கனடாவில் பத்து தகவல்கள்!

(1) பின்வரும் நாடுகளில் வாகனம் செலுத்தும் சாரதி அனுமதி பத்திரங்கள் (DRIVER’S LICENSE) வைத்திருப்பவர்கள் கனடாவில், நாம் வசிக்கும் ஒன்ராரியோ மாகாணத்தில் எதுவிதமான எழுத்து பரிட்சைகள் (Written Test) வீதி பரிட்சைகள் (Road Test) என எவற்றுக்கும் தோற்றாது ஒன்ராரியோ மாகாண லைசென்ஸாக இலகுவாக மாற்றிக் கொள்ளலாம்.

அவையாவன பின்வருமாறு:-

     AUSTRALIA

     AUSTRIA

     BELGIUM

     FRANCE

     UNITED KINGDOM

     THE ISLE OF MAN

     JAPAN

     SOUTH KOREA

     NEW ZEALAND

     NORTHERN IRELAND

     REPUBLIC OF IRELAND

     SWITZERLAND

     TAIWAN

     ANY U.S. STATES

     ANY CANADIAN PROVINCE OR TERRISORY

(2) தொடர்ந்து கனடாவில் தொழில் செய்துக் கொண்டிருப்பவர் ஒருவரின் குடும்பத்தில் எவராவது ஒருவர் ஏதாவது கொடிய நோய்களினால் பாதிக்கப்பட்டிருந்தால் 26 கிழமைகளுக்கு சம்பளத்தின் ஒரு பகுதியினை பெற்றுக் கொண்டு நோய்வாய்பட்டவரை பராமரிப்பதற்காக தொடர்ந்து லீவு எடுக்கலாம். (Compassionate care Benefits under the Canadian employment insurance program)

(3) மருந்துகள் வாங்குவதற்கு அரச காப்புறுதி திட்டம் தனியார் காப்புறுதி திட்டங்கள் என கனடாவில் பலதும் வைத்திருப்பார்கள்.

சில நோயாளிகளுக்கு, சில குறிப்பிட்ட மருந்துகள் இவ் காப்புறுதி திட்டங்களுக்குள் உட்படாத காரணத்திற்காக சொந்த பணம் செலுத்தியே வாங்க வேண்டி வரலாம்.

தொடர்ந்து இவ் செலவுகளை மாகாண அரசுக்கு ஆதாரங்களுடன் விண்ணபித்து மீள பெற முயற்சிக்கலாம்.

(Exceptional Access Drug Program – Ontario Ministry of Health)

(4) ஏற்கனவே குறைந்தது 13 கிழமைகள் தொடர்ந்து ஒரு இடத்தில் தொழில் புரிந்து வந்தவர் குடும்ப வன்முறைகள் உட்பட ஏதாவது வன்முறைகள் தாக்குதல்களில் உடல், உள ரீதியாக பாதிக்கப்பட்டிருந்தால் அவ் பாதிப்புகள் தொடர்பான மருத்துவ சிகிச்சைகள், சட்ட நடவடிக்கைகளை முன் எடுப்பதற்காக பத்து நாட்கள் சம்பளத்துடன் லீவு வழங்கப்படல் வேண்டும் என்பது கனடிய மத்திய அரசு சட்டமூலமாக கொண்டு வந்துள்ளது.

(DEMESTIC OR SEXUAL VIOLENCE LEAVE ACCORDING TO THE CANADIAN EMPLOYMENT STANDARDS ACT)

(5) அமெரிக்கா – கனடா எல்லையில் கடந்து செல்லும் ஒவ்வொரு முறையும் கனடிய பாஸ்போர்ட்டினை எடுத்து செல்வதற்கு பதிலாக விசேட லைசென்ஸ் அட்டை உள்ளது. அதனை பெற்று வைத்திருந்தால் அதனை பாஸ்போர்ட்டுக்கு பதிலாக அங்கீகரித்துள்ளனர்.

ஆனால் விமானம் மூலம் பிரயாணிப்பதற்கு பாஸ்போர்ட் என்றும் தேவையானதாகும்.

(ENHANCED DRIVER’S LICENSE)

(6) பொலீஸ், ஆம்புலன்ஸ், தீயணைக்கும் பிரிவுகளுக்கு அழைக்கும் கனடாவின் அவசர தொலைபேசி 911 என்ற இலக்கத்திற்கு அழைக்கும் போது, ஆங்கில மொழி தெரியவில்லை என்ற வருத்தம் தேவையில்லை.

“ரமிழ்” என்ற சொல்லை குறிப்பிடுங்கள், அந்த மொழியில் தொடர்பு கிடைக்கும். சுமார் நூற்றுக்கு மேற்பட்ட மொழிகளில் சேவை வசதி கிடைக்கும்.

(7) கனடாவில் வாகனம் செலுத்தும் லைசென்ஸ் வைத்திருப்பவர்கள் ஏனைய நாடுகளுக்கு விஜயம் செய்யும் போது அங்கு வாகனம் செலுத்தும் “சர்வதேச சாரதி அனுமதி பத்திரம்” (INTERNATIONAL LICENSE) விரைவாக பெற வேண்டுமா? அழையுங்கள் C.A.A. (CANADIAN AUTOMOBILE ASSOCIATION)

(8) கனடாவில் தங்களின் வீடுகளுக்கு முன்னால் வீதியோரமாக பாரிய நிழல் தரும் மரங்கள் ஏதாவது நாட்ட விரும்பினால் அந்தந்த நகரசபையின் வனவளதுறை பிரிவுக்கு அழைத்தால் அந்தந்த மண்வளம் சூழல் சுற்றாடல்களை பரிசீலனை செய்து உகந்த மரங்களை இலவசமாகவே நாட்டிவிடுவார்கள்.

(CITY URBAN FORESTY SERVICE.)

(9) சுமார் பத்து வருடங்களுக்கு மேலாக கனடாவின் வங்கிகள், நிதி நிறுவனங்களில் எதுவிதமான தொடர்புகளுமில்லாது கைவிடப்பட்ட வங்கி கணக்குகள், முதலீட்டு திட்டங்களில் உள்ள பணம் கனடாவின் தலைமை வங்கிக்கு மாற்றப்பட்டு விடும்.

விலாசம் மாறியவர்கள், வயோதிபம் காரணமாக மறதியில் இருப்பவர்கள், மரணமாகியவர்கள் என பலரும் இதில் அடங்குவார்கள். இவ் பத்து வருடங்களுக்குள் வங்கி மூன்று தடவைகள் எச்சரிக்கை கடிதம் அனுப்பி அதனையும் உதாசீனம் செய்தால், இறுதியில் தலைமை வங்கியின் கோரப்படாத கணக்கிற்கு மாற்றிவிடுவார்கள்.

கனடிய தலைமை வங்கி இவ்வாறு தவற விட்டவர்கள், அல்லது மரணமாகியிருந்தால் அவர்களின் சட்டரீதியான வாரிசுகள், தங்களுடன் தொடர்பு கொண்டு சரியான ஆதாரங்களை காட்டி அதனை பெற்றுக் கொள்ளுமாறு பகிரங்கமாக கேட்டு கொண்டே வருகின்றனர்.

(Unclaimed Bank Balance - Bank of Canada)

(10) வீதிகளின் குழிகளினால் செலுத்தும் வாகனங்களுக்கு ஏதாவது பாதிப்புகள் ஏற்பட்டால், எந்த இடத்தில் ஏற்பட்டதோ அந்த இடம் உள்ள நகரசபைக்கு ஆதாரங்களை காட்டி நட்டஈடு கோரலாம்.

விபத்து நடந்த இடம், வரைபடங்களுடன் தெளிவுரை, ஏதாவது சாட்சிகள், திருத்த செலவினை மேற்கொண்ட ஆதாரங்கள், ரிசீற்றுகள் என்பனவற்றோடு காலதாமதமில்லாது தங்கள் நட்டஈடு கோரிக்கையினை சமர்ப்பிக்கவேண்டும்.

(POT HOLE CLAIM IN CITY)

___ SIVA-PANCHALINGAM

(Experience in more than in ¼century in Canadian insurance field)

416-321-0999

416-990-4908 (Cell)

[email protected]