பாலியல் வழக்கில் கைதான சிவசங்கர் பாபாவுக்கு 3 நாட்கள் போலீஸ் காவல்

சிவசங்கர் பாபா தான் நடத்தி வந்த சுஷில் ஹரி இன்டர்நேஷனல் பள்ளியில் படித்த மாணவிகளுக்கு பாலியல் தொல்லை கொடுத்ததாக பாதிக்கப்பட்ட முன்னாள் மாணவிகள் புகார் அளித்தனர். மாணவிகளுக்கு உதட்டில் முத்தம் கொடுப்பது, கட்டியணைப்பது என எல்லை மீறிய சிவசங்கர் பாபா, ஒருகட்டத்தில் அவர்களை தனி அறைக்கு அழைத்து சென்று பாலியல் சீண்டலில் ஈடுபட்டதாகவும் புகார் அளிக்கப்பட்டது. புகாரின் அடிப்படையில் சிவசங்கர் பாபாவை கைது செய்த போலீசார் செங்கல்பட்டு நீதிமன்றத்தில் அடைத்தனர். இதையடுத்து அவருக்கு உடல்நலக்குறைவு ஏற்படவே அவர் கடந்த சில நாட்களாக சென்னை ராஜீவ்காந்தி அரசு மருத்துவமனையில் சிகிச்சை பெற்று பின் குணமடைந்து வீடு திரும்பினார்.

மாணவிகளுக்கு பாலியல் தொல்லை கொடுத்த புகாரில் கைதான சிவசங்கர் பாபாவை 3 நாட்கள் காவலில் எடுத்து விசாரிக்க சிபிசிஐடி போலீசாருக்கு செங்கல்பட்டு நீதிமன்றம் அனுமதி அளித்துள்ளது.