பட்டிமன்ற பேச்சாளர் பாரதி பாஸ்கர் உடல்நலக்குறைவு காரணமாக அப்பல்லோவில் அனுமதி

பிரபல பட்டிமன்ற பேச்சாளர் திருமதி. பாரதி பாஸ்கர் உடல்நலக்குறைவு காரணமாக அப்பல்லோ மருத்துவமனையில் அனுமதிக்கப்பட்டுள்ளதாக தகவல் வெளிவந்துள்ளது.

 சாலமன் பாப்பையாவின் பட்டிமன்ற குழுவில் இடம் பெற்றிருப்பவரில் ஒருவர் பாரதி பாஸ்கர். இவர் நகைச்சுவையாகவும் அர்த்தமுள்ளதாகவும் பேசுவார்.  இவருக்கு ஏராளமான ரசிகர்கள் உண்டு என்பதும் குறிப்பிடத்தக்கது. குறிப்பாக ராஜா மற்றும் பாரதி பாஸ்கர் ஆகிய இருவரும் எதிரெதிர் அணியில் இருந்து கொண்டு காரசாரமாகவும் ஆக்கப்பூர்வமாகவும் வாதாடுவார்கள்.

 பாரதி பாஸ்கருக்கு திடீரென உடல்நல குறைவு ஏற்பட்டதை அடுத்து சென்னை அப்பல்லோ மருத்துவமனையில் அனுமதிக்கப்பட்டுள்ளதாகவும் அவருக்கு மருத்துவர்கள் தீவிர சிகிச்சை அளித்து வருவதாகவும் தகவல் வெளிவந்துள்ளது. அவர் விரைவில் குணமாக வேண்டும் என்று பட்டிமன்ற ரசிகர்கள் இறைவனை பிராதித்து வருகின்றனர்.