முல்லைத்தீவு மாவட்டத்தின் மல்லாவி ஒட்டறுத்த குளத்தில் யானைகள் அட்டகாசம்

முல்லைத்தீவு மாவட்டத்தின் மல்லாவி துணுக்காய் பிரதேசத்தில் உள்ள ஒட்டறுத்த குளம் கிராமத்தினுள் நுழைந்த காட்டு யானைகள் வீட்டின் தோட்ட பகுதிகளில் உள்ள விவசாய நிலங்களை நாசம் செய்ததாக பிரதேச விவசாயிகள் தெரிவிக்கின்றனர்இன்று அதிகாலை கிராமத்தினுள் நுழைந்த யானைகள் வீட்டு வளவுகளில் உள்ள தென்னைகள் - வாழைகள் போன்ற பயன் தரும் மரங்களை நாசம் செய்திருக்கின்றன.குறித்த பகுதிகளில் யானைகள் அட்டகாசம் அதிகரித்து காணப்படுவதால், தங்களின் விவசாய நிலங்களை பாதுகாக்கும் நோக்கில் மின்சார பாதுகாப்பு வேலி ஒன்றை விவசாயிகள் கோரி நிற்கின்றனர்.அண்மைக்காலமாக குறித்த பிரதேசம் யானைகள் நடமாடும் பகுதிகளாக காணப்படுவதுடன் , அண்மையில் பருத்தித்துறை வாசி ஒருவர் இரவு வேளையில் குறித்த பகுதியில் பயணம் செய்த வேளை யானை தாக்கி உயிரிழந்தமை குறிப்பிடத்தக்கது.