புதுமனை புகுவிழா நடத்திய புட்சட்னி ராஜ்மோகன்

சென்னையில் வீடு வாங்குவது என்பது அனைவருக்கும் ஒரு பெரிய கனவாகவே இருந்து வருகிறது. வாழ்க்கையில் ஒரு மனிதன் சாதிக்க வேண்டும் என நினைக்கும் பக்கெட் லிஸ்ட்டில் சொந்த வீடு அவசியம். அதை தற்போது ராஜ்மோகன் நிகழ்த்திக் காட்டியிருக்கிறார்.

புட் சட்னி எனும் யூடியூப் சேனல் மூலம் பிரபலமானவர் தான் ராஜ்மோகன். தமிழில் அதிக ஆர்வம் கொண்ட இவர், தனியாக புத்தகங்கள் வாசிக்கும் யூடியூப் சேனல் ஒன்றையும் தொடங்கினார். ராஜ்மோகன் ரிப்போர்ட் யூடியூப் சேனல் மற்றும் மனைவி கவிதா ராஜமோகன் விலாக் உள்ளிட்டவற்றில் வீடியோக்களை பதிவிட்டு வருகிறார்.

ராஜ்மோகன் சென்னையில் புதிதாக வீடு ஒன்றை வாங்கியுள்ளார். அதன் புதுமனை புகுவிழா இன்று நடத்தியவர், சமூக வலைத்தளங்களில் தனது மனைவி மற்றும் மகன்களுடன் புது வீட்டில் எடுத்துக்கொண்டு புகைப்படங்களை வெளியிட்டுள்ளார்.

சென்னையில் புது வீடு வாங்கி உள்ளோம். வீட்டின் பெயர் பகத்சிங் இல்லம். நீங்களும் உங்கள் பரிசுகளை அனுப்பலாம். வாயார வாழ்த்தும் வார்த்தைகளை விட வேறு பரிசு இருக்க முடியுமா என்ன? என தனது சந்தோஷத்தை பதிவிட்டுள்ளார் ராஜ்மோகன்.