பாயகரமான வெடிபொருட்களை அகற்றியுள்ளதாக ஸார்ப் நிறுவனம்

முல்லைத்தீவு  அம்பகாமம்தச்சடம்பன்  மற்றும் கிளிநொச்சி  முகமாலை ஆனையிறவு ஆகிய பிரதேசங்களில் இருந்து இதுவரை இருபத்தொரு இலட்சத்து முப்பத்தையாயிரத்து நூற்றுஐம்பத்தாறு சதுரமீற்றர் பரப்பளவில் இருந்து முப்பத்திமூவாயிரத்து எண்நூற்று இருபத்தைந்து அபாயகரமான வெடிபொருட்களை அகற்றியுள்ளதாக ஸார்ப்  நிறுவனத்தின் நடவடிக்கை முகாமையாளர் ஓய்வுபெற்ற கப்டன் பிரபாத் நாரம்பனவ தெரிவித்தார்.  

மேற்படி மனிதாபிமான கண்ணிவெடியகற்றும் நிறுவனத்தினால் இன்று (02-08-2022) அனுப்பி வைத்துள்ள ஊடக அறிக்ககையிலேயே மேற்கண்டவாறு தெரிவிக்கப்பட்டுள்ளது.  அதாவது இலங்கையின் வடபகுதியில் மனிதாபிமான கண்ணிவெடியகற்றலில் ஜப்பான் மற்றும் அமெரிக்கா நாட்டு நிதியுதவியுடன் ஈடுபடும் ஸார்ப் ( SHARP )மனிதாபிமானக் கண்ணிவெடியகற்றும் அரச சார்பற்ற நிறுவனமானது.

2016 ஆம் ஆண்டு நவம்பர் மாதம் தொடக்கம் 2022 ஜுலை மாதம்; 27 ஆம் திகதி; வரையான காலப்பகுதியில் முல்லைத்தீவு மாவட்டத்தில் ஒட்டுசுட்டான் பிரதேச செயலகத்தின் கீழ் உள்ள அம்பகாமம் மற்றும் தச்சடம்பன் பகுதியிலும்; ,புதுக்குடியிருப்பு பிரதேச செயலகத்தின் கீழ் உள்ள சுதந்திரபுரம் பகுதியிலும்; கிளிநொச்சி மாவட்டத்தில் பச்சிலைப்பள்ளி பிரதேச செயலகத்தின் கீழ் உள்ள முகமாலை மற்றும் ஆனையிறவிலும் இருபத்தொரு இலட்சத்து முப்பத்தையாயிரத்து நூற்றுஐம்பத்தாறு சதுரமீற்றர் பரப்பளவில் (2இ135இ156ளஙஅ) இருந்து முப்பத்திமூவாயிரத்து எண்நூற்று இருபத்தைந்து (33இ825) அபாயகரமான வெடிபொருட்களை அகற்றியுள்ளதாக ஸார்ப் நிறுவனத்தின் நடவடிக்கை முகாமையாளர் ஓய்வுபெற்ற கப்டன் பிரபாத் நாரம்பனவ தெரிவித்தார்.

தொடர்ந்து இந்நிறுவனம் கண்ணிவெடியகற்றும் பணிகளை முகமாலை மற்றும் புதுக்குடியிருப்பு பிரதேச செயலகத்தின் கீழ் உள்ள சுதந்திரபுரம் பகுதியிலும் அம்பகாமம்; பகுதியிலும்; துரித கதியில் முன்னெடுத்து வருகின்றமை குறிப்பிடத்தக்கது.