சீனாவில் விமானம் விபத்துக்குள்ளானதில் 132 பேரும் உயிரிழப்பு

சீனாவில் கடந்த 21-ஆம் தேதி விபத்துக்குள்ளான போயிங் ரக விமானத்தில் பயணித்த 132 பேரும் உயிரிழந்ததாக அறிவிக்கப்பட்டுள்ளது.  

கடந்த 21-ம் தேதி சீனவின் குவான்ஸி மாகாணத்தின் குன்மிங் நகரிலிருந்து  குவாங்ஜு நகருக்கு 132 பயணிகளுடன் சீன ஈஸ்டர்ஸ் ஏர்லைன்ஸ் நிறுனத்துக்குச் சொந்தமான எம்யு 5357 என்ற போயிங் 737 விமானம் புறப்பட்டது. குன்மிங் நகரிலுள்ள விமான நிலையத்தில் இருந்து விமானம் புறப்பட்டு சென்ற நிலையில் உரிய நேரத்துக்குள் குவாங்ஜு நகருக்கு அந்த விமானம் சென்று சேரவில்லை. இதனையடுத்து விமானத்தின் கட்டுப்பாட்டு அறையை தொடர்பு கொள்ள முயற்சித்த போதும் அந்த விமானத்தை தொடர்புகொள்ள முடியவில்லை. இந்நிலையில், குன்மிங் நகருக்கு அருகிலுள்ள மலைப்பகுதியில் அந்த விமானம் மோதி விபத்துக்குள்ளானது தெரியவந்தது. 

விமானம் மோதி விபத்துக்குள்ளான மலைப்பகுதியில் காட்டுத்தீ பற்றி எரிந்து வரும் நிலையில், அதன் காரணமாக விமானம் கட்டுப்பாட்டை இழந்து விபத்துக்குள்ளாகி இருக்கலாம் என கூறப்பட்டது. விமானம் விபத்துக்குள்ளானதாக தகவல்கள் ஊடகங்களில் வெளியானதும் சம்பவம் நடைபெற்ற மலைப்பகுதிக்கு, மீட்பு படையினர், தீயணைப்பு வீரகள், மலையேற்ற குழுவினர் என பல்வேறு மீட்பு குழுவினர் அங்கு விரைந்து மீட்பு பணியில் ஈடுபட்டனர். இந்நிலையில் அந்த விமானத்தில் பயணித்த 132 பேரும் உயிரிழந்ததாகவும் அவர்களின் டி.என்.ஏ. கண்டுபிடிக்கப்பட்டுள்ளதாகவும் தகவல் வெளியாகியுள்ளது. 

 கருப்பு பெட்டியை ஆராய்ந்து பார்த்தால் விமானம் விபத்துக்குள்ளான காரணம் தெரியவரும்.