எலான் மஸ்க், ரஷிய அதிபர் புதினுக்கு விடுத்த சவால்

அமெரிக்க மின்சார வாகன உற்பத்தி நிறுவனமான டெஸ்லாவின் தலைமை நிர்வாக அதிகாரியும், விண்வெளி நிறுவனமான ஸ்பேஸ் எக்ஸின் நிறுவனருமான எலான் மஸ்க், ரஷிய ராணுவத் தாக்குதல்களால் பாதிக்கப்பட்ட உக்ரைனில் ஸ்டார்லிங்க் இணையச் சேவையை செயல்படுத்துதல் மற்றும் தாக்குதலினால் பாதிக்கப்பட்ட பகுதிகளுக்கு இணைப்பைக் கொண்டுவர உதவும் உபகரணங்களை அனுப்பி வைத்தார்.

எலான் மஸ்க், நேற்று ரஷிய அதிபர் விளாடிமிர் புதினுக்கு சவால் ஒன்று விடுத்துள்ளார். ரஷியாவின் உக்ரைன் மீதான கொடூரமான தாக்குதலைத் தொடர்ந்து அவர் தனது டுவிட்டர் பக்கத்தில் ரஷிய மொழியில், இதன் மூலம் நான் விளாடிமிர் புதினுக்கு ஒரு ஒற்றைப் போருக்கு சவால் விடுகிறேன். இந்த சண்டையை ஏற்றுக்கொள்கிறாரா என்று டுவிட் செய்துள்ளார்.