ஒரு டொலர் ரூ.255 - பாகிஸ்தானில் வரலாறு காணாத கரன்ஸி வீழ்ச்சி

பாகிஸ்தானில் கடந்த சில மாதங்களாக பொருளாதார சீரழிவு ஏற்பட்டு வருகிறது என்றும் அந்நாடு திவால் ஆகும் நிலை வெகு தூரத்தில் இல்லை என்றும் உலக பொருளாதார வல்லுநர்கள் தெரிவித்து வந்தனர்.

அமெரிக்க டொலருக்கு நிகரான இந்திய ரூபாயின் மதிப்பு 81 ரூபாயை விட அதிகரித்துள்ள நிலையில் பாகிஸ்தானின் ரூபாய் மதிப்பு மிகவும் சரிந்துள்ளதாக வெளிவந்திருக்கும் தகவல் பரபரப்பை ஏற்படுத்தி உள்ளது.

இந்த நிலையில் தற்போது வந்திருக்கும் தகவலின்படி அமெரிக்க டொலருக்கு நிகரான பாகிஸ்தான் ரூபாயின் மதிப்பு வரலாறு காணாத சரிவு ஏற்பட்டுள்ளதாக தெரிகிறது. ஒரு அமெரிக்க டொலரின் மதிப்பு பாகிஸ்தானின் ரூபாய் படி 255 என்ற அளவில் வீழ்ச்சி அடைந்ததால் பாகிஸ்தானில் கடும் பொருளாதார நெருக்கடி ஏற்பட்டுள்ளதாக கூறப்படுகிறது. ஏற்கனவே பாகிஸ்தான் கடும் பொருளாதார சிக்கலில் இருப்பதால் அரசு கட்டிடங்கள் விற்பனை செய்யப்பட்டு வரும் நிலையில் ரூபாய் மதிப்பீடு வீழ்ச்சி அடைந்துள்ளதால் பெரும் அதிர்ச்சி ஏற்பட்டுள்ளது.