பாகிஸ்தான் அணிக்கெதிரான ஒருநாள் சர்வதேச கிரிக்கெட் போட்டியில் அவுஸ்திரேலிய வெற்றி

அவுஸ்திரேலிய மற்றும் பாகிஸ்தான் அணிகளுக்கு இடையே இடம்பெற்ற முதலாவது ஒருநாள் சர்வதேச கிரிக்கெட் போட்டியில் அவுஸ்திரேலிய அணி 2 விக்கெட்டுக்களால் வெற்றி பெற்றுள்ளது.

போட்டியில் முதலில் துடுப்பெடுத்தாடிய பாகிஸ்தான் அணி 46.4 ஓவர்கள் நிறைவில் சகல விக்கெட்டுக்களையும் இழந்து 203 ஓட்டங்களைப் பெற்றது.

துடுப்பாட்டத்தில் பாகிஸ்தான் அணி சார்பாக அதன் தலைவர் மொஹமட் றிஸ்வான் அதிகூடுதலாக 44 ஓட்டங்களைப் பெற்றுக் கொடுத்தார்.

பந்து வீச்சில் அவுஸ்திரேலிய அணி சார்பாக மிட்செல் ஸ்டார்க் 3 விக்கெட்டுக்களை கைப்பற்றினார்.

பதிலளித்தாடிய அவுஸ்திரேலிய அணி 33.3 ஓவர்கள் நிறைவில் 8 விக்கெட்டுக்களை இழந்திருந்த போது வெற்றியிலக்கை அடைந்தது.  துடுப்பாட்டத்தில் அவுஸ்திரேலிய அணி சார்பாக ஜொஸ் இங்லிஸ் 49 ஓட்டங்களைப் பெற்றுக் கொடுத்தார்.

000