T - 20 உலகக்கிண்ண கிரிக்கெட் தொடர் - சூப்பர் 8 சுற்றில் 7 ஓட்டங்கள் வித்தியாசத்தில் வென்றது தென்னாபிரிக்கா!

2024 T20 உலகக்கிண்ணத் கிரிக்கெட் தொடரின் சூப்பர் 8 சுற்றில் இங்கிலாந்து மற்றும் தென்னாபிரிக்கா அணிகளுக்கு இடையிலான போட்டியொன்று நேற்று (21) இடம்பெற்றது.

போட்டியின் நாணய சுழற்சியில் வெற்ற பெற்ற இங்கிலாந்து அணி முதலில் துடுப்பெடுத்தாட தென்னாபிரிக்கா அணிக்கு அழைப்பு விடுத்தது.

இந்த நிலையில் டி காக் - ஹென்ரிக்ஸ் கூட்டணி அதிரடியாக தொடங்கியது. மொயின் அலி வீசிய 2 ஆவது ஓவரிலேயே டி காக் ஒரு சிக்ஸ், ஒரு பவுண்டரியை விளாசி அசத்தினார்.

அதன்படி, முதலில் துடுப்பெடுத்தாடிய தென்னாபிரிக்கா அணி நிர்ணயிக்கப்பட்ட 20 ஓவர்களில் 6 விக்கெட்டுக்களை இழந்து 163 ஓட்டங்களை பெற்றது. அவ்வணி சார்பில் குயின்டன் டி காக் 65 ஓட்டங்களையும், டேவிட் மில்லர் 43 ஓட்டங்களையும் பெற்றுக் கொண்டனர். ஜோஃப்ரா ஆர்ச்சர் பந்து வீச்சில் மூன்று விக்கெட்டுக்களை வீழ்த்தினார்.

இரு அணிகளும் தங்களின் முதல் சூப்பர் 8 போட்டியில் வென்றிருந்த நிலையில், இரசிகர்களிடையே எதிர்பார்ப்பு அதிகரித்திருந்தது.

இந்நிலையில் 164 என்ற இலக்குடன் பதிலுக்கு துடுப்பெடுத்தாடிய இங்கிலாந்து அணி 20 ஓவர்கள் முடிவில் 6 விக்கெட் இழப்பிற்கு 156 ஓட்டங்களை மாத்திரமே பெற்றுக் கொண்டது இதனால் தென்னாபிரிக்க அணி 7 ஓட்டங்கள் வித்தியாசத்தில் வெற்றிப் பெற்றுள்ளமை குறிப்பிடத்தக்கது.

000