ராகவா லாரன்ஸ் அடுத்ததாக ‘மஹாவீர் கர்ணா’ என்ற படத்தில் நடக்க இருப்பதாக அறிவிப்பு வெளியாகி உள்ளது.
இது குறித்த தகவலை இயக்குநரும் நடிகருமான ராகவா லாரன்ஸ் தனது எக்ஸ் தள பக்கத்தில் பகிர்ந்துள்ளார். அவர் வெளியிட்டுள்ள பதிவில், ‘நமது புராணத்தில் சிறந்த மற்றும் புகழ் பெற்ற கர்ணனின் கதாபாத்திரத்தில் நடிப்பதில் மகிழ்ச்சி கொள்கிறேன். ஆசீர்வாதமாகவும் உணர்கிறேன்.
இந்த திரைக்கதை என்னிடம் வரும் என்று நான் நினைத்துப் பார்க்கவில்லை. இதை சாத்தியமாக்கி இப்படத்தை எனக்கு அளித்த இயக்குநர் ரமேஷ் வர்மாவுக்கு என் நன்றிகள். நன்றியுடனும் பணிவுடனும் இந்தப் பயணத்தை தொடங்குகிறேன். உங்கள் அனைவரின் ஆசீர்வாதமும் எனக்கு வேண்டும்’ எனத் தெரிவித்து படத்தின் முதல் தோற்றப் போஸ்டரையும் பகிர்ந்துள்ளார்.
இயக்குநர் ரமேஷ் வர்மா தனது எக்ஸ் தள பக்கத்தில் பகிர்ந்துள்ள பதிவில், ‘ஒரு முகம். ஓர் ஆளுமை, ஒரு வீரன். மஹாவீர் கர்ணாவாக ராகவா லாரன்ஸ். புகழ் மிக்க கர்ணனாக புராண படமொன்றில் அடியெடுத்து வைக்கிறார் ராகவா லாரன்ஸ்’ என்று தெரிவித்துள்ளார்.
‘மஹாவீர் கர்ணா’ படத்தை பென் மூவீஸ், ஸ்ரீநீலத்ரி புரொக்ஷன்ஸ் மற்றும் ஆர்வி ஸ்டூடியோஸ் இணைந்து தயாரிக்கின்றன. ரமேஷ் வர்மா இயக்கும் படத்துக்கு ராம்ஜி டாட் ஒளிப்பதிவு செய்கிறார் ஞானி இசையமைக்கிறார். ஸ்ரீமணி வசனம் எழுதியுள்ளார். தமிழ், தெலுங்கு, இந்தி, மலையாளம் மற்றும் கன்னடம் ஆகிய மொழிகளில் உருவாகும் இந்தப் படம் 2027-ம் ஆண்டில் திரைக்கு வர இருக்கிறது.
நிவின் பாலி, சூரி நடிப்பில் வெளிவர இருக்கும் ‘ஏழு கடல் ஏழு மலை’ படத்தை கேரளாவில் துல்கர் சல்மான் வெளியிட இருப்பதாக நிவின் பாலி தெரிவித்துள்ளார்.
ராம் இயக்கத்தில் நிவின் பாலி, சூரி நடிப்பில் உருவாகி இருக்கும் படம் ‘ஏழு கடல் ஏழு மலை’. இந்தப் படம் அக்டோபர் 1-ம் தேதி திரைக்கு வர இருக்கிறது. இந்தப் படத்தை கேரளாவில் நடிகர் துல்கர் சல்மானின் வேஃபரர் பிலிம்ஸ் வெளியிடுகிறது. இந்தத் தகவலை படத்தின் நாயகன் நிவின் பாலி தனது சமூகவலை தள பக்கத்தில் பகிர்ந்துள்ளார்.
அவர் வெளியிட்டுள்ள பதிவில், ‘இது எனக்கு சிறப்பான ஒன்று. ‘ஏழு கடல் ஏழு மலை’ படத்தை என் பிரியத்துக்குரிய துல்கர் சல்மானின் வேஃபரர் பிலிம்ஸ் வாங்கி கேரளாவில் வெளியிடுகிறது. இந்தப் பயணத்தில் அவர்களும் இணைந்திருப்பது மகிழ்ச்சி அளிக்கிறது’ என்று தெரிவித்துள்ளார்.
வி ஹவுஸ் புரொடக் ஷன்ஸ் சார்பில் சுரேஷ் காமாட்சி தயாரித்துள்ள, ‘ஏழு கடல் ஏழு மலை’ படத்தில் நிவின் பாலி, சூரி, அஞ்சலி ஆகியோர் முக்கிய கதாபாத்திரத்தில் நடித்துள்ளனர். ராம் இயக்கி இருக்கும் இந்தப் படத்துக்கு யுவன் சங்கர் ராஜா இசையமைத்துள்ளார். இந்தப் படம் வரும் அக்டோபர் 1-ம் தேதி திரைக்கு வர இருக்கிறது.
நிவின் பாலியும் துல்கர் சல்மானும் ‘விக்கிரமாதித்யன்’ மற்றும் ‘பெங்களூரு டேஸ்’ ஆகிய இரண்டு படங்களில் இணைந்து நடித்துள்ளனர்.
இன்றைய நாள் இனிய நாளாக அமைந்திட வாழ்த்துகள்.
மேஷம்: நீண்டநாளாக பேசாமல் இருந்த உறவினர் வலிய வந்து பேசுவார். நண்பர்கள் சிலர் உங்கள் உதவியை நாடுவர். குடும்பத்துடன் சென்று குலதெய்வ பிரார்த்தனைகளை நிறைவேற்றுவீர். அலுவலகத்தில்தான் உண்டு தன் வேலை உண்டு என்று இருக்கவும்.
ரிஷபம்: வெளியூரிலிருந்து நல்ல செய்தி வரும். புது வேலை அமையும். பிள்ளைகளால் பெருமையடைவீர். குடும்பத்துடன் சுப நிகழ்ச்சிகளில் கலந்து கொள்வீர். வியாபாரத்தில் வாடிக்கையாளர்கள் அதிகரிப்பார் கள். அலுவலகத்தில் மேலதிகாரியின் பாராட்டு கிட்டும்.
மிதுனம்: மனக்குழப்பம் வந்து போகும். குடும்பத்தினர் ஆதரவாக இருப்பார்கள். பூர்வீக வீட்டை சீரமைத்து விரிவுபடுத்தி கட்டுவீர். குல தெய்வ பிரார்த்தனைகளை நிறைவேற்றுவீர். வியாபாரத்தில் ஓரளவு லாபம் உண்டு. அலுவலகத்தில் விவாதங்களை தவிர்ப்பது நல்லது.
கடகம்: முன்கோபத்தை குறைப்பது நல்லது. ஷேர் மூலம் பணம் வரும். அரசால் ஆதாயம் உண்டு. அதிகார பதவியில் இருப்பவர்களின் அறிமுகம் கிடைக்கும். வியாபாரத்தில் இழுபறியாக இருந்த பாக்கி வசூலாகும். அலுவலகத்தில் யாரையும் பகைத்துக் கொள்ளாதீர்கள்.
சிம்மம்: பழைய பிரச்சினைகளுக்கு தீர்வு கிடைக்கும். தாய்வழி உறவினர்கள் வீடு தேடி வருவார்கள். கையில் பணம் புரளும். வியா பாரத்தில் நெளிவு சுளிவுகளைக் கற்றுக் கொள்வீர்கள். பங்குதாரர் ஆதரவு தருவார். அலுவலகரீதியாக இருந்து வந்த பிரச்சினைகள் நீங்கும்.
கன்னி: உடன்பிறந்தவர்கள் உங்கள் நலனில் அதிக அக்கறை காட்டுவர். நெடுநாட்களாக பார்க்க நினைத்த ஒருவர் உங்களை தேடி வருவார். கையில் பணம் புரளும். அலுவலகத்தில் தேடிய முக்கிய ஆவணம் தென்படும். வியாபாரத்தை பெரியளவில் விரிவுபடுத்துவீர்கள்.
துலாம்: குடும்பத்தில் உங்கள் கை ஓங்கும். ஆடம்பரச் செலவுகளைக் குறைத்து சேமிக்கத் தொடங்குவீர்கள். பூர்வீக வீடு, மனை, விவசாய நிலம் விற்பனையாகும். வியாபாரத்தை விரிவுபடுத்த சில முக்கிய நபர்களை சந்திப்பீர்கள். அலுவலகரீதியான பிரச்சினைகள் ஓயும்.
விருச்சிகம்: உறவினர்கள் மதிப்பார்கள். எதிர்பாராத இடத்திலிருந்து உதவிகள் கிடைக்கும். வியாபாரத்தில் வாடிக்கையாளர்களின் ரசனை யைப் புரிந்து கொள்வீர். அலுவலகத்தில் தான் உண்டு தன் வேலை உண்டு என்று இருக்க பழகிக் கொள்வது நன்மை தருவதாக அமையும்.
தனுசு: முன்கோபத்தை கட்டுப்படுத்தி உயர்வதற்கான வழியை யோசிப்பீர்கள். பிள்ளைகள் பொறுப்பு அறிந்து செயல்படுவர். தெய்வீக ஈடுபாடு கூடும். அலுவலகத்தில் அமைதி காப்பீர். வியாபாரத்தில் லாபம் உண்டு. புதிய பங்குதாரர்களின் கருத்துக்கு முக்கியத்துவம் அளிக்கவும்.
மகரம்: மகனின் படிப்பு, மகளின் திருமணம் என்று அலைச்சல் இருக்கும். அக்கம் பக்கத்தினரை அனுசரித்து நடந்து கொள்ளவும். பூர்வீக சொத்து தொடர்பான வழக்கில் முன்னேற்றம் இருக்கும். வியா பாரம் சிறக்கும். அலுவலக பணிகளை வீட்டிலும் செய்ய வேண்டி வரும்.
கும்பம்: கணவன்-மனைவிக்குள் இருந்த மனக்கசப்பு நீங்கும். கைமாற்றாக வாங்கியிருந்த பணத்தை தந்து முடிப்பீர். முன் கோபம் விலகும். அலுவலகத்தில் புதிய பதவிக்கு பரிந்துரை செய்யப்படுவீர். வியாபாரத்தில் பாக்கிகள் வசூலாகும். பங்குதாரர்கள் ஆதரவு தருவர்.
மீனம்: பழைய நண்பர்கள் உங்கள் உதவி நாடி வருவர். குழப்பம் நீங்கி குடும்பத்தில் மகிழ்ச்சி தங்கும். புது வாகனம் வாங்குவீர். வியாபாரத்தில் புதிய யுக்திகளை கையாண்டு பழைய வாடிக்கையாளர்களைக் கவருவீர். அலுவலகத்தில் உங்கள் கருத்துக்கு ஆதரவு பெருகும்.
கனடாவின் ஸ்கார்பரோ பகுதியில் உள்ள மருத்துவமனை ஒன்றுக்கு வெளியே இடம்பெற்ற துப்பாக்கிச் சூட்டுச் சம்பவத்தில், கணவன் - மனைவி என சந்தேகிக்கப்படும் 70 வயதுடைய முதியவர்கள் இருவர் பரிதாபமாக உயிரிழந்தனர்.
வார்டன் மற்றும் செயின்ட் கிளேர் அவென்யூ சந்திப்புக்கு அருகில் அமைந்துள்ள 'புரோவிடென்ஸ் ஹெல்த்கேர்' மருத்துவமனையின் வாகன நிறுத்துமிடத்தில் பிற்பகல் 12:30 மணியளவில் இச்சம்பவம் நிகழ்ந்துள்ளது.
தகவலறிந்து சம்பவ இடத்திற்கு விரைந்த காவல்துறையினர், துப்பாக்கிக் காயங்களுடன் கிடந்த இருவரைக் கண்டறிந்தனர்.
அவர்களுக்கு உடனடியாக தீவிர முதலுதவி சிகிச்சைகள் அளிக்கப்பட்டு உயிரைக் காப்பாற்ற முயற்சிகள் மேற்கொள்ளப்பட்ட போதிலும், சிறிது நேரத்திலேயே இருவரும் உயிரிழந்ததாக அறிவிக்கப்பட்டது.
பாதிக்கப்பட்ட குடும்பத்தினருக்கு இது மிகவும் பேரதிர்ச்சியையும் வேதனையையும் அளிக்கக்கூடிய ஒரு சம்பவமாகும் என பொலிஸார் தெரிவித்துள்ளனர்.
துப்பாக்கிச் சூடு நடந்த நேரத்தில் மருத்துவமனை வளாகத்தில் இருந்தவர்கள் அல்லது இச்சம்பவத்தைக் கேள்விப்பட்டு அதிர்ச்சியடைந்தவர்கள், தேவையான மனநல ஆலோசனைகளையும் உதவிகளையும் பெற்றுக்கொள்ள முன்வர வேண்டும் என குறிப்பிட்டுள்ளனர்.
துப்பாக்கிச் சூடு நடந்த இடத்தில் இருந்து துப்பாக்கி ஒன்று பறிமுதல் செய்யப்பட்டுள்ளது. இச்சம்பவம் தொடர்பாக இதுவரை யாரும் கைது செய்யப்படவில்லை எனவும், வெளியில் தேடப்படும் சந்தேக நபர்கள் எவரும் இல்லை எனவும் தெரிவிக்கப்பட்டுள்ளது.
கனடாவின் ஒண்டாரியோ மாகாணத்தில் உள்ள பெல்லேவில் நகரின் 'சன்ஸ் ஆஃப் ஜேக்கப்' யூத ஜெப ஆலயத்திற்கு வெளியே ஞாயிற்றுக்கிழமை இரவு நடைபெற்ற துப்பாக்கிச் சூட்டுச் சம்பவத்தில், காவல் அதிகாரி ஒருவர் உட்பட இருவர் படுகாயமடைந்துள்ளனர்.
ஞாயிற்றுக்கிழமை இரவு சுமார் 7:00 மணியளவில், விக்டோரியா மற்றும் பிளீக்கர் அவென்யூஸ் பகுதிக்கு அருகில் உள்ள ஜெப ஆலயத்திற்கு வெளியே ரைபிள் ரக துப்பாக்கியுடன் இருந்த நபருக்கும், அங்கிருந்த காவல் அதிகாரிக்கும் இடையே துப்பாக்கிச்சூடு பரிமாற்றம் நிகழ்ந்ததாக ஒண்டாரியோவின் சிறப்பு விசாரணைப் பிரிவு தெரிவித்துள்ளது.
இச்சம்பவத்தில் சந்தேக நபர் மற்றும் காவல் அதிகாரி ஆகிய இருவருமே துப்பாக்கிச் சூட்டு காயங்களுக்கு உள்ளாகி மருத்துவமனையில் அனுமதிக்கப்பட்டுள்ளனர்.
காயமடைந்த காவல் அதிகாரியின் படுகாயமடைந்திருந்தாலும் உயிராபத்து கிடையாது எனவும், சந்தேக நபரின் நிலைமை மிகவும் ஆபத்தான கட்டத்தில் உள்ளதாகவும் தெரிவிக்கப்படுகின்றது.
யூதர்களின் மிக முக்கியமான புனித நாளான 'யோம் கிப்பூர்' இரவில் இச்சம்பவம் நடந்துள்ளதை கனடிய பிரதமர் கார்னி சுட்டிக்காட்டியுள்ளார்.
"யூத மக்கள் அச்சமின்றி பாதுகாப்பாக வழிபட உரிமை உண்டு. குற்றவாளி சட்டத்தின் முன் நிறுத்தப்பட்டு முழுமையான தண்டனை பெறுவதை உறுதி செய்ய கனடா அரசு அனைத்து நடவடிக்கைகளையும் எடுக்கும்" எனக் குறிப்பிட்டுள்ளார்.
பாதிக்கப்பட்ட தைரியமான காவல் அதிகாரி, அவரது குடும்பத்தினர் மற்றும் ஒண்டாரியோ யூத சமூகத்தினருக்கு எனது ஆதரவைத் தெரிவித்துக் கொள்கிறேன் என ஒண்டாரியோ முதல்வர் டக் போர்ட் தெரிவித்துள்ளார்.
இச்சம்பவத்திற்கு காரணமானவர்கள் கைது செய்யப்பட்டு சட்டத்தின் முன் நிறுத்தப்பட வேண்டும்" எனக் கூறியுள்ளார்.
இச்சம்பவம் தொடர்பான விசாரணை குறித்து சிறப்பு விசாரணைப் பிரிவு தகவல்களை வெளியிடும் என எதிர்பார்க்கப்படுகிறது.
இச்சம்பவத்தைத் தொடர்ந்து முன்னெச்சரிக்கை நடவடிக்கையாக, டொரண்டோ நகரத்தில் உள்ள ஜெப ஆலயங்கள் மற்றும் பிற வழிபாட்டுத் தலங்களில் ரோந்துப் பணிகளையும் பாதுகாப்பையும் டொரண்டோ பொலிஸார் அதிகரித்துள்ளனர்.
ஸ்ரீ பராபவ வருடம் புரட்டாசி மாதம் 5 ஆம் தேதி செவ்வாய்க்கிழமை 22.9.2026.
இன்று இரவு 09.18 வரை ஏகாதசி. பின்னர் துவாதசி.
இன்று காலை 07.38 வரை உத்திராடம். பின்னர் திருவோணம்.
இன்று மாலை 05.43 வரை அதிகண்டம். பின்னர் சுகர்மம்.
இன்று காலை 08.32 வரை வனிசை. பின்னர் இரவு 09.18 வரை பத்திரை. பிறகு பவம்.
இன்று காலை 06.02 வரை மரணயோகம். பின்னர் சித்தயோகம்.
நல்ல நேரம்:
காலை : 07.45 முதல் 08.45 மணி வரை
காலை : 10.45 முதல் 11.45 மணி வரை
மாலை : 04.45 முதல் 05.45 மணி வரை
இரவு : 07.30 முதல் 08.30 மணி வரை
சுமார் ரூ.46 கோடி பணத்தை காசோலை மூலமாக மோசடி செய்ததாக நடிகை அம்பிகா மற்றும் அவரது சகோதரர் மீது அம்பிகாவின் தங்கையும், நடிகையுமான ராதா புகார் அளித்துள்ளார்.
சென்னை காவல் ஆணையர் அலுவலகத்தில் நடிகை அம்பிகா கொடுத்துள்ள புகாரின் விவரம்: நான் ‘ஏஆர்எஸ் கார்டன்ஸ்’ என்ற பெயரில் ஒரு தொழிலில் செய்து வந்தேன். அதற்காக போரூரில் உள்ள தனியார் வங்கியில் அந்நிறுவனத்தின் பெயரில் நடப்புக் கணக்கும் வைத்திருந்தேன். நான் அடிக்கடி பயணத்தில் இருப்பதால், கார்டனின் பராமரிப்பு, மின்கட்டணம், பணியாளர்கள் சம்பளம் போன்ற பராமரிப்புச் செலவுகளுக்காக பணம் எடுக்க தொகை நிரப்பப்படாத எனது கையெழுத்திட்ட ஐந்தாறு காசோலைகளை சென்னையில் நான் தங்கும் வீட்டில் வைத்துச் செல்வது வழக்கம்.
இந்த நிலையில், கடந்த 2025-ம் ஆண்டு எனது தொழில் நிறுவனத்தின் பெயரை ‘ஆர்ஆர் கார்டன்ஸ்’ என மாற்றிவிட்டேன். இந்தத் தகவல் வங்கிக்கும் தெரிவித்து அந்தப் பெயரில் நடப்புக் கணக்கு தொடங்கி இருந்தேன்.
என் பழைய கணக்கு எண் காசோலை புத்தகங்களை பயன்படுத்துவதை நிறுத்திவிட்ட நான், காலப்போக்கில் அந்தக் கையெழுத்திட்ட காசோலைகள் குறித்து மறந்து விட்டேன்.
எனது பழைய வங்கிக் கணக்கு காசோலைகள் மூலமாக பணப்பரிமாற்றக் கோரிக்கை விடுக்கப்பட்டுள்ளதாகவும், அம்பிகா என்ற பெயரில் அந்த கோரிக்கை விடுக்கப்பட்டிருப்பதாகவும் செப்டம்பர் 17-ம் தேதி வங்கியில் இருந்து தகவல் தெரிவிக்கப்பட்டதைக் கேட்டு நான் அதிர்ச்சி அடைந்தேன்.
அந்த காசோலைகளை நான் எனது சகோதரியிடம் ஒரு போதும் கொடுக்கவில்லை. அப்படி ஒரு பணப்பரிமாற்றம் தேவைப்படும் எந்த ஒரு நடவடிக்கையிலும் நாங்கள் ஈடுபடவில்லை.
அந்த காசோலைகளை எங்களின் சகோதரர் மல்லிகார்ஜுனா நிரப்பி இருக்கிறார். அவரும், சகோதரி அம்பிகாவும் இணைந்து இந்த மோசடி நடவடிக்கையில் ஈடுபட்டுள்ளனர் என்று தனது புகாரில் குற்றம்சாட்டியுள்ளார ்.மேலும், சொத்தில் தனது பங்கைப் பெறுவதில் தனது சகோதரியும், சகோதரரும் தன்னைத் தடுத்ததாகவும் ராதா குற்றம் சாட்டியுள்ளார்.
சூரியின் நடிப்பில் வெளியாகி இருக்கும் ‘மண்டாடி’ படம் உலக அளவில் ரூ.100 கோடி வசூலைக் கடந்திருப்பதாக தகவல் வெளியாகி உள்ளது.
இது குறித்து ஆர்.எஸ். இன்போடெயின்மென்ட் நிறுவனம் தனது எக்ஸ் தள பக்கத்தில் பகிர்ந்துள்ள பதிவில், ‘மண்டாடி’ வகையராவுக்கு இது பிரம்மாண்டமான வெற்றியின் நாள். இந்த ஆண்டின் பிளாக் பஸ்டர் படமான ‘மண்டாடி’ படம் பாக்ஸ் ஆபிஸில் ரூ.100 கோடி வசூல் என்ற மைல்கல்லைக் கடந்துள்ளது.
அனைத்து சென்டர்களிலும் வெற்றி, அனைத்து பகுதிகளிலும் வெற்றி, மக்களின் மகத்தான வெற்றி’ என்று தெரிவித்துள்ளது.
மதிமாறன் புகழேந்தி இயக்கத்தில் சூரியின் நடிப்பில் வெளிவந்திருக்கும் படம் ‘மண்டாடி’. இந்தப் படம் செப்டம்பர் 10-ம் தேதி திரை அரங்குகளில் வெளியானது.
ஆர்.எஸ்.இன்போடெயின்மென்ட் சார்பில் எல்ரெட் குமார் தயாரித்திருக்கும் இந்தப் படத்தில் சூரியுடன் மஹிமா நம்பியார், சுஹாஸ், சத்யராஜ், ரவீந்திரா விஜய், மிதுன், பால சரவணன் உள்ளிட்டோர் நடித்துள்ளனர். வேல்ராஜ் ஒளிப்பதிவு செய்திருக்கும் படத்துக்கு, ஜி.வி.பிரகாஷ் இசையமைத்திருக்கிறார்.
பாய்மரப்படகு போட்டியின் பின்புலத்தில் கடலோர மக்களின் வாழ்க்கை பாரம்பரியம், உணர்வுகள், அவர்களின் மன உறுதியை மையமாகக் கொண்டு வந்திருக்கும் இந்தப் படம் ரசிகர்களிடம் நல்ல வரவேற்பைப் பெற்றுள்ளது. இப்போது வசூல் ரீதியாகவும் ரூ.100 கோடியைக் கடந்துள்ளது.
கனடாவில் விமான பயிற்சியில் ஈடுபட்டிருந்த போது ஏற்பட்ட விபத்தில் தமிழ் நாடு மற்றும் புதுச்சேரியைச் சேர்ந்த இரு மாணவர்கள் உயிரிழந்துள்ளனர்.
கனடாவில் கடந்த 18 ஆம் திகதி அதிகாலை ரெஜினாவில் இருந்து கார்லைல் வழியாக ஸ்டெய்ன்பாக், மனிடோபா வரை இரவு நேர பயிற்சியை மேற்கொண்ட போது சஸ்காட்சுவான் அருகே விமானம் விபத்துக்குள்ளாகியுள்ளது.
இந்த விமான விபத்தில் பயணம் செய்த இருவரும் உயிரிழந்துள்ளனர். உயிரிழந்துள்ள மாணவர்கள் இந்தியா தமிழகத்தைச் சேர்ந்த மனோஜ் சிவகுமார் மற்றும் புதுச்சேரியைச் சேர்ந்த ஸ்ரீசரன் திருஞானசம்பந்தம் என்பது உறுதி செய்யப்பட்டது.
இது தொடர்பாக கனடாவுக்கான இந்தியத் தூதரகம் வெளியிட்ட எக்ஸ் தளப்பதிவில், இந்த கடினமான சூழலில், உயிரிழந்த மாணவர்களின் குடும்பத்திற்கு துணை நிற்கிறோம். மேலும், இருவரின் உடல்களும் இந்தியா கொண்டு செல்வதற்கு தேவையான அனைத்து உதவிகளும் செய்து தரப்படும் என தெரிவித்துள்ளது.
கொலிங்வுட் மற்றும் ப்ளூ மவுண்டன்ஸ் பகுதியில் அதிகரித்து வரும் புதிய வங்கி பணமோசடி குறித்து பொலிஸ் பிரிவினர் பொதுமக்களுக்கு அவசர எச்சரிக்கை விடுத்துள்ளனர்.
வங்கியின் அதிகாரப்பூர்வ ஊழியர்கள் போல் தொலைபேசியில் தொடர்புகொள்ளும் மோசடி நபர்கள், வாடிக்கையாளர்களின் வங்கி கணக்குகள் முடக்கப்பட்டுள்ளதாகவோ அல்லது ஆபத்தில் உள்ளதாகவோ கூறி பயமுறுத்துகின்றனர்.
தொடர்ந்து, இணைய வங்கி போர்டல் எனக் கூறி ஒரு இணைப்பை வழங்கி, அதில் லாக்-இன் செய்து வங்கி கணக்கு விவரங்களைப் பதிவிடுமாறு கூறுகின்றனர். அந்த விவரங்களைப் பயன்படுத்தி, கணக்கில் இருக்கும் பணத்தை அவர்கள் திருடி விடுகின்றனர் என பொலிஸார் தெரிவிக்கின்றனர்.
தொலைபேசி அழைப்புகள், மின்னஞ்சல்கள் அல்லது அறிமுகமில்லாத இணைப்புகள் மூலம் உங்கள் வங்கிக் கணக்கு விவரங்களை யாருடனும் ஒருபோதும் பகிர்ந்து கொள்ளாதீர்கள்.
வங்கியிலிருந்து பேசுவதாகக் கூறி வரும் அழைப்புகளில் சிறு சந்தேகம் எழுந்தாலும், உடனடியாக அழைப்பைத் துண்டித்து விடுங்கள்.
வங்கியின் அதிகாரப்பூர்வ வாடிக்கையாளர் சேவை எண்ணிற்கு நீங்கள் நேரடியாக அழைத்து, அழைப்பின் உண்மைத்தன்மையை உறுதிப்படுத்திக் கொள்ளுங்கள் என அறிவுறுத்தல் வழங்கப்பட்டுள்ளது.
ஏற்கனவே இந்த மோசடியில் சிக்கிப் பணத்தை இழந்தவர்கள் அல்லது பாதிக்கப்பட்டதாக சந்தேகப்படுபவர்கள், உடனடியாகத் தங்கள் வங்கியைத் தொடர்புகொள்வதுடன், பொலிஸாரிடமும் முறைப்பாடு அளிக்குமாறு கேட்டுக்கொள்ளப்பட்டுள்ளனர்.
இன்றைய நாள் இனிய நாளாக அமைந்திட வாழ்த்துகள்.
மேஷம் : வீட்டு உபயோகப் பொருட்கள், மின்னணு, மின்சார சாதனங்கள் வாங்குவீர்கள். ஆன்மிக ஈடுபாடு அதிகரிக்கும். தொழில், வியாபாரத்தில் நேர்முக, மறைமுகப் போட்டிகள் விலகும் உத்தியோகத்தில் உயர் அதிகாரிகள் ஆதரவாக இருப்பார்கள்.
ரிஷபம் : மனதில் இருந்த அச்சம், கவலை, குழப்பங்கள் நீங்கி தெளிவு பிறக்கும். பெற்றோருக்கு இருந்த அசதி, சோர்வு நீங்கும். பழைய கடனைத் தீர்க்க உதவிகள் கிடைக்கும். வியாபாரத்தில் அதிரடி மாற்றம் செய்து லாபம் ஈட்டுவீர்கள்.
மிதுனம் : எடுத்த வேலையை போராடி முடிப்பீர்கள். குடும்பத்தில் விட்டுக்கொடுத்துச் செல்லுங்கள். வியாபாரத்தில் பழைய பாக்கிகள் வசூலாகும். அலுவலகத்தில் நிதானம் தேவை. நாடி வந்தவர்களுக்கு உங்களால் இயன்ற உதவியைச் செய்வீர்கள்.
கடகம் : சுறுசுறுப்புடன் செயல்பட்டு முக்கிய வேலைகளை முடிப்பீர் கள். சொந்த ஊரில் இருந்து நல்ல செய்தி வரும். வியாபாரத்தில் வராது என்றிருந்த பாக்கிகள் வரும். உத்தியோகத்தில் வேலைகளை சுறுசுறுப்பாக முடித்து பாராட்டு பெறுவீர்கள்.
சிம்மம் : எதிர்பார்த்தபடி சில வேலைகளை முடிப்பீர்கள். கணவன் - மனைவிக்கு விட்டுக்கொடுத்துச் செல்வீர்கள். அடிக்கடி தொல்லை தந்த வாகனத்தை மாற்றுவீர்கள். வியாபாரத்தில் திடீர் லாபம் உண்டு. புதிய ஆர்டர்கள் தேடி வரும்.
கன்னி : எடுத்த வேலைகளை விரைந்து முடிப்பீர்கள். உங்களைச் சுற்றி இருப்பவர்களில் நல்லவர்களைக் கண்டறிவீர்கள். பிள்ளைகளால் பெருமையடைவீர்கள். உத்தியோகத்தில் உயர் அதிகாரியின் ஆதரவு உண்டு. ஆன்மிக நாட்டம் கூடும்.
துலாம் : குடும்பத்தினருடன் கலந்துபேசி பழைய பிரச்சினைகளுக்கு சுமுகத் தீர்வு காண்பீர்கள். தொழில் ரீதியாக சில விஐபிகளை சந்திப் பீர்கள். உத்தியோகத்தில் சக ஊழியர்கள் ஆதரவாக இருப்பார்கள். எக்காரியத்திலும் பொறுமை தேவை.
விருச்சிகம் : எதிர்பாராத பயணங்களால் ஆதாயம் உண்டு. உற்சாகம், தோற்றப் பொலிவு கூடும். விஐபிகளின் நட்பும், அதனால் அனுகூலமும் கிடைக்கும். அரசு காரியங்கள் விரைந்து முடியும். கணவன் - மனைவிக்குள் அன்யோன்யம் கூடும்.
தனுசு : மனக் குழப்பங்கள் நீங்கி தெளிவான முடிவுகளை எடுப்பீர்கள். கணவன் - மனைவிக்குள் நெருக்கம் அதிகரிக்கும். வெளி வட்டாரத்தில் மதிப்பு, மரியாதை, அந்தஸ்து கூடும். பண வரவு, பொருள் வரவால் மகிழ்ச்சி அதிகரிக்கும்.
மகரம் : உறவினர்கள், நண்பர்களால் தேவையற்ற செலவுகள் வரக் கூடும். நீண்ட நாட்களுக்குப் பிறகு குடும்பத்தில் அமைதி தங்கும். வியாபாரத்தில் ஓரளவு லாபம் உண்டு. வாகனப் பயணத்தில் கவனம் தேவை. கலைப் பொருட்கள் சேரும்.
கும்பம் : நண்பர்கள் உரிய நேரத்தில் உதவுவார்கள். விலை உயர்ந்த பொருட்கள் வாங்கி மகிழ்வீர்கள். வீடு, கடையை விரிவுபடுத்திக் கட்டு வீர்கள். ஆன்மிகம், தியானத்தில் நாட்டம் அதிகரிக்கும். வியாபாரத்தில் போட்டிகள் குறையும்.
மீனம் : உங்களது வித்தியாசமான அணுகுமுறையால், பழைய பிரச்சினைகளுக்கு நிரந்தர தீர்வு காண்பீர்கள். குடும்பத்தில் உங்கள் கை ஓங்கும். பெரிய பதவியில் இருப்பவர்களின் அறிமுகம் கிடைக்கும். ஆன்மிக ஈடுபாடு அதிகரிக்கும்.
ஸ்ரீ பராபவ வருடம் புரட்டாசி மாதம் 4 ஆம் தேதி திங்கட்கிழமை 21.9.2026.
இன்று இரவு 07.46 வரை தசமி. பின்னர் ஏகாதசி.
இன்று அதிகாலை 05.22 வரை பூராடம். பின்னர் உத்திராடம்.
இன்று மாலை 05.31 வரை ஷோபனம். பின்னர் அதிகண்டம்.
இன்று காலை 06.51 வரை தைத்துூலம். பின்னர் இரவு 07.46 வரை கரசை. பிறகு வனிசை.
இன்று அதிகாலை 05.22 வரை சித்த யோகம். பின்னர் காலை 06.02 வரை அமிர்த யோகம். பிறகு மரண யோகம் சித்த யோகம்.
நல்ல நேரம்:
காலை : 06.15 முதல் 07.15 மணி வரை
காலை : 09.15 முதல் 10.15 மணி வரை
மாலை : 04.45 முதல் 05.45 மணி வரை
இரவு : 07.30 முதல் 08.30 மணி வரை
அமெரிக்காவின் நியூயார்க் நகரில் பொதுமக்களின் தேவைக்காக, நகரின் 5 முக்கிய பகுதிகளில் மொத்தம் 17 இலவச பொது கழிப்பறைகள் நிறுவப்பட்டுள்ளன.
இந்த கழிப்பறைகளை யார் வேண்டுமானாலும் இலவசமாக பயன்படுத்திக் கொள்ளலாம். காலை 7 மணி முதல் இரவு 10 மணி வரை இந்த கழிப்பறைகள் திறந்திருக்கும்.
இந்த கழிப்பறைகள் இருக்கும் இடத்தை கண்டறிய பிரத்யேக மொபைல் செயலியும் அறிமுகப்படுத்தப்பட்டுள்ளது. இவ்வாறு பல வசதிகள் இருந்தாலும், இந்த கழிப்பறைகளை பயன்படுத்துவதற்கு ஒரு முக்கியமான விதி உள்ளது. அதாவது, கழிவறைக்கு உள்ளே சென்றுவிட்டால் 10 நிமிடத்திற்குள் வேலையை முடித்துவிட்டு வெளியே வந்துவிட வேண்டும்.
கழிவறையை பயன்படுத்த தொடங்கியதில் இருந்து கவுண்ட் டவுன் ஓடத் தொடங்கிவிடும். 5 நிமிடங்கள் ஆனவுடன் ஒரு ஆடியோ எச்சரிக்கை வரும். தொடர்ந்து 8-வது நிமிடத்தில் மீண்டும் ஒரு எச்சரிக்கை வரும்.
இதைத் தொடர்ந்து 10-வது நிமிடத்தில் கடைசியாக ஒரு எச்சரிக்கை ஒலிக்கும். அதன் பிறகு சில வினாடிகளில் கழிப்பறையின் கதவு தானாக திறந்துவிடும்.
இத்தகைய நவீன தொழில்நுட்பம் கொண்ட இந்த கழிப்பறையை நியூயார்க் நகரில் நிறுவுவது தொடர்பான அறிவிப்பை நியூயார்க் மேயர் சோஹ்ரான் மம்தானி வெளியிட்டார்.
இது குறித்து அவர் கூறுகையில், “கழிப்பறைகள் அனைவருக்கும் பயனுள்ளதாக இருக்க வேண்டும் என்பதற்காக இந்த புதிய தொழில்நுட்பத்தை அறிமுகம் செய்துள்ளோம். கழிப்பறை என்பது செல்போனில் ஸ்கோரல் செய்து கொண்டிருக்கும் இடமாக இருக்கக் கூடாது” என்று தெரிவித்தார்.
இந்த நவீன கழிப்பறை திட்டத்திற்காக நியூயார்க் நகர நிர்வாகம் சுமார் 4 மில்லியன் டாலர் (இந்திய மதிப்பில் ரூ.38 கோடி) செலவு செய்துள்ளதாக அவர் கூறினார்.
இத்தகைய கழிப்பறைகளை நிறுவுவதற்கு முன்னதாக, இது குறித்து ஆய்வுகளும் நடத்தப்பட்டதாக கூறப்படுகிறது. அதாவது சராசரியாக ஒரு நபர் மூன்றரை நிமிடங்கள் கழிப்பறையை பயன்படுத்துகிறார் என்பது ஆய்வில் தெரியவந்துள்ளதாகவும், எனவே 10 நிமிடங்கள் என்பது பெரும்பாலான நபர்களுக்கு போதுமான நேரமாகவே இருக்கும் என்றும் தெரிவிக்கப்பட்டுள்ளது.
கனடாவின் கியூபெக் மாகாணத்தில் உள்ள செயிண்ட்-டைட் பகுதியில் நடைபெற்று வரும் இசை நிகழ்வில் சனிக்கிழமை அதிகாலை வேளையில் மக்கள் கூட்டத்திற்குள் வாகனம் ஒன்று புகுந்து மோதியதில் 6 பேர் காயமடைந்துள்ளனர்.
அதிகாலை 4:30 மணியளவில் புனித ஜோசப் வீதியில் இச்சம்பவம் இடம்பெற்றுள்ளது. காயமடைந்த ஆறு பேரும் உடனடியாக மருத்துவமனைக்குக் கொண்டு செல்லப்பட்டனர்.
பாதிக்கப்பட்டவர்களில் 18 வயதுடைய இரண்டு பெண்களும், 17 முதல் 21 வயதுடைய நான்கு ஆண்களும் அடங்குவர். அவர்களுக்கு உயிருக்கு ஆபத்தில்லாத காயங்கள் ஏற்பட்டுள்ளதாகக் காவல்துறையினர் தெரிவித்துள்ளனர்.
சம்பவத்தை அடுத்து வாகனத்தைச் செலுத்திய 20 வயதுடைய நபர் அங்கிருந்து தப்பிச் சென்ற நிலையில், சுமார் ஒரு மணி நேரத் தேடுதலுக்குப் பிறகு கியுபெக் நகரில் வைத்து பொலிஸார் அவரைக் கைது செய்தனர்.
முதற்கட்ட விசாரணைகளின்படி, இச்சம்பவம் திட்டமிட்டு நடத்தப்பட்ட தாக்குதல் அல்ல என்றும், ஓட்டுநர் மது அருந்தியிருக்கவில்லை என்றும் பொலிஸார் தெரிவித்துள்ளனர். எனினும் மேலதிக விசாரணைகள் தொடர்ந்து நடைபெற்று வருகின்றன.
இச்சம்பவம் துரதிர்ஷ்டவசமானது எனக் குறிப்பிட்டுள்ள விழா ஏற்பாட்டாளர்கள், திட்டமிட்டபடி திருவிழா நிகழ்வுகள் தொடர்ந்து நடைபெறும் என்றும், பார்வையாளர்களின் பாதுகாப்பிற்கு உச்சகட்ட முன்னுரிமை அளிக்கப்பட்டுள்ளதாகவும் தெரிவித்துள்ளனர்.
இச்சம்பவத்திற்கு கியுபெக் மாகாண முதலமைச்சர் கிறிஸ்டின் பிரேஷெட் நேரில் வருகை தந்து நிலைமையைப் பார்வையிட்டதுடன், காயமடைந்தவர்கள் விரைவில் குணமடைய விருப்பம் தெரிவித்துள்ளார்.
மேலும் மாகாணப் பாதுகாப்பு அமைச்சர் இயன் லஃப்ரெனியர் உட்படப் பல அரசியல் தலைவர்களும் இச்சம்பவத்திற்கு தங்களது அனுதாபங்களைப் பதிவு செய்துள்ளதுடன், உடனடியாக செயல்பட்ட பொலிஸார் மற்றும் முதலுதவி பணியாளர்களுக்கு பாராட்டு தெரிவித்துள்ளனர்.
இன்றைய நாள் இனிய நாளாக அமைந்திட வாழ்த்துகள்.
மேஷம் : புது திட்டங்கள் தீட்டுவீர். பழைய நண்பர்கள் தேடி வருவர். தாயாரின் மருத்துவச் செலவு குறையும். அடிக்கடி தொல்லை தந்த வாகனத்தை மாற்றுவீர்கள். வியாபாரத்தில் போட்டிகள் இருக்கும். பங்குதாரர்கள் ஆதரிப்பர். அலுவலகத்தில் விவாதங்களை தவிர்க்கவும்.
ரிஷபம் : தைரியமாக சில முக்கிய முடிவுகள் எடுப்பீர். பிள்ளைகளால் உறவினர், நண்பர்கள் மத்தியில் மதிப்பு உயரும். தொழிலில் பங்குதாரர்கள் ஆதரவாக இருப்பர். பாக்கிகள் வசூலாகும். அலுவலகத்தில் தான் உண்டு தன் வேலை உண்டு என்று இருக்க பழகிக் கொள்ளவும்.
மிதுனம் : தாய்வழி உறவினர்களால் மனக்கசப்பு வந்து போகும். முன்கோபத்தை தவிர்க்கவும். பூர்வீக வீட்டை சீரமைத்து விரிவுபடுத்தி கட்டுவீர். வியாபாரத்தில் அவசர முடிவு வேண்டாம். பங்குதாரரை அனுசரித்து நடக்கவும். அலுவலகத்தில் பணிச்சுமை அதிகரிக்கும்.
கடகம் : பிள்ளைகளின் விருப்பத்தை நிறைவேற்றுவீர். பூர்வீகச் சொத்துப் பிரச்சினையை பேசி தீர்ப்பீர்கள். வியாபாரத்தில் புதிய யுக்திகளை கையாண்டு பழைய வாடிக்கையாளர்களைக் கவருவீர். அலுவலகத்தில் விமர்சனங்களையும் தாண்டி முன்னேறுவீர்கள்.
சிம்மம் : வெளிவட்டாரத் தொடர்புகள் விரிவடையும். குடும்பத்தில் நிலவி வந்த குழப்பம் நீங்கும். சொந்த ஊர் விசேஷங்களை முன்னின்று நடத்துவீர். ஆன்மிகத்தில் நாட்டம் அதிகரிக்கும். உத்தியோகத்தில் ஏற்றம் காண்பீர். வியாபாரத்தில் கடினமாக உழைத்து லாபம் பெறுவீர்.
கன்னி : சோர்வு நீங்கி சுறுசுறுப்புடன் செயல்படுவீர். ஈகோ பிரச்சினை தீர்ந்து தம்பதிக்குள் நெருக்கம் கூடும். உறவினர்களுக்காக மற்றவர் உதவியை நாடுவீர்கள். வியாபாரத்தில் புது சரக்குகள் வந்திறங்கும். அலுவலக ரீதியாக முக்கிய பிரமுகர்களை சந்திக்க வேண்டி வரும்.
துலாம் : குற்றம் குறை கூறியவர்கள் இனி வலிய வந்து பேசுவார்கள். வீட்டில் நல்லது நடக்கும். வியாபாரத்தில் எதிர்பார்த்த ஒப்பந்தம் கையெழுத்தாகும். பங்குதாரரின் ஆலோசனைகளை ஏற்று செயல்படுவது நன்மை தரும். அலுவலகத்தில் உயரதிகாரி நேசக்கரம் நீட்டுவார்.
விருச்சிகம் : மனைவிவழியில் பண உதவி கிடைக்கும். நவீன மின்னணு சாதனங்களை வாங்குவீர். வாகனப் பழுது நீங்கும். வியாபாரரீதியாக சில முக்கியஸ்தர்களை சந்திப்பீர்கள். பங்குதாரர்களை பகைத்துக் கொள்ளாதீர். அலுவலகத்தில் விவாதங்களை தவிர்ப்பது நல்லது.
தனுசு : திட்டமிட்ட பணிகளை முடிப்பதில் தடுமாற்றம் ஏற்படும். குடும்பத்தில் விட்டுக் கொடுத்து போகவும். பூர்வீக சொத்து தொடர்பான வழக்கில் இருந்த இழுபறி நீடிக்கும். வியாபாரத்தில் வேலையாட்கள் தொந்தரவு தருவார்கள். அலுவலகத்தில் மதிப்பு, மரியாதை உயரும்.
மகரம் : தள்ளிப் போய் கொண்டிருந்த சில பணிகளை முடிப்பீர். சொத்து வாங்குவது குறித்து யோசிப்பீர்கள். உறவினர், நண்பர்கள் தேடி வருவார்கள். வியாபாரத்தில் புதிய வாடிக்கையாளர்கள் அறிமுகமாவர். அலுவலக ரீதியாக வெளியூர் பயணங்கள் மேற்கொள்வீர்கள்.
கும்பம் : தள்ளிப் போய்க் கொண்டிருந்த சுபநிகழ்ச்சிகள் கைகூடி வரும். குடும்பத்தினருடன் சுற்றுலா செல்வீர். ஈகோ பிரச்சினை தீர்ந்து தம்பதிக்குள் நெருக்கம் உண்டு. பிள்ளைகள் பொறுப்புடன் செயல்படுவர். உத்தியோகம் சிறக்கும். வியாபாரத்தில் பிரபலங்களை சந்திப்பீர்கள்.
மீனம் : குடும்பத்தாரின் எண்ணங்களை பூர்த்தி செய்வீர். தந்தை வழியில் இருந்து வந்த மனஸ்தாபங்கள் விலகும். வியாபாரத்தை விரிவுபடுத்தும் முயற்சியில் இறங்குவீர். அலுவலகத்தில் உயரதிகாரிகள் உங்களை கலந்து ஆலோசித்து சில முக்கிய முடிவுகள் எடுப்பார்கள்.
ஸ்ரீ பராபவ வருடம் புரட்டாசி மாதம் 3 ஆம் தேதி ஞாயிற்றுக்கிழமை 20.9.2026.
இன்று மாலை 05.56 வரை நவமி. பின்னர் தசமி.
இன்று அதிகாலை 02.55 வரை மூலம். பின்னர் பூராடம்.
இன்று மாலை 05.05 வரை சௌபாக்கியம். பின்னர் ஷோபனம்.
இன்று அதிகாலை 05.27 வரை பாலவம். பின்னர் மாலை 05.56 வரை கௌலவம். பிறகு தைத்துூலம்.
இன்று முழுவதும் சித்த யோகம்.
நல்ல நேரம்:
காலை : 07.45 முதல் 08.45 மணி வரை
காலை: 10.45 முதல் 11.45 மணிவரை
பகல் : 01.30 முதல் 02.30 மணி வரை
மாலை : 03.15 முதல் 04.15 மணி வரை
இன்றைய நாள் இனிய நாளாக அமைந்திட வாழ்த்துகள்.
மேஷம்: தெளிவாக பேசி சில வேலைகளை முடித்துக் காட்டுவீர்கள். ஈகோ பிரச்சினை தீர்ந்து தம்பதிக்குள் அன்யோன்யம் கூடும். வங்கியில் வாங்கிய கடனை பைசல் செய்வீர்கள். அலுவலகத்தில் நிம்மதி கிட்டும். வியாபாரத்தில் புதிய யுக்திகளைக் கையாண்டு வெல்வீர்.
ரிஷபம்: குடும்ப உறுப்பினர்களிடம் விட்டுக் கொடுத்து போகவும். ஆரோக்கியத்தில் அதிக அக்கறை காட்டுவது நல்லது. சொந்த ஊர் விசேஷங்களில் முதல் மரியாதை கிட்டும். வியாபாரத்தில் பங்குதாரர் களை அனுசரித்து நடக்கவும். அலுவலகத்தில் அலைச்சல் இருக்கும்.
மிதுனம்: பிரபலங்கள் சிலரை சந்திப்பதால் உங்கள் வாழ்வில் சில மாற்றங்கள் வர வாய்ப்பு உண்டு. யோகா, ஆன்மிகத்தில் ஈடுபாடு அதிகரிக்கும். அலுவலகத்தில் அமைதி காப்பது நன்மை தரும். வியாபாரம் சிறக்கும். வேலையாட்கள் உதவிகரமாக நடப்பார்கள்.
கடகம்: தடைபட்டுக் கொண்டிருந்த வேலைகள் இன்று முடிவுக்கு வரும். சகோதரர்களால் பயனடைவீர். ஆன்மிகத்தில் மனம் லயிக்கும். வியாபாரத்தில் நெளிவு சுளிவுகளைக் கற்றுக் கொள்வீர். அலுவலக ரீதியாக பயணம் செய்ய வேண்டி வரும். மேலதிகாரி ஆதரிப்பார்.
சிம்மம்: தட்டு தடுமாறிக் கொண்டிருந்த நிலை மாறி தைரியமான முடிவுகளை எடுப்பீர்கள். தாய்வழியில் ஆதரவு உண்டு. பூர்வீக வீடு, மனை, விவசாய நிலத்தை விற்க முயற்சிப்பீர். வியாபாரரீதியாக வெளியூர் பயணம் மேற்கொண்டு முக்கிய அதிகாரிகளை சந்திப்பீர்கள்.
கன்னி: குடும்பத்துடன் குலதெய்வம் கோயிலுக்கு சென்று வருவீர் கள். பிள்ளைகளின் உடல்நலம் சீராகும். அடிக்கடி தொல்லை தந்த வாகனத்தை மாற்றுவீர்கள். வியாபாரத்தில் புதிய பங்குதாரர்கள் கிடைப்பார். அலுவலகத்தில் சக ஊழியர்களின் ஆதரவு கிட்டும்.
துலாம்: நீண்ட நாள் பிரச்சினைகளுக்கு தீர்வு காண்பீர். குழப்பம் நீங்கி குடும்பத்தில் சந்தோஷம் நிலைக்கும். பிள்ளைகள் பொறுப்பாக நடந்து கொள்வர். அலுவலக ரீதியாக பிரபலங்களை சந்திக்கும் வாய்ப்பு கிடைக்கும். வியாபாரத்தில் வேலையாட்களின் ஆதரவு உண்டு.
விருச்சிகம்: நம்பிக்கைக்கு உரியவர்களை ஆலோசித்து சில முக்கிய முடிவுகள் எடுப்பீர். கணவன் மனைவிக்குள் அன்யோன்யம் அதிகரிக்கும். நண்பர்கள் வீடு தேடி வருவர். வாகனத்தை மாற்றுவீர். வியாபாரம் சூடு பிடிக்கும். அலுவலகத்தில் மேலதிகாரி பாராட்டுவார்.
தனுசு: கணவன் மனைவிக்குள் விட்டுக்குக் கொடுத்து போகவும். வெளி உணவுகளை தவிர்ப்பது நல்லது. பூர்வீக வீடு விற்பனையாகும். ஊர் விசேஷங்களுக்கு தலைமை தாங்குவீர். அலுவலகத்தில் கவனம் தேவை. வியாபாரம் சூடு பிடிக்கும். போட்டிகள் அதிகரிக்கும்.
மகரம்: மறைமுக எதிர்ப்புகள் விலகும். உங்களின் செயலை பார்த்து மற்றவர்கள் வியப்பார்கள். குழப்பம் நீங்கி குடும்பத்தில் நிம்மதி தங்கும். வியாபாரத்தில் புது இடத்துக்கு கடையை மாற்றுவீர்கள். அலுவலகத்தில் உங்கள் கை ஓங்கும். மேலதிகாரி பாராட்டுவார்.
கும்பம்: தடைபட்டுக் கொண்டிருந்த சுபகாரியங்கள் ஏற்பாடாகும். கையில் பணம் புரளும். தாயாரின் உடல் நலத்தில் அக்கறை காட்டவும். அதிகாரப் பதவியில் இருப்பவர்களின் நட்பு கிடைக்கும். அலுவலகத்தில் போட்டிகளை தகர்ப்பீர். வியாபாரத்தில் லாபம் உண்டு.
மீனம்: துணிச்சலாக சில முக்கிய முடிவுகள் எடுப்பீர்கள். அக்கம் பக்கத்தினரை அனுசரித்து நடந்து கொள்ளவும். பிள்ளைகளின் உடல்நலம் சீராகும். பணப்புழக்கம் கூடும். உடன்பிறந்தவர்கள் உறுதுணையாக இருப்பர். வியாபாரத்தில் முன்னேற்றம் காண்பீர்.
ஸ்ரீ பராபவ வருடம் புரட்டாசி மாதம் 2 ஆம் தேதி சனிக்கிழமை 19.9.2026.
இன்று மாலை 03.58 வரை அஷ்டமி. பின்னர் நவமி.
இன்று அதிகாலை 12.15 வரை கேட்டை. பின்னர் மூலம்.
இன்று மாலை 04.33 வரை ஆயுஷ்மான். பின்னர் சௌபாக்கியம்.
இன்று அதிகாலை 12.56 வரை பத்திரை. பின்னர் மாலை 03.58 வரை பவம். பிறகு பாலவம்.
இன்று அதிகாலை 12.15 வரை மரண யோகம். பின்னர் காலை 06.02 வரை அமிர்த யோகம். பிறகு சித்த யோகம்.
நல்ல நேரம்:
காலை : 07.45 முதல் 08.45 மணி வரை
பகல் : 12.15 முதல் 01.15 மணி வரை
மாலை : 04.45 முதல் 05.45 மணி வரை
இரவு : 09.30 முதல் 10..30 மணி வரை
என்னடி செஞ்சு வச்சி இருக்கே நைட் சாப்பிடுவதற்கு. ….
நாலு சப்பாத்தி மட்டும் இருக்கு போய் சாப்பிடுங்க …..
வேற தொ ட்டு கொள்ள என்ன செஞ்ச……
ஒன்னும்இல்ல…வெறும் சப்பாத்திதான்……
.உருளைக்கிழங்கு மசாலா…. செய்யலாமே ……
அதுவெல்லாம் இல்லே…..
பழைய குழம்பு…எதுவும் இல்லையா…..
இல்லை…இல்லை……
ஏன் கத்தரே… முந்தா நாள் வைச்சபழைய மீன் குழம்பு இருக்குதா……. பிரிட்ஜ்லே பாருடி……
அதுவும் இல்ல…பேசாமே போங்க……
வேலைக்கு போன மனுஷன் ராத்திரி வெறும் சப்பாத்தியை யா….தின்னுட்டு படுப்பான்…. என்னடி வேலை செய்ற….ரசம் இருந்தா ஊத்து….,.
ஆமா…..நீங்க கொடுக்கிற இருபதாயிரம் ரூபாய்ல எல்லாம் வந்துருமா …?வாடகை,சாப்பாடு செலவு.. ..,,காய்கறிகள்.. மளிகை சாமான்கள்… எல்லாம் வாங்கணும் இந்த காலத்தில் போதுமா….?சம்பளத்தை ஏற்றி கொடுக்கிறது…
அடிப்பாவி நான் மட்டும் சும்மாவா இருக்கறேன் பசங்க ஸ்கூல் பீஸ்…காலேஜ்பீஸ் டிரஸ்…. கேஸ்.. அது இதுன்னு….எல்லாம் செய்ய வேண்டாம்….போடிஎதுவும் வேணாம்…. சும்மாவே படுத்துக் கொள்கிறேன்……
சரி சரி… உள்ளே போங்க, கால் கிலோ மட்டன் வாங்கி குருமாசெஞ்சுவெச்சிருக்கேன்….போய் நிம்மதியா சாப்பிடுங்க ஓகேவா……
எப்படிடி மனசு வந்தது உன்ன போல பொண்டாட்டி கிடைக்க நான் கொடுத்து வச்சிருக்கணும்டி ரொம்ப தேங்க்ஸ்……
நான்மட்டும்என்னவாம்..உங்க பிறந்தநாள் கூட உங்களுக்கு ஞாபகம் இல்லாம,வேலைக்கு போயிட்டு வர புருஷனுக்கு இது கூட செய்யலைன்னா நான் ஒரு நல்ல மனைவியே இல்லைங்க…. கை கால் கழுவிட்டு வந்து நிம்மதியா போய் சாப்பிடுங்க சார்….
ரொம்ப ராசியான கல்லு சார் ! எத்தனை பேரிடம் போனாலும் என்னிடம் சரியாக திரும்பி வந்து விடும் !
கன்னம் டொக்கு விழுந்த ராஜு சேவிங் செய்துகொள்ள பார்பர் ஷாப் போனான்.
குழி விழுந்த கன்னத்துக்குள் சரியாக சேவிங் பிளேடு போட முடியாததால் பார்பர் ஒரு கூழாங்கல்லை குடுத்து அவன் கடைவாயில் வைத்துக்கொள்ள சொன்னார். கூழாங்கல் அவன் வாயிக்குள் அடைத்து அவன் கன்னம் குழியில்லாமல் இருந்ததால் வசதியாக சேவிங் செய்து முடித்தார்.
ஷேவிங் முடிந்துவிட்டு இருந்த நிலையில் அவன் தவறுதலாக அந்த கூழாங்கல்லை விழுங்கிவிட்டான்.
பார்பர் சொன்னார் “ஒன்னும் கவலை படாதீங்க. ரெண்டு நாளுக்குல்ல வெளியே வந்துடும். எடுத்து சுத்தம் செய்து என்கிட்ட வந்து குடுத்துடலாம். இதுக்கு முன்ன இந்த கூழாங்கல்லை விலுங்குனவங்க எல்லாம் அப்படிதான் செஞ்சாங்க”
Home
