குடிநீர் நெருக்கடியை எதிர்கொள்வதாக கரைச்சி பிரதேச மக்கள் தெரிவித்துள்ளனர்.

கிளிநொச்சி மாவட்டத்தின் கரைச்சி பிரதேச செயலாளர் பிரிவுக்கு உட்பட்ட கோணாவில் யுனியன்குளம் மற்றும் 8ம் கட்டை ஆகிய கிராமங்களில் தற்போதைய வரட்சியினால் குடிநீர் நெருக்கடியை எதிர்கொள்வதாக பிரதேச மக்கள் தெரிவித்துள்ளனர்.கிளிநொச்சி மாவட்டத்தின் கரைச்சி பிரதேச செயலாளர் பிரிவுக்கு உட்பட்ட பல கிராமங்களில் தற்போது குடிநீர் நெருக்கடி காணப்படுகின்றது.தற்போதைய வரட்சியான காலநிலை நிலவி வருகின்ற இந்நிலையில் கோணாவில் யூனியன் குளம் அக்கராயன் ஆரோக்கியபுரம் அமைதி புரம் போன்ற கிராமங்களில் குடிநீர் நெருக்கடி காணப்படுகின்றது.வருடாந்தம் இவ்வாறு தொடர்ந்து குடிநீர் நெருக்கடியை எதிர் கொள்ளும் இந்த பிரதேசங்களுக்கு நிரந்தரமான ஒரு தீர்வு பெற்றுத் தருவதற்கு சம்பந்தப்பட்ட அதிகாரிகள் நடவடிக்கை எடுக்க வேண்டும் என்று பிரதேச மக்கள் கோரிக்கை விடுத்துள்ளனர்.