அமெரிக்காவுக்கு சுற்றுலா செல்வதை தவிர்க்கும் கனேடிய மக்கள்

கனேடிய மக்கள் பலர், இனி அமெரிக்காவுக்கு சுற்றுலா செல்வதில்லை என முடிவு எடுத்துள்ளார்கள். அமெரிக்காவுக்கு அதிக அளவில் சுற்றுலா செல்பவர்களில் முதலிடம் பிடித்துவந்தவர்கள் கனேடியர்கள்.எஆனால், இனி அமெரிக்காவுக்கு சுற்றுலா செல்வதில்லை என கனேடியர்களில் பலர் முடிவு செய்துள்ளார்கள்.

டிரம்ப் கனடா மீது வரிகள் விதிக்கப் போவதாக மிரட்டியதைத் தொடர்ந்து, கனேடியர்கள் அமெரிக்காவைத் தவிர்த்து கனடாவுக்குள்ளேயே பல்வேறு சுற்றுலாத்தலங்களை பார்வையிடுவதில் கவனம் செலுத்துமாறு கனடாவின் முன்னாள் பிரதமரான ஜஸ்டின் ட்ரூடோ மக்களைக் கேட்டுக்கொண்டிருந்தார். அவர் கேட்டுக்கொண்ட விடயத்தை மக்கள் பின்பற்றத் துவங்கியுள்ளார்கள்.

அதன்படி, பிப்ரவரியில் அமெரிக்கா சென்று திரும்பிய கனேடியர்களின் எண்ணிக்கை, முந்தைய ஆண்டை ஒப்பிடும்போது 23 சதவிகிதம் குறைந்துள்ளதாக கனடாவின் புள்ளியியல் துறை தெரிவித்துள்ளது.

டிரம்பின் வரிவிதிப்பு அச்சுறுத்தல்களை விட, கனடாவை அமெரிக்காவுடன் இணைக்கப்போவதாக அவர் மிரட்டி வருவதுதான் தங்களுக்கு கோபத்தையும் அச்சத்தையும் ஏற்படுத்தியுள்ளதாக கனேடிய மக்கள் தெரிவித்துள்ளார்கள்.