இந்திய பார்வையற்ற விளையாட்டு வீரர்கள் ஏக்கம்

இந்திய பார்வையற்றோர் விளையாட்டு சங்கத்தின் சமூக ஊடகப் பதிவு, பார்வையற்ற விளையாட்டு வீரர்களின் அவலநிலையை எடுத்துக்காட்டுகிறது.

இந்திய பார்வையற்றோர் விளையாட்டு சங்கத்தின் அலுவலக பொறுப்பாளர் கூறுகையில், “எங்களின் பெரும்பாலான விளையாட்டு வீரர்கள் ஏழ்மையான குடும்பங்களில் இருந்து வந்தவர்கள். அவர்களில் பலருக்கு ஒரு ஜோடி ஓடும் ஷூ கூட வாங்க முடியாத நிலையில் உள்ளனர். அவர்களுக்காக 'ஷூ பேங்க்' அமைக்க முயற்சித்து வருகிறோம், எனவே மக்கள் தங்களுடைய பழைய ஓடும் ஷூகளை நன்கொடையாக அளிக்குமாறு கேட்டுக்கொள்கிறோம் அல்லது அவர்களில் ஒருவருக்கு புதிய ஜோடி ஷூகளை வாங்கி கொடுக்க முடிந்தால் உதவி செய்யுங்கள்” என கூறியுள்ளார்.

மேலும் அவர், இந்த அமைப்பு பார்வையற்றோர் விளையாட்டு நிகழ்வுகளை நடத்தி வருவதாகவும், பார்வையற்ற மற்றும் மாற்றுத்திறனாளிகளுக்கு அரசின் உதவியின்றி ஆதரவளித்து வருவதாகவும், அவர்களில் பலர் பல்வேறு விளையாட்டுத் துறைகளில் இந்தியாவைப் பிரதிநிதித்துவப்படுத்தியுள்ளனர் என்று கூறினார்.

நமது பார்வையற்ற விளையாட்டு வீரர்களில் பலர் உலக அரங்கில் இந்தியாவை பெருமைப்படுத்திய போதிலும் தங்கள் கனவைத் தொடர பயன்படுத்திய பழைய ஷூகளைக் கேட்பது உண்மையில் துரதிர்ஷ்டவசமானது என்றார்.