10 ஆம் வகுப்பு மாணவனுடன் மாயமான 35 வயது பெண்

திருவாரூர் மாவட்டம், குடவாசல் தாலுக்கா, எரவாஞ்சேரி அருகே தேதியூர் தெற்கு தெருவில் பாலகுரு மற்றும் ராசாத்தி தம்பதியினர் குடும்பத்துடன் வசித்து வருகின்றனர். இவர்களுக்கு பரத் என்கிற 15 வயது மகனும், 13 வயது வயதுடைய பாரதி என்ற மகளும் உள்ளனர்.

அதே தெருவில் கட்டிடவேலை செய்கின்ற பாலகிருஷ்ணன்-லலிதா தம்பதியினர் வசித்து வருகின்றனர். இவர்களுக்கு 13 வயதில் மகள் உள்ளார். லலிதா தேதியூரில் உள்ள அங்கன்வாடியில் சமையல் ஊழியராக பணியில் உள்ளார்.

பரத் எரவாஞ்சேரியில் உள்ள ஒரு தனியார் பள்ளியில் பத்தாம் வகுப்பு படித்து வருகிறார். 35 வயதுடைய லலிதா மற்றும் 15 வயதே ஆன பரத் ஆகிய இருவருக்கும் சில மாதங்களாக பழக்கம் ஏற்பட்டுள்ளது. இது தொடரவே பரத்தின் பெற்றோர்கள் இதனை கண்டித்துள்ளனர்.

பரத்தை எரவாஞ்சேரி அக்ரஹார பகுதியில் உள்ள அவரது சித்தி வீட்டில் தங்கவைத்து அங்கிருந்து பள்ளிக்கு சென்று வர கூறியுள்ளனர். பரத் சித்திவீட்டில் இருந்தபடியே பள்ளிக்கு சென்று வந்துள்ளார்.

கடந்த 26.10. 2011 அன்று பள்ளிக்கு சென்ற பரத் வீட்டுக்கு திரும்பவில்லை. பெற்றோர்கள் மற்றும் உறவினர்கள் எல்லா இடங்களிலும் தேடியும் பரத்தை காணவில்லை. இதுகுறித்து எரவாஞ்சேரி காவல் நிலையத்தில் பரத்தின் தந்தை பாலகுரு புகார் அளித்துள்ளார்.

காவல்துறையினர் புகாரின் அடிப்படையில் விசாரணை செய்தபோது, கிருத்துவ மேரி என்பவர் பரத் மற்றும் லலிதா ஆகிய இருவரையும், பரத் படிக்கின்ற பள்ளிக்கு அருகில் ஒரு ஆட்டோவில் ஏற்றி அனுப்பி விட்டதாக தெரிந்துள்ளது.

தொடர் விசாரணையில் ஆட்டோ டிரைவர் தனபால், பரத் மற்றும் லலிதா ஆகிய இருவரையும் பூந்தோட்டம் என்ற ஊரில் இறக்கி விட்டு வந்ததாக கூறியுள்ளார். இதையடுத்து எரவாஞ்சேரி காவல்துறையினர் லலிதா மீது ‘போக்சோ’ சட்டத்தில் வழக்குப்பதிவு செய்து தொடர்ந்து தேடி வருகின்றனர்.