மருத்துவ காப்புறுதியில்லாது கனடாவுக்கு வருபவர்களுக்கு…………!

அனுபவ படிப்புகளின் சில குறிப்புகளிலிருந்து ஏதாவது ஒன்றினையாவது சொல்ல வேண்டும் போல் உள்ளது.

சொல்கின்றேன்! ஆர்வமிருந்தால் தொடர்ந்து படியுங்கள்!

சற்று வயதான அந்த தமிழ் மூதாட்டி! மகளின் ஸ்பொன்ஸர் மூலமாக எங்கள் தாயக மண்ணிலிருந்து கனடாவுக்கு வருகை தந்திருந்தார்.

அடுத்த கிழமை துரதிர்ஷ்டவசமாக நோய்வாய்பட்டு கோமா நிலைமைக்கு சென்று வைத்தியசாலையில் சில நாட்கள் இருந்த பின்னர் மரணத்தினை தழுவியிருந்தார்.

(குடும்ப ஸ்பொன்ஸரில் கனடாவுக்கு வருகை தருபவர்களுக்கு முதல் மூன்று மாதங்களுக்கு மாகாண அரசின் இலவச மருத்துவ காப்புறுதி திட்டத்திலிருந்து பெறும் சலுகைகள் எவையும் இருக்க மாட்டாது என்பது கனடாவில் வசிக்கும் பலரும் அறிந்த விடயமாகும்.)

எதுவிதமான தனியார் மருத்துவ காப்புறுதி திட்டங்களும் பெற்று வைத்திருக்கவுமில்லை.

இறுதியில் என்ன நடந்தது?

ஸ்பொன்ஸர் செய்த மகளுக்கு சுமார் $50,000 டொலர் வரை சிகிச்சை கட்டணம் செலுத்துமாறு வைத்தியசாலை கணக்கு அனுப்பியிருந்தது.

அரசுக்கு செலுத்த வேண்டிய பணத்தினை செலுத்தாமல் விட்டால் அடுத்து என்ன நடக்கும்?

è தங்கள் வருமானத்திலிருந்’து மாதா மாதம் சட்டரீதியாக ஒரு குறிப்பிட்ட தொகையினை அறவிடலாம். (GARNISHEE ORDER)

è தங்கள் சொத்துகள், வங்கி சேமிப்புகளை சட்டரீதியாக பிடித்து வைத்திருத்தல் (Lien On Property & Bank Accounts)

è குறிப்பிட்ட கொடுப்பனவுகள், கடன்களை செலுத்தாதவர் என்பது பதிவாகிவிடும். (Registerd in Credit Bureau Records)

இந்த விடயங்கள் கனடா வாழ்வில் யாவருக்கும் தெரிந்த விடயம்!

நாம் எவையும் சொல்ல தேவையில்லை.

பொதுவாக கனடாவில் மருத்துவ காப்புறுதி திட்டங்கள் என எவையுமில்லாது வைத்தியசாலையின் அவசர நோயாளர் பிரிவுக்கு சென்றால் $304 டொலர் கட்டணம் செலுத்த வேண்டும்.

வைத்தியசாலையில் தங்கி சிகிச்சை செய்ய வேண்டிவந்தால், ஒரு நாளுக்கு $300 - $350 டொலர் வரை செலுத்தவேண்டும். இவை தவிர

• சத்திர சிகிச்சை செலவுகள் (DAY SURGERY)

* கதிர்வீச்சு படம் பிடித்தல் (X-RAY COST)

• உள் உறுப்புகளின் காந்த அதிர்வு அலை வரைவு பரிசோதனை (MRI TEST)

• மிக நுண்ணியமான உள் உறுப்புகளின் பரிசோதனை (CT SCAN & ULTRA SOUND TESTS)

* இரத்த, சிறுநீரக பரிசோதனைகள். (BLOOD & URINE TEST)

• மருத்துவ, பராமரிப்பு செலவுகள் (MEDICAL, NURSING, ATTENDING CARE COST)

இப்படி ஏராளமான செலவுகள் உள்ளடக்கப்பட்டே மொத்தமாக சுமார் $ 50,000 டொலர் வரை கட்டணம் செலுத்தியே ஆகவேண்டும் என அறிக்கை அனுப்பபட்டிருந்தது.

எதற்கும் தனியாக, இந்த மூன்று மாத காலத்திற்கும் அவசர மருத்துவ காப்புறுதி திட்டம் ஒன்றில் சேர்ந்திருந்தால் சந்தேகமேயில்லாமல் அது இப்படியான நிலைமையில் கைகொடுத்து பாதுகாத்திருக்கும்.

சரி! கனடாவில் இப்படியான நிலைமைகளை எதிர்கொண்டவர்களுக்கு ஏதாவது மாற்று வழி தீர்வு உண்டா? அதுவே இங்கு எழும் அடுத்த கேள்வி!

மாகாண அரசின் மருத்துவ சேவைகளின் மறுபரிசீலனை மேல்முறையீட்டு சபை என்ற நிறுவனத்திற்கு மனு செய்து பார்க்கலாம்.

மேலே குறிப்பிடப்பட்ட செலவுகள் என்ற பிரச்சனைக்குள் சிக்குபட்டவர்களின் விடயங்களில் எந்தவொரு தீர்மானத்தினையும் எடுப்பதற்கு அரச அதிகாரமுள்ள சபையாகும்.

தங்கள் பக்கத்தில் வலிமையான நியாயமிருந்தால் தங்களுக்கு பாதகமாகவுள்ள தங்கள் செலவுகள் நிராகரிக்கவும் படலாம், இல்லையேல் பகுதி பகுதியாக தங்களின் நிதி நிலவரங்களுக்கு ஏற்ப பண செலவினை திருப்பி செலுத்தும் வசதிகள் செய்து தரலாம்.

சுயாதீன நிதி வழங்கும் சபை (Independent Adjudicative Board) என இயங்கும் அவ் நிறுவனத்தின் விபரங்கள்

“மருத்துவ சேவைகளின் மறு பரிசீலனை மேல்முறையீட்டு சபை”

HEALTH SERVICES APPEAL & REVIEW BOARD

151, Bloor St.west 9^th floor

Toronto,Ontario M55 I54

Phone: 416-327-8512

www,HSARB.ON.CA

“இந்த மேல் முறையீட்டு சபை” பற்றி தெரிந்து வைத்திருங்கள். சில நேரங்களில் தேவைப்படலாம். 

- SIVA-PANCHALINGAM, Canada

416-990-4908 (Cell)

[email protected]