கிளிநொச்சி கோரக்கண்கட்டு கிராமத்தில் யாழ்ப்பாணம் போதனா வைத்தியசாலையின் பணிப்பாளர் த. சத்தியமூர்த்தியின் பிறந்த தினத்தை முன்னிட்டு கிளிநொச்சி நகர ரொட்டரிக் கழகத்தினால் தென்னை மரக்கன்றுகள் நடுகை செய்யப்பட்டுள்ளன

கிளிநொச்சி நகர ரொட்டரிக் கழகத்தின் நடு செயத் திட்டத்தின் கீழ்; யாழ் போதனா வைத்தியசாலையினுடைய பணிப்பாளர் த. சத்தியமூர்த்தி அவர்களின் பிறந்த தினமான இன்று (16-03-2023) பிற்பகல் கண்டாவளை பிரதேச செயலாளர் பிரிவுக்கு உட்பட்ட கோரக்கண்கட்டு கிராமத்தில் வசிக்கும் முருகானந்தா கல்லூரி யில் தரம் -06 இல் கல்வி கற்கும் மாணவி கே. கோன்சியா என்பவரின் எதிர் காலத்தை கருத்தில் கொண்டு தென்னங்கன்றுகள் நடுகை செய்யப்பட்டுள்ளன.

இன்று பிற்பகல் குறித்த மாணவியின் வீட்டு வளாகத்தில் ரொட்டரிக் கழகத்தினை சேர்ந்தவரும் வட்டக்கச்சி ஆரம்ப வித்தியாலய முதல்வருமான பங்கற் செல்வன் தலைமையில் நடைபெற்ற நிகழ்வில் யாழ் வைத்திய சாலையின் பணிப்பாளர் வைத்தியர் த.சத்தியமூர்த்தி கிளிநொச்சி முட்கொம்பன் வித்யாலய முதல்வர் ஜேய் பியசீலன் மாகாண நீர்ப்பாசன பொறியியலாளர் என் சுதாகரன் கோரக்கன் கட்டு கிராம அலுவலர் கோ.சேகர் ரொட்டரிக் கழகத்தைச் சேர்ந்த ஜேசுவா அடிகள் ஓய்வு நிலை அதிபர் பத்மநாதன் மற்றும் ரொட்டரிக்கழக உறுப்பினர்கள் கிராம மக்கள் வைத்தியர்கள் என பலர் கலந்து கொண்டிருந்தனர்.