விமானத்தில் மயங்கி விழுந்து உயிரிழந்த இந்திய வம்சாவளி இளம்பெண்

மெல்போர்னில் இருந்து டெல்லிக்கு செல்லும் விமானத்தில் எறிய இந்திய வம்சாவளி பெண் ஒருவர் மயங்கி விழுந்த நிலையில் உயிரிழந்துள்ள சம்பவம் பெரும் சோகத்தை எற்படுத்தியுள்ளது.

இந்திய வம்சாவளி சேர்ந்த 24 வயதான பெண்ணான மன்ப்ரீத் கவுர் பெரிய சமையல் கலைஞராக வேண்டும் என்ற ஆசையுடன் 2020 ஆம் ஆண்டு மார்ச் மாதம் ஆஸ்திரேலியாவில் சமையல் படிப்பு படிக்க சென்றுள்ளார். படிக்கும் போதே வேலை செய்து தனது செலவுகளை அவர் கவனித்து வந்துள்ளார். 

இந்த நிலையில், 4 ஆண்டுகளுக்குப் பிறகு இந்தியாவில் உள்ள தனது குடும்பத்தை பார்க்க வேண்டும் என்று அவர் திட்டமிட்டிருந்தார். மெல்போர்னில் இருந்து டெல்லிக்கு செல்லும் விமானத்தில் ஏறியுள்ளார். ஆனால் விமானத்தில் ஏறி அவள் சீட் பெல்ட்டை அணிய முயன்றபோது திடீரென சரிந்து விழுந்து உயிரிழந்துள்ளார். காசநோயின் காரணமாகத்தான் இளம்பெண் உயிரிழந்துள்ளார் என்று பரிசோதனை செய்த மருத்துவர்கள் தெரிவித்துள்ளனர்.