ஊழல் நிறைந்த நாடுகள் பட்டியலில் இலங்கைக்கு 94ஆவது இடம்

ஊழல் நிறைந்த நாடுகள் பட்டியலில் இலங்கை 94ஆவது இடத்தை பிடித்துள்ளது.

ட்ரான்ஸ்பரன்சி இன்டர்நேஷனல் எனும் சர்வதேச கண்காணிப்பு அமைப்பு (ஊழல் உணர்வுக் குறியீடு - 2020) 2020ஆம் ஆண்டின் ஊழல் நிறைந்த நாடுகளின் பட்டியலை நேற்று வெளியிட்டது.

இக்கணக்கெடுப்பில் ஆய்வுக்கு உட்படுத்தப்பட்ட 180 நாடுகளில் இலங்கையானது 38/100 புள்ளிகள் பெற்று 94ஆம் இடத்தைப் பிடித்துள்ளது.

கடந்த சில ஆண்டுகளாக இலங்கையின் புள்ளி நிலையானதாக இருந்தாலும் 2018ஆம் ஆண்டில் 89ஆவது இடத்திலிருந்து இவ்வருடம் கீழிறங்கியுள்ளமை குறிப்பிடத்தக்கது.