விஜயபிரியா பேச்சை புறக்கணித்த ஐ.நா

கர்நாடகாவைத் தலைமையிடமாகக் கொண்டு பிடதியில் ஆசிரமம் அமைத்த நித்தியானந்தாவிற்கு கர்நாடகாவில் ஏராளமான சீடர்கள் உள்ளனர். இவர் மீது இந்தியாவின் பல்வேறு மாநிலங்களில் கடத்தல், குழந்தைகளைச் சட்டவிரோதமாக அடைத்தல், பாலியல் வழக்குகள் பதிவு செய்யப்பட்டுள்ளது.

பிப்ரவரி 22ம் தேதி ஜெனீவாவில் நடந்த ஐக்கிய நாடுகள் சபையின் பொருளாதார மற்றும் கலாச்சார உரிமைகளுக்கான 19 வது மாநாட்டின் 73 வது கூட்டம் நடைபெற்றது. இதில் கைலாசா நாட்டின் அமெரிக்காவின் பிரதிநிதியாக மா.விஜயபிரியா நித்யானந்தா கலந்து கொண்டார். அங்கு பேசும் போது அவர் நித்யானந்தா தனது தாய்நாட்டால் வேட்டையாடப்படுவதாக குற்றம் சாட்டினார்.

ஐக்கிய நாடுகள் சபையில் தனது அறிக்கை "தவறாகப் புரிந்து கொள்ளப்பட்டு, வேண்டுமென்றே திரிக்கபட்டு உள்ளது என்றும் ஊடகங்களின் சில இந்து எதிர்ப்பு பிரிவுகளால் சிதைக்கப்படுகிறது" என்று விஜயபிரியா நித்தியானந்தா கூறி உள்ளார்.

இந்த நிலையில், ஐ.நா கூட்டத்தில் நித்தியானந்தாவின் பிரதிநிதிகள் பேசிய கருத்து முற்றிலும் புறக்கணிக்கப்படுகிறது என ஐக்கிய நாடுகள் சபை தெரிவித்துள்ளது. இது குறித்துப் பேசிய ஐ.நா சபை கூறும் போது பொது விவாதங்கள் என்பது, நேரில் பங்கேற்க மற்றும்/அல்லது எழுத்துப்பூர்வ சமர்ப்பிப்புகளை வழங்க ஆர்வமுள்ள எவருக்கும் திறந்திருக்கும் பொதுக் கூட்டம் ஆகும். ஒரு பொது விவாதத்தின் நோக்கம், அந்தந்த குழுக்களின் சுயாதீன நிபுணர்கள் கேள்விகளுக்கு பதிலளிக்கவும், பல்வேறு பங்குதாரர்களின் கருத்துக்களைக் கேட்கவும் அனுமதிப்பதாகும். ஒரு பொதுக் கருத்தின் வரைவு, இது குறிப்பிட்ட பிரச்சினைகள் அல்லது கருப்பொருள்கள் மீதான தங்கள் கடமைகளை நிறைவேற்றுவதில் அரசுகளுக்கு உதவுவதற்கான வழிகாட்டியாகும். பிப்ரவரி மாதம் நடந்த ஐ.நா சபைக் கூட்டத்தில் கைலாசாவில் இருந்து பிரதிநிதிகள் கலந்து கொண்டனர். இவர்கள் கூட்டத்திற்குத் தொடர்பில்லாத கருத்துக்களைத் தெரிவித்தனர். இதனால் இவர்கள் பேசிய கருத்துக்களை ஐக்கிய நாடுகள் சபை முற்றிலுமாக புறக்கணிக்கிறது. ஐ.நா.வுக்கான கைலாசத்தின் நிரந்தர தூதர் என்று கூறிய விஜயபிரியா, நித்யானந்தா கூறிய கருத்துகள் கூட கவனத்தில் எடுத்துக்கொள்ளப்படாது என தெரிவிக்கப்பட்டுள்ளது.