கொவிட் தொற்றுக்கு மேலும் 22 பேர் உயிரிழப்பு

இலங்கையில் கொரோனா வைரஸ் (கொவிட் 19) தொற்றுக்கு உள்ளாகி மேலும் 22 பேர் உயிரிழந்துள்ளனர். இவர்கள் அனைவரும் நேற்றைய தினம் (16) உயிரிழந்தவர்கள் என சுகாதார சேவைகள் பணிப்பாளர் நாயகம் உறுதிப்படுத்தியுள்ளார்.

கொவிட் தொற்றுக்கு உள்ளாகி உயிரிழந்தவர்களின் எண்ணிக்கை 14,720 ஆக அதிகரித்துள்ளதாக அவர் தெரிவித்தார். கொரோனா தொற்றில் இருந்து மேலும் 341 பேர் பூரணமாக குணமடைந்து வீடு திரும்பியுள்ளதாக சுகாதார அமைச்சு தெரிவித்துள்ளது.

இதுவரை கொரோனா தொற்றில் இருந்து பூரணமாக குணமடைந்தவர்களின் எண்ணிக்கை 546,839 ஆக அதிகரித்துள்ளது. கொரோனா தொற்றுக்கு உள்ளானவர்களின் எண்ணிக்கை 577,484 அதிகரித்துள்ளதாக சுகாதார அமைச்சு தெரிவித்துள்ளது.