கொரோனா வைரஸ் பரவல் - முதலிடத்தில் இலங்கை

இலங்கையில் கொரோனா வைரஸ் தொற்றுக்கு இலக்காகி குணமடைபவர்களின் எண்ணிக்கை தொடர்ந்தும் உயர்ந்த மட்டத்தில் காணப்படுகிறது.

குணமடைபவர்களின் வீதம் 96.52 ஆக காணப்படுகிறது என சுகாதார அமைச்சு அறிவித்திருக்கிறது. நாட்டில் தொற்றிலிருந்து இதுவரை குணமடைந்தவர்களின் எண்ணிக்கை 91 ஆயிரத்து 456 ஆகும்.

அதேவேளை , இலங்கையில் கொரோனா வைரஸ் தொற்றுக்கு இலக்காகியிருப்பவர்களின் எண்ணிக்கை 94 ஆயிரத்து 848 ஆக உள்ளது. கொவிட் தொற்றுக் காரணமாக நாட்டில் 595 பேர் உயிரிழந்திருக்கிறார்கள்.

தற்போது வைத்தியசாலைகளில் மருத்துவச் சோதனையிலுள்ளவர்களின் எண்ணிக்கை 316 ஆகும். சிகிச்சை பெற்று வருவோரின் எண்ணிக்கை 2 இரண்டாயிரத்து 797 ஆகும்.

நாட்டில் 9 இலட்சத்து 25 ஆயிரத்திற்கும் அதிகமானோருக்கு கொவிட் தடுப்பூசி ஏற்றப்பட்டிருக்கிறது.