சுன்னாகம் லயன்ஸ் கழக அனுசரணையில் கலைமதி முன்பள்ளியில் சிறுவர்தின நிகழ்வு!

கந்தரோடை கலைமதி முன்பள்ளியின் சிறுவர்தின நிகழ்வு இன்று (ஞாயிற்றுக்கிழமை) சுன்னாகம் லயன்ஸ் கழகத்தின் அனுசரணையில் சுன்னாகம் லயன்ஸ் கழகத் தலைவரும் கந்தரோடை கலைமதி சனசமூக நிலையத் தலைவருமாகிய லயன் க.தினேஷ் தலைமையில் நடைபெற்றது.இந்த நிகழ்வில் விருந்தினர்களாக சுன்னாகம் லயன்ஸ் கழகச் செயலாளரும் வலி.வடக்கு பிரதேசசபை உறுப்பினருமாகிய லயன் சி.ஹரிகரனும், கந்தரோடை நோர்வே ஒன்றியத்தின் தலைவர் ஸ்ரீபவனும் கலந்துகொண்டு மாணவர்களுக்குரிய பரிசில்களை வழங்கிவைத்தனர்.சுன்னாகம் லயன்ஸ் கழகத்தில் பலவருடம் சேவையாற்றி அமரத்துவமடைந்த லயன் கைலாசநாதன் அமரத்துவமடைந்த நினைவுதினமாகிய இன்று அவரது ஞாபகார்த்தமாக அவரது பேரன் குமரனால் இந்த நிகழ்வுக்கான அனுசரணை வழங்கப்பட்டது. மாணவர்களுக்கான பரிசில் பொதிகளை கந்தரோடை நோர்வே ஒன்றியத்தின் கிளைத் தலைவர் ஸ்ரீபவன் தனது நிதியில் அன்பளிப்புச் செய்தார்.ஓவியப் போட்டியில் பங்குபற்றிய மாணவர்களுக்கான கற்றல் உபகரணங்களை சுன்னாகம் லயன்ஸ் கழக உறுப்பினர் லயன் செ.விஜிதரன் அன்பளிப்பாக வழங்கியிருந்தார்.