நெஞ்சம் மறப்பதில்லை ஹிட்டாக இரண்டு முக்கிய காரணம் - எஸ் ஜே சூர்யா

ஒரு சில படங்கள் தான் ஆரம்பிக்கும் சமயத்திலேயே அதீத எதிர்பார்ப்பை ஏற்படுத்தும். அப்படி மூன்று இயக்குநர்களின் சங்கமத்தில் கவுதம் மேனன் தயாரிப்பில், செல்வராகவன் இயக்கத்தில், எஸ் ஜே சூர்யா நடிப்பில் காமெடி பேய் படங்களுக்கு டிமாண்ட் உள்ள நேரத்தில் ஆரம்பிக்கப்பட்ட ப்ரொஜெக்ட்  "நெஞ்சம் மறப்பதில்லை".

இப்படம் சந்தித்த பிரச்சனைகள் ஏராளம். 2016 இல் இருந்து ரிலீஸ் ஆகாமல் இருந்தது. பல தடைகளை சந்தித்தும், OTT ரிலீஸ் செல்லாமல் செல்வாவின் ரசிகர்களை நம்பி திரையரங்கத்தில் ரிலீஸ் செய்து வெற்றியை பெற்றுள்ளது இந்த படக்குழு.

படத்தினை பற்றி பிரபல யூ ட்யூப் சேனலுக்கு எஸ் ஜே சூர்யா பேட்டி கொடுத்தார். அதில் படம் ஹிட் ஆக இந்த இரண்டும் தான் முக்கிய காரணம் என சொல்லியுள்ளார்.

முதலில் செல்வாவின் படம் இவ்வளவு வருடங்கள் தள்ளி ரிலீஸ் ஆனதால் தான் அனைவருக்கும் படம் பிடித்துவிட்டது.