தேசிய அடையாள அட்டைகளை விரைவாகப் பெறுவதற்கான சிறப்பு முன்பதிவு திட்டம்

சிறிலங்காவில் தேசிய அடையாள அட்டைகளை விரைவாகப் பெற சிறப்பு முன்பதிவு  திட்டம் ஒன்று அறிமுகப்படுத்தப்பட்டுள்ளது.

அதன்படி 011 5 226 126 அல்லது 011 5 226 100 ஆகிய தொலைபேசி எண்களுக்குத் தொடர்பு கொண்டு அதற்கான நேரம் மற்றும் திகதி ஆகியவற்றை முன்பதிவு செய்து கொள்ளலாம்.

ஆட்களைப் பதிவு செய்யும் திணைக்களத்திற்கு ஏற்கனவே விண்ணப்பங்களை அனுப்பிய விண்ணப்பதாரர்கள் தேசிய அடையாள அட் டையை விரைவாகப் பெற விரும்பினால் மேலே குறிப்பிட்டுள்ள தொலைபேசி எண்களுக்குத் தொடர்பு கொண்டு எங்களுக்கு அறிவிக்க சந்தர்ப்பம் வழங்கப்படும் என ஆட்களைப் பதிவு செய்யும் திணைக்களம் அறிவித்துள்ளது.

பொதுச் சேவையின் கீழ் தேசிய அடையாள அட்டைகளைப் பெற விரும்பும் நபர்கள், கிராம சேவகர் மூலம் தங்கள் விண்ணப்பங்களை தமக்குரிய பிரதேச செயலகத்தின் தேசிய அடையாள அட்டைப் பிரிவுக்குச் சமர்ப்பிக்க முடியும் என ஆட்களை பதிவு செய்யும் திணைக்களம் அறிவித்துள்ளது.

விண்ணப்பங்கள் திணைக்களத்தால் பெறப்பட்டதும், தேசிய அடையாள அட்டை அச்சிடப்பட்டு பதிவுத் தபாலில் விண்ணப்பதாரருக்கு அனுப்பி வைக்கப்படும் என்றும் அறிவிக்கப்பட்டுள்ளது.