3வது முறையாக சொல்லி அடித்த செல்லூர் கே.ராஜு

மதுரை மேற்கு தொகுதியில் அதிமுக சார்பில் செல்லூர் கே.ராஜு, திமுக சார்பில் சின்னம்மாள் உள்ளிட்ட 15 பேர் போட்டியிட்டனர்.

அதிமுக சார்பில் போட்டியிட்ட செல்லூர் கே.ராஜு தன்னை எதிர்த்து போட்டியிட்ட திமுக வேட்பாளர் சின்னம்மாவை 9,121 வாக்கு வித்தியாசத்தில் மேற்கு தொகுதியில் 3 ஆம் முறையாக வெற்றி பெற்றார்.

மொத்தம் பதிவான 2,02,119 வாக்குகளில் அதிமுக வேட்பாளர் செல்லூர் கே.ராஜு 83,883 வாக்குகளும், திமுக வேட்பாளர் சின்னம்மாள் 74,762 வாக்குகளும், மக்கள் நீதி மய்ய வேட்பாளர் முனியசாமி 15,849 வாக்குகளும், நாம் தமிழர் வேட்பாளர் வெற்றிக்குமரன் 18,224 வாக்குகளும், தேமுதிக வேட்பாளர் பாலசந்திரன் 3,417 வாக்குகளும் பெற்றனர்.

நோட்டாவுக்கு 1,774 வாக்குகள் பதிவாகியது, இதனையடுத்து செல்லூர் கே.ராஜு வெற்றி சான்றிதழை நேற்று பெற்றார். அதனைத்தொடர்ந்து இன்று காலை மதுரை மாவட்ட நீதிமன்றம் அருகில் உள்ள எம். ஜி. ஆர் சிலை மற்றும் ஜெயலலிதா அவர்களின் சிலைக்கும் தேர்தலில் வெற்றி பெற்றதற்காக மாலை அணிவித்து மரியாதை செய்தார். பத்திரிக்கையாளர்களை சந்தித்த அவர், எனக்காகவும், கட்சிக்காகவும் உழைத்து வெற்றி வாய்ப்பினை பெற்றுக் கொடுத்த பொதுமக்களுக்கும் கட்சி நிர்வாகிகள் அனைவருக்கும் நன்றியை தெரிவித்தார் கொண்டார்.