தமிழகத்தில் இன்று 28,897 பேருக்கு கொரோனா தொற்று

தமிழக சுகாதாரத்துறை இன்று தமிழகத்தில் 28,897 பேர்களுக்கு புதிதாக கொரோனா தொற்று பரவி இருப்பதாக அறிவித்துள்ளது. இந்த நிலையில் தமிழகத்தில் கொரோனா பாதிப்பு உள்ளவர்களின் மொத்த எண்ணிக்கை 13,80,259 ஆக உயர்ந்துள்ளது என்பது குறிப்பிடத்தக்கது.

இன்று கொரோனாவால் பாதிப்பு அடைந்த 28,897 பேர்களில் 7130 பேர்கள் சென்னையை சேர்ந்தவர்கள் என்பது குறிப்பிடத்தக்கது. மேலும் தமிழகத்தில் இன்று கொரோனாவுக்கு 236 பேர் பலியாகியுள்ளதை அடுத்து தமிழகத்தில் பலி எண்ணிக்கை 15,648 ஆக உயர்ந்துள்ளது என்றும் சுகாதாரத்துறை அறிவித்துள்ளது.

மேலும் தமிழகத்தில் இன்று 23,515 பேர் கொரோனாவில் இருந்து குணமாகியுள்ளனர். இதனையடுத்து தமிழகத்தில் குணமானோர் எண்ணிக்கை 12,20,064 ஆக உயர்ந்துள்ளது. மேலும் தமிழகத்தில் இன்று 153,790 பேர்களுக்கு கொரோனா பரிசோதனை செய்யப்பட்டுள்ளதாகவும் இதனையடுத்து கொரோனா பரிசோதனை செய்யப்பட்டவர்களின் மொத்த எண்ணிக்கை 240,08,587 என்றும் சுகாதாரத்துறை அறிவித்துள்ளது.