முல்லைத்தீவில் மரம் விழுந்து கூலித் தொழிலாளி ஒருவர் உயிரிழப்பு!

முல்லைத்தீவு முள்ளியவளை பூதன் வயல் பகுதியில் மரம் அறுக்கும் கூலித்தொழிலாளி ஒருவர் மரம் அறுத்துக்கொண்டிருக்கும் போது மரம் விழுந்து உயிரிழந்துள்ளார்.  குறித்த சம்பவம் நேற்று (24.03.2021) இடம்பெற்றுள்ளது. இச் சம்பவத்தின் போது முள்ளியவளை 03 ஆம் வட்டாரத்தினை பிறப்பிடமாகவும் ஜனார் குடியிருப்பு முள்ளியவளையினை வசிப்பிடமாகவும் கொண்டு சொக்கன் என்று அழைக்கப்படும் 42 வயதுடைய குடும்பஸ்தரான கணபதிப்பிள்ளை ஜெயசீலன் என்பவர் உ.யிரிழந்துள்ளார். 

இவரது சடலம் முல்லைத்தீவு மாவட்ட மருத்துவமனையில் வைக்கப்பட்டு பிரேத பரிசோதனைகளின் பின்னர் உறவினர்களிடம் ஒப்படைக்கப்படவுள்ளது. குறித்த விபத்து தொடர்பில் முள்ளியவளை பொலிஸார் மேலதிக விசாரணைகளை முன்னெடுத்து வருகின்றனர்.