முதல்வருக்கு வேண்டுகோள் விடுத்த கமல்

சென்னை மறைமலைநகர் பகுதியில் பிரபல கார் நிறுவனமான போர்டின் ஆலை பல காலமாக செயல்பட்டு வந்தது. தற்போது அங்கிருந்து போர்டு நிறுவனம் வெளியேற உள்ளதாக தெரிவித்துள்ளது. இதனால் அங்கு பணி புரியும் நான்கு ஆயிரம் பேர் வேலையிழக்கும் அபாயம் ஏற்பட்டுள்ளது. கடந்த ஒருவாரமாக உற்பத்தி நிறுத்தப்பட்டுள்ளது. 

மக்கள் நீதி மய்ய கட்சி தலைவர் கமல் இது குறித்து முதல்வருக்கு வேண்டுகோள் ஒன்றை விடுத்துள்ளார். அவர் கூறியதாவது, போர்டு நிர்வாகத்தின் திடீர் முடிவால் நேரடி, மறைமுக ஊழியர்கள், குடும்பத்தினர் நிலைகுலைந்து போயுள்ளனர். போர்டு நிறுவன ஊழியர்களின் வாழ்வாதாரம் காக்கப்படுவதை முதல்வர் மு.க.ஸ்டாலின் உறுதி செய்ய வேண்டும் என தெரிவித்திருக்கிறார்.