பேரணியில் கலந்து கொள்வதற்காக மட்டக்களப்பு நோக்கிச் சென்ற யாழ். மாநகரசபை மேயர் வேட்பாளரான க.சிவாஜிலிங்கம் பயணித்த வாகனம் விபத்துக்குள்ளானது

வடக்கிலிருந்து கிழக்கு நோக்கிய பேரணியில் கலந்து கொள்வதற்காக மட்டக்களப்பு நோக்கிச் சென்ற ஜனநாயக தமிழ் தேசிய கூட்டணியின் யாழ். மாநகரசபை மேயர் வேட்பாளரான க.சிவாஜிலிங்கம் பயணித்த வாகனம் திருகோணமலை – மட்டக்களப்பு பிரதான வீதியின் சேருநுவர – மகிந்தபுர பகுதியில் வைத்து முச்சக்கர வண்டி ஒன்றுடன் இன்று காலை (07) மோதி விபத்துக்குள்ளானது. இதன்போது முச்சக்கர வண்டியை செலுத்திய ஜி.கே.எட்வின் (வயது 65) காயமடைந்துள்ள நிலையில் சேருவில வைத்தியசாலையில் சேர்க்கப்பட்டு பின்னர் மூதூர் வைத்தியசாலைக்கு மாற்றப்பட்டு தற்போது திருகோணமலை வைத்தியசாலையில் அனுமதிக்கப்பட்டுள்ளார்.