தொழில் இல்லாத நிலையில் உணவிற்கே கஸ்ரம் மின்சாரம், குடிநீர், வீட்டு வசதியின்மை அதோடு கரடி, காட்டு யானைகளின் தொல்லையில் வாழ்ந்து வருவதாக இராமநாதபுரம் மாவடியம்மன் குடும்பங்கள் தெரிவித்துள்ளனர்

கிளிநொச்சி  இராமநாதபுரம் பிரதேசத்திற்குட்பட்ட மாவடியம்மன் புதிய குடியிருப்பில் வாழ்ந்து வரும் 38 வரையான  குடும்பங்கள் தொழில் வாய்க்கள் எதுவும் இல்லாத நிலையில் அன்றாட உணவிற்கே கஸ்ரப்படும் அதே நேரம்  குடிநீர் வசதியின்மை நிரந்தர வீட்டு வசதியின்மை மின்சார வசதியின்மை  காட்டு யானைகளின் தொல்லை கரடி உள்ளிட்ட காட்டு விலங்குகளின் அச்சுறுத்தல் ஆகியவற்றுக்கு மத்தியில்  வாழ்ந்து வருவதாக தெரிவித்துள்ளனர்.

கிளிநொச்சி மாவட்டத்தின் கரைச்சி பிரதேச செயலாளர் பிரிவிற்குட்பட்ட மாவடியம்மன் புதுக்காடு புதிய குடியிருப்பில் 38 வகையான குடும்பங்கள் தற்போது குடியேறி வாழ்ந்து வருகின்றன.

இவ்வாறு வாழ்ந்து வரும் குடும்பங்கள் தொழில் வாய்ப்பு இன்றிய நிலையில் அன்றாட உணவுக்கே பெரும் சிரமங்களை எதிர்நோக்கி வருவதாகவும் தெரிவித்துள்ளனர்   அதாவது குறித்த பிரதேசத்தில் இருந்து கூலி வேலைக்கு செல்வதாக இருந்தாலும் மிக நீண்ட தூரத்துக்கு செல்ல வேண்டும் அவ்வாறு சென்றாலும் கூலி வேலைகளும் இல்லை என்றும் தெரிவித்துள்ளதுடன் பெண் தலைமைத்துவ குடும்பங்களும் பல்வேறு சிரமங்களை எதிர்கொண்டு வருவதாக சுட்டிக்காட்டி உள்ளனர்.

அதுமட்டுமல்லாது இந்த பிரதேசத்தில் உள்ள மக்களினுடைய குடிநீர் தேவைகளுக்காக மூன்று குழாய் கிணறுகள் அமைக்கப்பட்டிருக்கின்ற போதும் அதில் இரண்டு கிணறுகள் பழுதடைநிலையில் காணப்படுகின்றன குறித்த ஒரே ஒரு கிணற்றில் இருந்து 38 குடும்பங்களும் பெரும் நெருக்கடிகளுக்கு மத்தியில் தமக்கான குடிநீர் பெற்று வருகின்றன என்றும் தெரிவித்துள்ளன.

 இதனை விட தொன்னுாறு வீதமான  குடும்பங்களுக்கு பாதுகாப்பான வீடடுவசதிகளோ  மின்சார வசதிகள் எதுவும் செய்து கொடுக்கப்படவில்லை இதனால் மின்சார வசதியின்றியும்  தற்போது மண்ணெண்ணையின்றியும் இரவு வேளைகளில் பெரும் சிரமங்களை எதிர்நோக்கி வருவதாக தெரிவித்துள்ளனர்.

அதை வேலை குறித்த பிரதேசத்தில் காட்டு யானைகளின் தொல்லை கரடி உள்ளிட்ட காட்டு விலங்குகளின் அச்சுறுத்தல் என்பவற்றுக்கு மத்தியில் ஒவ்வொரு இரவுகளையும் கழிக்க வேண்டி இருப்பதாகவும் சுட்டிக்காட்டியுள்ளனர்.