மகளிர் தினத்திற்காக சிறப்பு சலுகை - ரூ.1க்கு பிரியாணி

மார்ச் 8 ஆம் தேதியான இன்று சர்வதேச பெண்கள் தினம் கொண்டாடப்பட்டு வருகிறது. பெண்களை கௌரவிக்கும் வகையில் கல்லூரிகள் மற்றும் தனியார் நிறுவனங்களில் பல்வேறு நிகழ்ச்சிகள் நடத்தப்பட்டு வருகிறது.

உலக பெண்கள் தினத்தை முன்னிட்டு தனியார் உணவகம் ஒன்று பெண்களுக்கு ஒரு ரூபாய்க்கு சிக்கன் பிரியாணி வழங்கியுள்ளது.

திண்டுக்கல் கரூர் சாலையில் உள்ள தனியார் உணவகம் பெண்கள் தினத்தை கொண்டாடும் வகையில் ஒரு ரூபாய்க்கு சிக்கன் பிரியாணி விற்பனை செய்யப்படும் என சலுகையை அறிவித்தது. சலுகை விலையில் சிக்கன் பிரியாணியை நீண்ட வரிசையில் காத்திருந்து சிறு வயது பெண்கள், நடுத்தர வயது பெண்கள் என தாங்கள் கொண்டு வந்த ஒரு ரூபாயை கொடுத்து சிக்கன் பிரியாணியை வாங்கி சென்றனர்.

இதுகுறித்து கடை உரிமையாளர் கூறுகையில், நாங்கள் ஆறு மாதத்திற்கு முன்பு இந்த உணவகத்தை திறந்தோம். உழைக்கும் பெண்களை கௌரவிக்கும் வகையில் இந்த நிகழ்ச்சிக்கு ஏற்பாடு செய்தோம். பொதுமக்கள் மத்தியில் நல்ல வரவேற்பு கிடைத்துள்ளது நல்ல வரவேற்பு கிடைத்துள்ளது என தெரிவித்தார்.

கொரோனா மீண்டும் பரவி வரும் நேரத்தில் இது தேவையா?