மன்னாரில் புதிதாக 49 பேருக்கு கொரோனா தொற்று

மன்னாரில் புதிதாக 49 பேருக்கு கொரோனா வைரஸ் தொற்று உறுதி செய்யப்பட்டுள்ளதாக மாவட்ட பிராந்திய சுகாதார சேவைகள் பணிப்பாளர் வைத்தியர் ரி.வினோதன் தெரிவித்துள்ளார்.

இன்று (வெள்ளிக்கிழமை) நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார்.

குறித்த ஊடகவியலாளர் சந்திப்பில் வைத்தியர் ரி.வினோதன் மேலும் கூறியுள்ளதாவது, “புதிதாக அடையாளம் காணப்பட்ட தொற்றாளர்கள் உள்ளடங்களாக இந்த மாதத்தில் இதுவரை 114 பேருக்கு கொரோனா வைரஸ் தொற்று உறுதி செய்யப்பட்டுள்ளது.

மேலும் 456 பீ.சி.ஆர் பரிசோதனை முடிவுகள் கிடைக்க உள்ளன. இதேவேளை மன்னாரில் இயங்குகின்ற ஆடைத் தொழிற்சாலையை, சுகாதார பிரிவினர் தொடர் கண்காணித்து வருகின்றனர்.