சிறை தண்டனைக்குள்ளான வருமானவரி ஆலோசகர்கள்

போலியான ஆவணங்கள், தகவல்களினை சமர்ப்பித்து கனடிய அரசுக்கு வருமானவரி தாக்கல் செய்து வாடிக்கையாளருக்கு நன்மை செய்யப்போய் சிறை சென்ற சில வருமானவரி ஆலோசகர்களின் ஒரு சில கதைகளினை மட்டும் மூன்று நிமிடங்களில் சொல்லி முடிக்கப்போகின்றேன்.

ஓர் படிப்பினைக்காக அறிந்து கொள்ளுங்கள்.

திரு. இமாட் குரும் (Mr.Imad Kutum ) என்பவர் மிசுசாக நகரில் சொந்தமாக கணக்காய்வு கம்பனி வைத்திருந்து, தமது கம்பனி ஊடக வாடிக்கையாளர்களின் வருமானங்களினை அரசுக்கு சமர்ப்பிக்கும் ஓர் பட்டய கணக்காளர் (Chartered Accountant). போலியான நன்கொடை பற்று சீட்டுகள் (Fake charity donation receipts) சமர்ப்பித்து வரி செலுத்தும் பணங்களினை மீதப்படுத்தி கொடுப்பவர் என பெயர் பெற்றவர்.

2003- 2008ம் ஆண்டுகளுக்கு இடையில் 487 பேருக்கு மொத்தமாக சுமார் $3.6 மில்லியன் டொலருக்கு போலியான நன்கொடை பற்று சீட்டுகள் சமர்பித்து ஒரு மில்லியனுக்கு மேல் வரி செலுத்துவதினை மோசடியாக மீதப்படுத்தி கொடுத்திருந்தார் என்ற குற்றச்சாட்டில் இரு வருடங்கள் சிறை $100,000 டொலர் பண தண்டனை என நீதிமன்றம் தீர்ப்பு வழங்கியது.

ஆதாரம் : "Tax accountant lands in prison in 3.6 million fraud"

- Toronto Star - May/5/2013

இதே போல் பிரம்ரன் நகரிலிருந்து வருமானவரி ஆலோசகராக பணி புரிந்த,கறுப்பினத்தவரான Mr.John Oladapo Oladehinde என்பவர் 2001-2005ம் ஆண்டுகளுக்கிடையில் சுமார் 1427 பேருக்கு மொத்தமாக $13 மில்லியன் டாலருக்கு போலியான நன்கொடை பற்று சீட்டுகள் ஆதாரமாக காட்டி வருமானவரி தாக்கல் செய்தமையால், இறுதியில் கனடாவினை விட்டு தப்பி ஓடி மீண்டும் 2009ம் ஆண்டு திரும்பி வரும்போது டொரொன்றோ விமான நிலையத்தில் கைது செய்யப்பட்டார்.பண தண்டனை $412,306 மற்றும் இரு வருடங்கள் சிறை என தீர்ப்பு வழங்கப்பட்டது.

ஆதாரம் : "Investment Executive" Magazine in July/09/2020

Ms. Monique Van Dijk என்ற பெண் கல்கேரி நகரிலிருந்து சுமார் 50க்கு மேற்பட்ட வாடிக்கையாளருக்கு போலியான ஆவணங்கள், ரீசீற்றுகள்,பத்திரங்களினை சமர்ப்பித்து பெரும் தொகையில் மீள் வரி பணங்களினை பெற்றுக்கொடுத்தார்.

* 12 மாத வீட்டு காவல் சிறை * 12 மாத நன்னடத்தை * 1,16000 பண தண்டனைஎன நீதிமன்ற தீர்ப்பு வழங்கப்பட்டது.

ஆதாரம் : "Calgary woman fined, given house arrest for filing multiple false tax returns" - Calgary Herald - Dec/22/2023

Mr. Douglas Hubert Raymond என்பவர் கிங்ஸ்டன் நகரில் (Kingston/ Ontario) தொழில் புரியும் ஓர் கணக்காளர்.

ஒற்றாவா நகரில் பல் வைத்தியராக தொழில் புரியும் Mr. Kin Tung Fong என்னும் தமது வாடிக்கையாளருக்கு 2008-2012ம் ஆண்டுகளுக்கிடையில் 2 மில்லியனுக்கு மேல் வருமானம் சமர்ப்பித்தபோது முழுவதனையும் செலவாக கழித்து (Business expenses) சுமார் $538,061 தொகை வரி ஏமாற்று செய்து தாக்கல் செய்திருந்தார். தப்பாக குடும்ப வருமானத்தினை காட்டி அவரது மனைவி $34,432 டாலர் GST credits & Child Tax Benefits என பெற வழி காட்டியிருந்தார் .

இறுதியில் இருவருக்கும் தண்டனை கிடைத்தது.

* 18 Months conditional jail

* $34,432 டாலர் பண தண்டனை

...............தொடர்ந்து விவரமாக தெரிந்து கொள்ள வீயோடிவைப் பாருங்கள்.