கிளிநொச்சி திருவையாறு 2ஆம் பகுதியில் உள்ள ஓர் வீட்டிற்குள் புகுந்த கொள்ளையர்கள் தனிமையில் இருந்த முதியவர்களான கணவன் மனைவியை இருவரையும் தாக்கி கொள்ளை

கிளிநொச்சி திருவையாறு 2ஆம் பகுதியில் உள்ள ஓர் வீட்டிற்குள் புகுந்த கொள்ளையர்கள் 17 பவுண் தங்க நகைகளும் 2லட்சம் ரூபா பணமும்,மோட்டார் சைக்கிள் ஒன்றும் கொள்ளையடிக்கப்பட்டுள்ளது.திருவையாறு 2ஆம் பகுதியில் உள்ள கணபதிப்பிள்ளை சுப்பிரமணியம் என்பவரது வீட்டிற்கு நுழைந்த திருடர்கள் வீட்டில் தனிமையில் இருந்த முதியவர்களான கணவன் மனைவியை இருவரையும் தாக்கிய கொள்ளையர்கள் கை, கால் என்பவற்றைக் கட்டி விட்டு பணம் நகை எங்கே உள்ளது என வினாவியுள்ளனர். அதன்போது மனைவி கழுத்தில் அணிந்திருந்த சங்கிலியையும் கையில் இருந்த காப்பையும் கழட்டி கொடுத்தபோது தாலிக்கொடி எங்கே எனக் கேட்டு மீண்டும் இருவரையும் தாக்கியுள்ளனர்.இவ்வாறு கொள்ளையிட்டவர்கள் தப்பிச் சென்ற சமயம் கைத்தொலைபேசிகளையும் எடுத்துக்கொண்டு வீட்டு உரிமையாளரின் மோட்டார் சைக்கிளில் தப்பிச் சென்றுள்ளனர்.இதேநேரம் வீட்டு உரிமையாளர் மீது மேற்கொண்ட தாக்குதலில் படுகாயமடைந்த நிலையில் கிளிநொச்சி மாவட்ட வைத்தியசாலையில் அனுமதிக்கப்பட்டுள்ளார். சம்பவ இடத்திற்கு தடவியல் பொலிசாரும் வந்து விசாரணைகளை மேற்கொண்டுள்ளனர்.குறித்த  சம்பவம் தொடர்பாக கிளிநொச்சி பொலிசார் விசாரணைகளை மேற்கொண்டு வருகின்றனர்.