கிளிநொச்சி மாவட்ட பொது வைத்தியசாலை வளாகத்தில் இராணுவத்தினரால் உணவகம் எதுவும் அமைக்கப்படமாட்டாது என மாவட்ட பொது வைத்தியசாலையின் பதில் வைத்திய அதிகாரி தெரிவித்துள்ளார்

கிளிநொச்சி மாவட்ட பொது வைத்திய சாலையில் பணியாற்றும் வெளியிடங்களைச் சேர்ந்த வைத்தியர்கள் தாதியாார்களுக்கு சிறந்த உணவு வழங்கும் வகையில் இராணுவத்தினர் நடாத்தும் உணவுச்சாலை ஒன்றை அமைப்பதற்கான நடவடிக்கைகள் முன்னெடுக்கப்ட்டு வருவதாக பல்வேறு தரப்புக்களாலும் தெரிவிக்கப்பட்டுள்ளது.அதாவது அண்மையில் மத்திய சுகாதார சேவைகள் பணிப்பாளர் நாயகம் வைத்திய கலாநிதி அசேல குணரத்ன அவர்களின் வடக்கு விஜயத்தின் போது அவரது விஜயத்தின் ஒரு பகுதியாக கிளிநொச்சி மாவட்ட பொது வைத்தியசாலைக்கும் தனது கண்காணிப்பு விஜயத்தை மேற் கொண்டிருந்தார்.இதன் போது அங்கு பணிபுரியும் பெரும்பான்மையின வைத்தியர்கள் தமக்கு தரமான உணவு கிடைப்பதில்லை என முறையிட்டதாவும் இதனையடுத்து வைத்தியசாலை வளாகத்தில் இராணுவ நலன்புரி உணவு நிலையமொன்றை நிறுவுவதற்கு நடவடிக்கைகள் எடுக்கப்படுவருவதாக பலரலும் குற்றச் சாட்டுக்கள் முன் வைக்கப்பட்டுள்ளன.கிளிநொச்சி மாவட்ட பொது வைத்தியசாலையில் ஏற்கனவே நோயாளர் நலன்புரிச் சங்கத்தின் சிற்றுண்டிச்சாலையும் விவசாயத் திணைக்களத்தின் அம்மாச்சி உணவகமும் இயங்கி வருகிறன இதற்கும் மேலாக ஏன் இரானுவத்தினரின் உணவகம் என்ற கேள்வி எழுப்பட்டுள்ளது.குறித்த வைத்தியசாலை வளாகத்தில் உணவகத்தை அமைப்பதற்கான அனுமதிகளை சுகாதாரத் துறையின் உயரதிகாரிகள் இரானுவத்தினருக்கு வழங்கி இருப்பதாக தகவல்கள் தெரிவிக்கின்றன.இது தொடர்பில் வைத்தியசாலை பதில் பணிப்பாாளர் அவர்களை தொடர்பு கொண்டு கேட்டபோது மேற்படி வைத்தியசாலையில் கடமையாற்றுகின்ற வைத்தியர்கள் தங்களுக்கு உணவு பிரச்சனை இருப்பதாக வைத்திய சாலைக்கு மத்திய சுகாதார சேவைகள் பணிப்பாளர் நாயகம் விஜயம் செய்த போது குறிப்பிட்டிருந்தனர்.                                          அதற்கு உதவ முடியுமா? என்று பணிப்பாளர் நாயகத்தினால் இரானுவ அதிகாரியிடம் கேட்டுக் கொள்ளப்பட்டதே தவிர  வைத்திய சாலை வளாகத்தில்   இராணுவத்தினரால் உணவகம் எதுவும் அமைக்கப்படமாட்டாது என மாவட்ட பொது வைத்தியசாலையின் பதில்  வைத்திய அதிகாரி தெரிவித்துள்ளார்.