வரும் 15-ம் தேதி முக்கிய அறிவிப்பு வெளியிடுகிறார் டிரம்ப்

ஒஹியோ மாகாணத்தில் இன்று ஆதரவாளர்கள் மத்தியில் முன்னாள் அதிபர் டொனால்டு டிரம்ப் பேசினார். அப்போது, நான் வரும் 15-ம் தேதி செவ்வாய்கிழமை ப்ளோரிடா மார்-ஏ-லகோவில் (பண்ணை வீடு) வைத்து மிகப்பெரிய அறிவிப்பு ஒன்றை வெளியிடப்போகிறேன்' என்றார். அமெரிக்க அதிபர் தேர்தல் 2024-ம் ஆண்டு நடைபெற உள்ள நிலையில் தேர்தலில் தான் போட்டியிடப்போவது குறித்து எதேனும் தகவலை டிரம்ப் வெளியிடுவாரா? அல்லது டுவிட்டர் நிறுவனத்தை எலான் மஸ்க் வாங்கியுள்ள நிலையில் தான் மீண்டும் டுவிட்டரில் இணைவது குறித்து ஏதேனும் அறிவிப்பு வெளியிடுவாரா? என பல்வேறு கேள்விகள் எழும்பியுள்ளன. இந்த கேள்விகளுக்கு வரும் 15-ம் தேதி பதில் கிடைக்கலாம் என எதிர்பார்க்கப்படுகிறது.