பெயர் மாற்றப்பட்ட ‘ரயில்’ படத்தின் ரிலீஸ் தேதி அறிவிப்பு

எழுத்தாளராகவும், திரைப்பட வசனகர்த்தாவாகவும் அறியப்படும் பாஸ்கர் சக்தி வடக்கன் என்ற படத்தை இயக்க உள்ளதாக கடந்த ஆண்டு அறிவிப்பு வெளியானது. இவர், எம்டன் மகன், அழகர்சாமியின் குதிரை உள்ளிட்ட படங்களுக்கு கதை வசனம் எழுதியவர்., பல சின்னத்திரை சீரியல்களிலும் அவர் பணியாற்றியுள்ளார். இந்த படத்தை டிஸ்கவரி சினிமாஸ் மூலமாக புத்தக பதிப்பாளர் வேடியப்பன் தயாரிக்கிறார்.

பாஸ்கர் சக்தி இயக்கத்தில் தேனி ஈஸ்வர் ஒளிப்பதிவில் உருவாகியுள்ள வடக்கன் திரைப்படத்தின் ஷூட்டிங் நிறைவடைந்து ரிலீஸ் தேதி அறிவிக்கப்பட்ட போது படத்தின் தலைப்பு சென்சார் போர்ட் எதிர்ப்பு தெரிவித்து பெயரை மாற்ற அறிவுறுத்தினர். இதையடுத்து படத்துக்கு ரயில் எனத் தலைப்பு மாற்றப்பட்டது. இந்நிலையில் படம் ஜூன் 21 ஆம் தேதி ரிலீஸ் ஆகும் என அறிவிக்கப்பட்டுள்ளது.

வட மாநிலங்களில் இருந்து தமிழகத்தில் வேலை செய்யும் வட மாநில தொழிலாளர்களைப் பற்றிய படமாக வடக்கன் உருவாகி உள்ளதாக சொல்லப்படுகிறது. சமீபத்தில் இந்த படத்தின் டிரைலர் வெளியாகி கவனம் ஈர்த்தது. அதே சமயம் இந்த படத்தின் மீது கடுமையான விமர்சனங்களும் உருவாகியுள்ளது.