ந்த விஷயங்களில் விவேகத்துடன் செயல்படவும். தோற்றப் பொலிவு பற்றிய சிந்தனைகள் மேம்படும். கால்நடைகளால் ஆதாயம் உண்டாகும். நுட்பமான விஷயங்களை புரிந்து கொள்வீர்கள். உடல் ஆரோக்கியம் தொடர்பான இன்னல்கள் விலகும். பக்தி நிறைந்த நாள்.அதிர்ஷ்ட எண் : 3அதிர்ஷ்ட நிறம் : வெளிர்மஞ்சள்மிதுனம் -ராசி: கல்வி சார்ந்த செயல்களில் சில மாற்றங்கள் ஏற்படும். கடனை அடைப்பதற்கான வாய்ப்புகள் உண்டாகும். உடன்பிறந்தவர்கள் ஆதரவாக இருப்பார்கள். உயர் அதிகாரிகளிடத்தில் அனுசரித்துச் செல்லவும். புதிய தொழில்நுட்ப கருவிகள் மீதான ஆர்வம் மேம்படும். உழைப்புக்கு உண்டான அங்கீகாரம் கிடைக்கும். வெற்றி நிறைந்த நாள்.அதிர்ஷ்ட எண் : 6அதிர்ஷ்ட நிறம் : ஆரஞ்சுகடகம் -ராசி: சுப நிகழ்ச்சிகளில் கலந்து கொள்வீர்கள். பாகப் பிரிவினைகளில் நல்ல தீர்வு கிடைக்கும். உயர் அதிகாரிகள் ஆதரவாக இருப்பார்கள். வாகன மாற்றம் குறித்த எண்ணம் மேம்படும். வேலையாட்களிடம் இருந்துவந்த கருத்து வேறுபாடுகள் விலகும். உங்கள் கருத்துகளுக்கு உண்டான மதிப்பு கிடைக்கும். மனதில் புதிய தன்னம்பிக்கை உண்டாகும். சுகம் நிறைந்த நாள்.அதிர்ஷ்ட எண் : 2அதிர்ஷ்ட நிறம் : வெண்மை சிம்மம் -ராசி:தம்பதிகளுக்குள் இருந்துவந்த கருத்து வேறுபாடுகள் விலகும். குடும்பத்தில் கலகலப்பான சூழல் உண்டாகும். தடைபட்ட வரவுகள் கிடைக்கும். விலகிச் சென்றவர்கள் விரும்பி வருவார்கள். எதிர்பாராத சுப செய்திகள் கிடைக்கும். வியாபாரத்தில் லாபம் மேம்படும். உத்தியோகத்தில் புதிய வாய்ப்புகள் தேடி வரும். தன்னம்பிக்கை வேண்டிய நாள்.அதிர்ஷ்ட எண் : 3அதிர்ஷ்ட நிறம் : அடர்மஞ்சள் கன்னி -ராசி: செய்யும் பணிகளில் கவனம் வேண்டும். தாழ்வு மனப்பான்மையின்றி செயல்படவும். பலதரப்பட்ட சிந்தனைகளால் குழப்பம் ஏற்படும். தனிப்பட்ட விஷயங்களை பகிர்வதை தவிர்க்கவும். குடும்பத்தில் இருந்துவந்த கருத்து வேறுபாடுகள் விலகும். வியாபார முதலீடுகளில் சிந்தித்துச் செயல்படவும். மறைமுகமான சில விமர்சனங்கள் ஏற்பட்டு நீங்கும். அனுபவம் கிடைக்கும் நாள்.அதிர்ஷ்ட எண் : 1அதிர்ஷ்ட நிறம் : சந்தனம் துலாம் -ராசி: எதிர்காலம் பற்றிய சிந்தனைகள் அதிகரிக்கும். குழந்தைகளின் செயல்பாடுகளில் கவனம் வேண்டும். வாகன பயணங்களில் கவனம் வேண்டும். உடலில் ஒருவிதமான அசதிகள் ஏற்பட்டு நீங்கும். சக ஊழியர்களிடத்தில் விட்டுக் கொடுத்துச் செல்லவும். வியாபார போட்டிகளை வெற்றி கொள்வீர்கள். பாராட்டு நிறைந்த நாள்.அதிர்ஷ்ட எண் : 5அதிர்ஷ்ட நிறம் : சாம்பல்விருச்சிகம்- ராசி: திட்டமிட்ட பணிகள் நிறைவேறும். பெற்றோர்களின் தேவைகளை நிறைவேற்றுவீர்கள். கடன் பிரச்சனைகள் குறையும். வியாபாரத்தில் முன்னேற்றம் ஏற்படும். புதிய நபர்களால் ஆதாயம் அடைவீர்கள். சக ஊழியர்கள் ஒத்துழைப்பாக இருப்பார்கள். வெளி வட்டாரத்தில் மதிப்பு உயரும். குழப்பம் நிறைந்த நாள்.அதிர்ஷ்ட எண் : 2அதிர்ஷ்ட நிறம் : பச்சை தனுசு -ராசி: உணர்ச்சி வேகமின்றி பொறுமையுடன் செயல்படவும். உறவுகளிடம் அனுசரித்து நடந்து கொள்ளவும். திடீர் முடிவுகளை எடுப்பீர்கள். வியாபாரம் குறித்த சிந்தனைகள் அதிகரிக்கும். அலுவலகத்தில் சாதகமான சூழல் அமையும். செய்யும் முயற்சிகளில் இருந்துவந்த தாமதங்கள் விலகும். ஓய்வு வேண்டிய நாள்.அதிர்ஷ்ட எண் : 6அதிர்ஷ்ட நிறம் : நீலம் மகரம் -ராசி:தம்பதிகளுக்குள் இருந்துவந்த கருத்து வேறுபாடுகள் விலகும். நினைத்த பணிகளை செய்து முடிப்பீர்கள். உடனிருப்பவர்களின் சுய ரூபங்கள் வெளிப்படும். வரவு செலவு விஷயங்களில் கவனமாக இருக்கவும். சுப காரியங்களை முன்னின்று நடத்துவீர்கள். தவறிய சில வாய்ப்புகள் மீண்டும் கிடைக்கும். அமைதி நிறைந்த நாள்.அதிர்ஷ்ட எண் : 9அதிர்ஷ்ட நிறம் : நீலம்கும்பம் –ராசி:விவாதங்களை தவிர்ப்பது நல்லது. குடும்பத்தில் அனுசரித்துச் செல்லவும். சில விஷயங்களில் அனுபவ அறிவை பயன்படுத்துவது விரயங்களை தவிர்க்கும். வியாபாரத்தில் அலைச்சல்கள் அதிகரிக்கும். உயர் அதிகாரிகள் ஆதரவாக இருப்பார்கள். எதிலும் விழிப்புணர்வுடன் செயல்பட வேண்டும். விவேகம் வேண்டிய நாள். அதிர்ஷ்ட எண் : 3அதிர்ஷ்ட நிறம் : பொன்னிறம்மீனம் -ராசி: உடனிருப்பவர்களின் ஒத்துழைப்பு கிடைக்கும். சவாலான பணிகளையும் சாமர்த்தியமாக செய்து முடிப்பீர்கள். துணைவர் வழியில் ஆதாயம் அடைவீர்கள். சுபகாரிய பேச்சு வார்த்தைகள் கைகூடும். வியாபாரத்தில் புதிய நபர்களின் அறிமுகம் கிடைக்கும். உத்தியோகத்தில் புதிய பொறுப்புகள் கிடைக்கும். அன்பு நிறைந்த நாள்.அதிர்ஷ்ட எண் : 1அதிர்ஷ்ட நிறம் : மஞ்சள் இன்றைய நாள் இனிய நாளாக அமைந்திட வாழ்த்துகள்.

ஜோதிடம் (Astrology)

Added a post

இன்றைய நாள் எப்படி?

ஸ்ரீ குரோதி வருடம் வைகாசி மாதம் 5 ஆம் தேதி சனிக்கிழமை 18.5.2024.சந்திர பகவான் இன்று கன்னி ராசியில் பயணம் செய்கிறார்.இன்று பிற்பகல் 12.53 வரை தசமி. பின்னர் ஏகாதசி. இன்று முழுவதும் உத்திரம். உத்திராடம் திருவோணம் நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம்.‍https://tamilpoonga.com/s/bx_posts_photos/e73v5qulhbnafbgexmaa9nkquzbgqdc8.jpg‍

Srikanth

Added a news

இலங்கை - மியன்மார் இடையிலான பொருளாதார உறவுகளை மேலும் மேம்படுத்த எதிர்பார்ப்பு - பிரதமர் தினேஷ்

இலங்கை மற்றும் மியன்மாருக்கு இடையிலான பொருளாதார உறவுகளை மேலும் மேம்படுத்த எதிர்பார்ப்பதாக பிரதமர் தினேஷ் குணவர்தன தெரிவித்துள்ளார்.இலங்கைக்கான பதில் மியன்மார் தூதுவருடனான சந்திப்பின் போது, பிரதமர் இதனைக் கூறியுள்ளார்.இலங்கை மற்றும் மியன்மாருக்கிடையேயான இராஜதந்திர உறவு ஆரம்பிக்கப்பட்டு 75 வருடங்கள் பூர்த்தியாகின்றன.இதனை முன்னிட்டு மியன்மார் யென்குன் நகரில் இடம்பெறவுள்ள வர்த்தக கண்காட்சியில் இலங்கை பிரதிநிதிகளும் கலந்துக் கொள்ளவுள்ளதாக பிரதமர் தெரிவித்துள்ளமை குறிப்பிடத்தக்கது.000

Srikanth

Added a news

மகேந்திர சிங் தோனி இன்னும் இரண்டு வருடங்கள் வரை விளையாடுவார் - நம்பிக்கை தமக்குள்ளதாக மைக்கேல் ஹஸ்ஸி தெரிவிப்பு

சென்னை சுப்பர் கிங்ஸ் அணியின் முன்னாள் தலைவரான மகேந்திர சிங் தோனி இன்னும் இரண்டு வருடங்கள் வரை இந்தியன் ப்ரீமியர் லீக் தொடரில் விளையாடுவார் என்ற நம்பிக்கை தமக்குள்ளதாக அந்த அணியின் துடுப்பாட்ட பயிற்றுவிப்பாளர் மைக்கேல் ஹஸ்ஸி தெரிவித்துள்ளார்.மகேந்திர சிங் தோனி நடைபெற்று வரும் ஐ.பி.எல் தொடருடன் ஓய்வை அறிவிப்பாரா? என மைக்கேல் ஹஸ்ஸியிடம் செய்தியாளர்கள் வினவியுள்ளனர்.இதற்கு பதிலளித்த மைக்கேல் ஹஸ்ஸி, அவ்வாறான எண்ணம் தமக்கு இல்லை எனவும், குறைந்தது 2 வருடங்களாவது தோனி ஐ.பி.எல் தொடரில் தொடர்வார் என்ற நம்பிக்கை உள்ளதாகவும் குறிப்பிட்டுள்ளார்.அவருக்கு முழங்காலில் மேற்கொள்ளப்பட்டுள்ள அறுவை சிகிச்சை காரணமாகவே தோனி பின்வரிசை துடுப்பாட்ட வீரராக களமிறங்குகின்றார் எனவும் சென்னை சுப்பர் கிங்ஸ் அணியின் துடுப்பாட்ட பயிற்றுவிப்பாளர் மைக்கேல் ஹஸ்ஸி தெரிவித்துள்ளார்.000

Srikanth

Added a news

மாகாண சபை மற்றும் உள்ளூராட்சி சபை தேர்தல்களை நடத்தவும் - பிரதமரிடம் ஆணைக்குழு அதிகாரிகள் பரிந்துரை

பல வருடங்களாக நடத்தப்படாமல் உள்ள உள்ளூராட்சி சபைத் தேர்தல்களை நடத்த வேண்டுமென இலங்கைத் தேர்தல்கள் ஆணைக்குழு பிரதமர் தினேஸ் குணவர்த்தனவிடம் வலியுறுத்தியுள்ளது.குறித்த தேர்தல் பல ஆண்டுகளுக்கும் மேலாக நடத்தப்படாமல் இருப்பதால் ஒவ்வொரு மாவட்டங்களிலும் உள்ளூராட்சி பல்வேறு பிரச்சினைகள் ஏற்பட்டுள்ளது எனவும் மட்டங்களில் ஆணைக்கு சுட்டிக்காட்டியுள்ளது.முன்பதாக பிரதமர் தினேஸ் குணவர்த்தன தேர்தல்கள் ஆணைக்குழு அதிகாரிகளை சில நாட்களுக்கு முன்னர் சந்தித்து உரையாடியிருந்தார். இதன்போதே அதிகாரிகள் இந்த நிலைமையை எடுத்துக் கூறியிருந்தனர்.இதன்போது மாகாண சபைத் தேர்தலுக்கு இடையூறாக உள்ள தடைகள் தொடர்பாகவும் கலந்துரையாடப்பட்டது.அத்துடன் மாகாணசபைத் தேர்தலை நடத்துவதற்கான யோசனைகளையும் தேர்தல்கள் ஆணைக்குழு அதிகாரிகள் பிரதமரிடம் முன்வைத்தனர்.குறிப்பாக 2017 ஆம் ஆண்டில் இருந்து மாகாண சபைத் தேர்தல்கள் நடத்தப்படவில்லை. ஆகவே ஜனநாயகக் கொள்கைகளை நிலைநிறுத்துவதற்கும், வலுவான உள்ளூர் நிர்வாகத்தை உறுதி செய்வதற்கும் உள்ளூராட்சித் தேர்தல்கள் அவசியமானதென ஆணைக்குழு அதிகாரிகள் மேலும் சுட்டிக்காட்டியுள்ளமை குறிப்பிடத்தக்கது000

Srikanth

Added a news

போர் என்பது வெற்றியல்ல – அது மனித குலத்தினது தோல்வியாகும் - முன்னாள் ஜனாதிபதி சந்திரிக்கா பண்டாரநாயக்க சுட்டிக்காட்டு

போர் என்பது வெற்றியல்ல அது நாட்டினதும் அல்லது மனித குலத்தினதும் தோல்வியாகும் என முன்னாள் ஜனாதிபதி சந்திரிக்கா பண்டாரநாயக்க குமாரதுங்க தெரிவித்துள்ளார்.30 வருட கால யுத்தம் இழப்புக்களை மாத்திரமே மிகுதியாக்கியுள்ளதுடன், வெறுப்புக்கு பதிலாக அன்பை வெளிப்படுத்துவோம் எனவும் நாட்டு மக்களிடம் வலியுறுத்தியுள்ளார்.30 வருடகால யுத்தம் முடிவடைந்து இன்றுடன் (18) 15 ஆண்டுகள் பூர்த்தியாகின்ற நிலையில், விசேட ஊடக அறிக்கையை வெளிட்டு மேற்கண்டவாறு குறிப்பிட்டுள்ளார். அந்த அறிக்கையில் மேலும் தெரிவித்துள்ளதாவதுபோர் என்பது வெற்றியல்ல, அது நாடு அல்லது மனித குலத்துக்கு பாரிய தோல்வியாகும். 30 வருட கால இனபோராட்டம் காரணமாக நாடு பலவற்றை இழந்தது.வடக்கு மற்றும் கிழக்கு மாகாணங்களில் தாய்மார் தங்களின் பிள்ளைகளை இழந்தனர்.அதேபோல் பிள்ளைகள் தமது பெற்றோரை இழந்தனர்சிங்களவர்கள், தமிழர்கள், முஸ்லிம்கள் என இன அடிப்படையில் நாம் பிளவடைந்துள்ளோம். இந்த யுத்தத்தின் காரணமாக நான் எனது கண்ணை இழந்தேன்.மேலும் பல இழப்புக்களை எதிர்க்கொண்டேன்.இறுதி யுத்தத்தின் முடிவை நினைவு கூறும் இன்றைய தினத்தில் வெறுப்புக்கு பதிலாக அன்பை பகிர்வோம். பழிவாங்குவதற்கு பதிலாக மன்னிக்கவும்,மனங்களில் பிசாசுகளுக்கு பதிலாக கடவுளை நிலைப்படுத்தவும் ஒருவருக்கொருவர் ஆறுதலை பரிமாற்றிக் கொள்ளவும் இன்றை தினத்தில் உறுதியளிப்போம் என்றும் தெரிவித்துள்ளமை குறிப்பிடத்தக்கது000

Srikanth

Added a news

இருபதுக்கு 20 உலகக் கோப்பை கிரிக்கெட் - வெளியானது பயிற்சிப் போட்டிக்கான அட்டவணை

2024 ஆம் ஆண்டு ஜூன் மாதம் தொடங்கவுள்ள இருபதுக்கு 20 உலகக் கோப்பை கிரிக்கெட் போட்டிக்கான பயிற்சி அட்டவணையை சர்வதேச கிரிக்கெட் கவுன்சில் வெளியிட்டுள்ளது.அதன்படி போட்டிக்கு முன்னதாக இலங்கை அணி இரண்டு பயிற்சி போட்டிகளில் பங்கேற்கவுள்ளதுடன், நெதர்லாந்து மற்றும் அயர்லாந்து அணிகளுடன் மோதவுள்ளது.இந்த பயிற்சி போட்டிகள் மே 27 முதல் ஜூன் 1 வரை நடத்த திட்டமிடப்பட்டுள்ளதுடன், இலங்கை தனது முதல் பயிற்சி போட்டி மே 28 அன்று நெதர்லாந்து அணியுடன் விளையாட உள்ளது.அந்த பயிற்சி போட்டிற்கு பிறகு இலங்கை வீரர்கள் அயர்லாந்து அணிக்கு எதிரான இரண்டாவது பயிற்சி போட்டியில் விளையாட உள்ளனர், அந்த போட்டி மே 30ம் தேதி நடைபெற உள்ளது.மேலும் அமெரிக்கா மற்றும் கனடா அணிகள் முதல் போட்டியை ஜூன் 02ஆம் திகதி விளையாடவுள்ளதுடன், இலங்கை பங்கேற்கும் முதலாவது போட்டி தென்னாபிரிக்காவுடன் ஜூன் 03ஆம் திகதி நியூயோர்க்கில் நடைபெறவுள்ளமை குறிப்பிடத்தக்கது000

Srikanth

Added a news

இரண்டாவது கடன் தவணையைப் பெற்றுக்கொள்ள இலங்கை இரண்டு விடயங்களை பூர்த்தி செய்யவேண்டும் – IMF இன் தகவல் தொடர்பாடல் பணிப்பாளர்

சர்வதேச நாணய நிதியத்தின் இரண்டாவது கடன் தவணையைப் பெற்றுக்கொள்வதற்கு அரசாங்கம் இரண்டு விடயங்களை பூர்த்தி செய்யவேண்டுமென சர்வதேச நாணய நிதியத்தின் தகவல் தொடர்பாடல் பணிப்பாளர் ஜூலி கோசாக் தெரிவித்துள்ளார்.வொசிங்டனில் நேற்று நடைபெற்ற ஊடக சந்திப்பில் அவர் இதனை தெரிவித்துள்ளார்.சர்வதேச நாணய நிதியத்தின் நிர்வாகக் குழுவின் மதிப்பாய்வை நிறைவு செய்வதற்கு இரண்டு விடயங்கள் அவசியம்.அரசாங்கத்தினால் ஒப்புக்கொள்ளப்பட்ட முன் நடவடிக்கைகளை செயற்படுத்தல். இரண்டாவது நிதி உத்தரவாதங்களின் மதிப்பாய்வை நிறைவு செய்தல் என்பதாகும்.இலங்கையின் தற்போதைய பொருளாதாரக் கொள்கைகள் பாராட்டத்தக்கன. விரைவான பணவீக்க வீழ்ச்சி மற்றும் நிலையான பொருளாதார வளர்ச்சி ஆகியவற்றை முன்னிலைப்படுத்தி இதனை அவதானித்துள்ளோம்.இலங்கையின் பொருளாதாரக் கொள்கைகள் பலனளிக்கத் தொடங்கியுள்ளன. அத்துடன் அரசாங்கத்தின் நிதி அமைப்பில் ஸ்திரத்தன்மையையும் பாதுகாக்கிறது.ஒட்டுமொத்த நிரல் செயல்திறன் வலுவாக உள்ளது. நான்காண்டு கால திட்டத்தில் ஜ.எம்.எப் அதிகாரிகளுக்கும் இலங்கை அதிகாரிகளும் இடையிலான பொருளாதாரக் கொள்கைகள் பணியாளர் அளவிலான மட்டத்தில் உடன்பாட்டை எட்டியுள்ளனர்.இந்த உடன்படிக்கைகள் நிறைவடைந்தால் இலங்கைக்கு சுமார் 337 மில்லியன் அமெரிக்க டாலர்கள் நிதியுதவி கிடைக்கும்.கடன் மறுசீரமைப்பைப் பொறுத்தமட்டில், வெளிநாட்டு தனியார் கடனாளிகளுடன் இடம்பெற்ற பேச்சுவார்த்தைகள் நிறைவடைந்துள்ளன.இலங்கையின் உத்தியோகபூர்வ கடனாளிகளுடன் கொள்கையளவில் ஒப்பந்தங்களை நடைமுறைப்படுகின்றது. உள்நாட்டு கடன் நடவடிக்கைகள் பெரும்பாலும் நிறைவு செய்யப்பட்டுள்ளன.வெளிநாட்டுப் பத்திரதாரர்களுடனான ஆரம்ப கடன் மறுசீரமைப்பு பேச்சுவார்த்தைகள் ஒப்பந்தம் ஏதுமின்றி ஏப்ரல் நடுப்பகுதியில் நிறைவடைந்துள்ளன.மேலும் கொள்கைகள் மற்றும் உத்தியோகபூர்வ கடன் வழங்குனர் தரப்பில் இந்த ஒப்பந்தங்கள் இன்னும் இறுதி செய்யப்படவில்லை.தொடர்ந்து விவாதங்கள் இடம்பெற்று வருகின்றன” என சர்வதேச நாணய நிதியத்தின் தகவல் தொடர்பாடல் பணிப்பாளர் ஜூலி கோசாக் மேலும் தெரிவித்துள்ளமை குறிப்பிடத்தக்கது.000

Srikanth

Added a news

வடக்கின் அபிவிருத்திக்கு ஒத்துழைப்பு வழங்க தயார் - வடக்கு ஆளுநரிடம் அமெரிக்க தூதுவர் உறுதி

வடக்கு மாகாண அபிவிருத்திக்கு தேவையான ஒத்துழைப்புகளை வழங்கத் தயாரென வட மாகாண ஆளுநர் திருமதி பி.எஸ்.எம்.சார்ள்ஸிடம் இலங்கைக்கான அமெரிக்கத் தூதுவர் ஜூலி சங் நேற்று உறுதியளித்துள்ளார்.இலங்கைக்கான அமெரிக்கத் தூதுவர் ஜூலி சங், வட மாகாண ஆளுநர் திருமதி பி.எஸ்.எம். சார்ள்ஸை யாழ். நகரில் நேற்று வெள்ளிக்கிழமை (17) சந்தித்து பேச்சு நடத்தியுள்ளார்.வடமாகாண ஆளுநர் அலுவலகத்தில் இந்த சந்திப்பு நடைபெற்றது.வடக்கு மாகாண அபிவிருத்தி செயற்பாடுகள், கல்வி, சுற்றுலாத்துறை, காணி விடுவிப்பு, தீவுகளுக்கான போக்குவரத்து வசதிகள், தொழில் வாய்ப்புகள், முதலீட்டு நடவடிக்கைகள் உள்ளிட்ட பல விடயங்கள் தொடர்பில் இதன்போது கலந்துரையாடப்பட்டன.கால்நடை உற்பத்திகளை மேம்படுத்த வேண்டியுள்ளதாகவும், இயந்திர தொழில்நுட்ப பயன்பாட்டை மக்கள் மயப்படுத்த வேண்டும் எனவும் இதன்போது ஆளுநர் தெரிவித்தார்.காணி விடுவிப்பு, விடுவிக்கப்பட்டுள்ள காணிகளுக்குள் மக்கள் பிரவேசிப்பதற்கான வசதிகள் தொடர்பிலும் அமெரிக்கத் தூதுவர், ஆளுநரிடம் கேட்டறிந்து கொண்டார்.ஜனாதிபதியின் வழிகாட்டுதல்களுக்கமைய காணி விடுவிப்பு நடவடிக்கைகள் முன்னெடுக்கப்பட்டு வருவதாக ஆளுநர் தெரிவித்தார். அத்துடன் அண்மையில் விடுவிக்கப்பட்ட காணிகளுக்குள் பிரவேசிப்பதற்கான வீதிகள் உரிய நடைமுறைகளை பின்பற்றி திறக்கப்படுவதாகவும் ஆளுநர் கூறினார்.வடக்கில் காணப்படும் உற்பத்திகளுக்கான சந்தை வாய்ப்புகளை பெற்றுக்கொடுக்கக்கூடிய கண்காட்சி செயற்பாடுகளுக்கு ஒத்துழைப்பு வழங்குமாறும் இலங்கைக்கான அமெரிக்கத் தூதுவரிடம் ஆளுநர் கேட்டுக்கொண்டார்.வடக்குக்கு தேவையான ஒத்துழைப்புகளை வழங்க தயாராக உள்ளதாக தெரிவித்த இலங்கைக்கான அமெரிக்கத் தூதுவர், மாணவர்களுக்கு இலவச ஆங்கிலமொழி வகுப்புகளை ஆரம்பிக்க உள்ளதாகவும், அதற்கான ஒத்துழைப்புகளை ஆளுநரிடமிருந்து எதிர்பார்ப்பதாகவும் தெரிவித்தார்.27 வருடங்களின் பின்னர் அமெரிக்க அமைதி காக்கும் கழகத்தின் ஊடாக இலங்கையில் இலவச ஆங்கிலமொழி வகுப்புகள் ஆரம்பிக்கப்பட்டுள்ளதாகவும் அமெரிக்கத் தூதுவர் கூறியுள்ளமை குறிப்பிடத்தக்கது000

GomathiSiva

Good Morning...

TamilPoonga

இவங்களும் குடிக்கிறாங்க குடித்துவிட்டு மக்களை கைது செய்கிறார்கள் புரியல?

GomathiSiva

Added a news

சாலையோரம் நின்ற கார் மீது கவிழ்ந்த லாரி

கொடைக்கானலில் காய்கறி ஏற்றி வந்த லாரி, கார் மீது கவிழ்ந்து விபத்திற்குள்ளானதில், கார் அப்பளம் போல் நொறுங்கிய சம்பவத்தால் பரபரப்பு ஏற்பட்டது.தமிழ்நாடு மட்டுமன்றி தென்னிந்திய மாநிலங்களில் கடந்த ஒரு வாரத்துக்கு முன்பு வரை கடுமையான வெயில் சுட்டெரித்தது. இதனால் ஏராளமான சுற்றுலா பயணிகள் மலைப்பிரதேசங்களை நோக்கி பயணிக்க ஆர்வம் காட்டினர். கடந்த ஒரு வார காலமாக பரவலாக மழை பெய்து வந்த போதும், மலைப்பிரதேசங்களுக்கு செல்வதற்காக முடிவெடுத்திருந்த சுற்றுலா பயணிகள் வழக்கம் போல் பயணம் செய்து வருகின்றனர்.இதன் ஒரு பகுதியாக திண்டுக்கல் மாவட்டம் கொடைக்கானலுக்கு ஆயிரக்கணக்கான சுற்றுலா பயணிகள் வருகை தருகின்றனர். இ-பாஸ் நடைமுறை இருப்பதால் மலை அடிவாரத்தில் இவர்கள் பதிவு செய்து கொண்டு கொடைக்கானல் மலைப்பகுதிகளை சுற்றி பார்க்கின்றனர். கொடைக்கானலில் இன்று 61வது மலர் கண்காட்சி துவங்கி உள்ளதை அடுத்து, வரவிருக்கும் 10 நாட்கள் சுற்றுலா பயணிகளின் வரத்து அதிகரிக்கும் என எதிர்பார்க்கப்படுகிறது.இந்த நிலையில் கர்நாடக மாநிலத்தில் இருந்து சுற்றுலா பயணிகள் 5 பேர் கொடைக்கானலுக்கு வருகை தந்தனர். இவர்கள் பல்வேறு இடங்களையும் சுற்றி பார்த்த பின்னர், பண்ணைக்காடு பிரிவு பகுதியில் சாலை ஓரத்தில் தங்களது காரை நிறுத்திவிட்டு அருகில் இருந்த கடைக்கு சென்று இருந்தனர். அப்போது மேல்மலை கிராமத்திலிருந்து வத்தலகுண்டு நோக்கி காய்கறி ஏற்றி வந்த சரக்கு லாரி ஒன்று வந்து கொண்டிருந்தது. வளைவில் திரும்பும் போது, எதிர்பாராத விதமாக சரக்கு லாரி, ஓட்டுநரின் கட்டுப்பாட்டை இழந்து சாலையோரம் எதிர் புறமாக கவிழ்ந்தது.அப்போது அங்கு நின்ற காரின் மீது லாரி விழுந்ததில் கார் அப்பளம் போல் நொறுங்கியது. நல்வாய்ப்பாக காரில் யாரும் இல்லாததால் பெரும் உயிர்ச் சேதம் தவிர்க்கப்பட்டது. லாரி கவிழ்ந்து விழுந்த விபத்து காரணமாக அந்த பகுதியில் கடுமையான போக்குவரத்து நெரிசல் ஏற்பட்டது. சம்பவ இடத்திற்கு வந்த போலீஸார், லாரியை அப்புறப்படுத்தி போக்குவரத்தை சீர் செய்யும் பணியில் ஈடுபட்டனர்.

GomathiSiva

Added article

மோடி குறித்து பெருமையாக பதிவு செய்த ராஷ்மிகா மந்தனா

நடிகை ராஷ்மிகா தனது சமூக வலைதளத்தில் ’மும்பை - நவி மும்பை நகரங்களை இணைக்கும் வகையில் நாட்டிலேயே மிக நீளமான கடல்வழி பாலமாக அமைக்கப்பட்டுள்ள குறித்து கூறிய ராஷ்மிகா, அடல்சேது என்ற பாலம் காரணமாக பயண நேரம் குறைந்துள்ளது என்றும், இது சாத்தியம் என நாம் யாராவது நினைத்துப் பார்த்திருப்போமா? கடந்த 10 ஆண்டுகளில் நாடு வளர்ச்சி கண்டுள்ளதாகவும், உள்கட்டமைப்பு சார்ந்த திட்டமிடல் அபாரமாக உள்ளதாக கூறிய ராஷ்மிகா, இளம் தலைமுறையை கொண்டுள்ள இந்தியா வேகமாக வளர்ந்து வருகிறது. இந்தியா ஸ்மார்ட்டான நாடு, இளைஞர்கள் அதிகம் இருக்கும் நாடு, இப்போது அவர்களுக்கு அந்த பொறுப்பு உள்ளது,, அவர்கள் சரியான திசையில் பயணிக்கிறார்கள் என்று கூறியிருந்தார்.பிரதமர் மோடி குறித்து நடிகை ராஷ்மிகா மந்தனா சமீபத்தில் தனது சமூக வலைதளத்தில் பெருமையாக கூறிய நிலையில் அதற்கு பிரதமர் மோடி தனது எக்ஸ் தளத்தில் நெகிழ்ச்சியான பதில் அளித்துள்ளார். நடிகை ராஷ்மிகா மந்தனாவின் பதிவுக்கு ’மக்களுடன் இணைந்து இருப்பதும் அவர்களின் வாழ்வை முன்னேற்றுவதை விடவும் முற்றிலும் மன நிறைவான விஷயம் வேறென்றும் இல்லை’ என்று பிரதமர் மோடி குறிப்பிட்டுள்ளார். நடிகை ராஷ்மிகாவுக்கு பிரதமர் மோடி அளித்துள்ள இந்த பதில் பதிவு தற்போது இணையத்தில் வைரல் ஆகி வருகிறது.

GomathiSiva

Added a news

கெஜ்ரிவால் ஜாமினில் தான் உள்ளார். ஜூன் 1க்கு பிறகு மீண்டும் சிறை செல்வார்: ராஜ்நாத் சிங்

டெல்லி முதல்வர் அரவிந்த் கெஜ்ரிவால் ஜாமினில் தான் உள்ளார் என்றும் ஜூன் ஒன்றாம் தேதிக்கு பிறகு அவர் மீண்டும் சிறை சென்று விடுவார் என்றும் மத்திய பாதுகாப்பு துறை அமைச்சர் ராஜநாத்சிங் தேர்தல் பிரச்சாரத்தில் பேசியுள்ளார்.2024 தேர்தல் பிறகு மோடி பிரதமராக மாட்டார் என்று டெல்லி முதல்வர் கூறியது தனக்கு ஆச்சரியமாக இருக்கிறது என்று கூறிய ராஜநாத் சிங் அவரே ஜாமினில் தான் வெளியே வந்துள்ளார், ஜூன் 1ஆம் தேதி அவர் மீண்டும் சிறை செல்ல வேண்டும் என்பதை மறந்துவிட்டார் என்று கூறினார். மேலும் 2024 மட்டுமல்ல 2029 ஆம் ஆண்டிலும் மோடி தான் பிரதமர் ஆக வேண்டும் என்று நாடு முழுவதும் உள்ள மக்கள் விரும்புகிறார்கள் என்றும் மோடி பிரதமராக மாட்டார், யோகி முதல்வராக மாட்டார் என்று கெஜ்ரிவால் முட்டாள்தனமாக பேசியுள்ளார் என்றும் அவர் மட்டுமே இருப்பார் வேறு யாரும் இருக்க மாட்டார்கள் என்ற நினைப்பில் அவர் பேசிக் கொண்டிருப்பது துரதிஷ்டமானது என்றும் அவர் தெரிவித்துள்ளார். கடந்த 10 ஆண்டுகளில் பிரதமர் மோடி அரசியல் அமைப்பில் எந்த மாற்றமும் செய்யவில்லை என்றும் இந்திராகாந்தி பிரதமராக இருந்த காலத்தில் தான் ஜனநாயகத்தின் கழுத்து நெறிக்கப்பட்டது என்றும் அவர் கூறினார்.