வவுனியாவில் அதிகரிக்கும் கொரோனா : இன்று 12 பேருக்கு கொரோனா தொற்று உறுதி!!

வவுனியாவில் 12 பேருக்கு கொரோனா தொற்று உறுதி செய்யப்பட்டுள்ளது. திருகோணமலையில் இருந்து வவுனியா, கற்பகபுரம் பகுதியில் உள்ள வீடு ஒன்றுக்கு புது வருட கொண்டாட்டத்திற்காக சிலர் வந்து சென்றிருந்தனர்.

அவ்வாறு வந்து சென்றவர்களுக்கு திருகோணமலையில் கொரோனா தொற்று உறுதி செய்யப்பட்டதையடுத்து, அவர்கள் வவுனியாவில் வந்து சென்ற வீடுகளில் வசித்தவர்களுக்கு பிசீஆர் பரிசோதனை மேற்கொள்ளப்பட்டது.

அதில் அவர்களுடன் வருடக் கொண்டாட்டத்தில் ஈடுபட்ட கற்பகபுரத்தைச் சேர்ந்த 9 பேருக்கு இன்று காலை கொரோனா தொற்று உறுதி செய்யப்பட்டது. 

மேலும், வவுனியா பழைய பேரூந்து நிலையத்தை அண்மித்துள்ள பிரபல சைவ உணவகம் ஒன்றில் பணியாற்றிய யாழ்ப்பாணத்தைச் சேர்ந்த இருவருக்கும் பிசீஆர் பரிசோதனையில் கொரோனா தொற்று உறுதி செய்யப்பட்டுள்ளது. 

இத்துடன், வவுனியா சிறைச்சாலை கைதி ஒருவருக்கும் பிசீஆர் பரிசோதனையில் கொரொனா தொற்று இருப்பது உறுதி செய்யப்பட்டுள்ளது. 

இந்நிலையில் கொரோனா தொற்றுக்குள்ளான 12 பேரையும் கொரோனா சிகிச்சை நிலையத்திற்கு அனுப்புவதற்கும், அவர்களுடன் தொடர்புகளை பேணியவர்களை சுய தனிமைப்படுத்துவதற்கும் சுகாதார பிரிவினர் நடவடிக்கை எடுத்துள்ளனர்.